Apilipi 4:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Ĩpa gua anũna aane nanumuloogilue, nanumuonĩĩle nsula, ilyumbi liane, nĩngala yaane, ĩĩmĩkĩ kee iio kuukamatĩkũ mwa kĩShekulu, aloogua aane.

Apilipi 4:1 ပူးပေါင်းရင်းမြစ်များ

Matayo 10:22

Mukitũlishuukĩlua nĩantu tulu kunsooko ya liina liane. uNuasio gua nwakugigimĩĩlia sunga ĩmpelo, uuzo ukigũnĩka.

Yohana 8:31

ũYesu nuaĩĩla ĩAyahũdi naalĩ amusuĩlĩĩle, “Inie kanga mwikyale mulukaani luane, ĩtai mwĩamanigua aane;

Utendi 11:23

Ninduyo pĩna nupika nuuona ukende wa kĩNzua, nulumba, nuakamia nkolo, ĩĩ ĩensi nũShekulu kwishĩĩgo lĩmuĩ,

Utendi 14:22

naakuzĩkamĩnkĩĩlia inkolo za amanigua nukukuasugula ĩkamatĩkie muusuĩĩli, naiũga ya kĩna yukũjĩpĩĩle kwiingĩla muutemi wa kĩNzua kuwaagi wĩngĩ.

Utendi 2:42

Naĩkamatĩkia muumanigua wa atumua, numuukamamtani, nukukuuega uugalĩ numuulompi.

Alumĩ 2:7

ĩaasio naakudũũmaa uukulu nikyulio nuusiitioononeka kuugigimĩlia wa kutenda namaaza, ikipeegua upanga wa kalĩ nakalĩ;

1 Akolinto 15:58

Kuluulo gua anũna aane aloogua, mutũle akamu mulekishũngũsĩka, mwĩongeelekie kwitenda umulĩmo wa kĩShekulu intondo tũlũ zensi, mumanile kĩna mwa kĩShekulu umulĩmo waani namukakũ sika nakanda.

1 Akolinto 16:13

Kengealĩ, muĩmĩke kee muusuĩĩli, muĩ akĩgoosia, muĩ akamatĩkũ.

2 Akolinto 1:14

Iio-iioo kĩna naalĩ mukulĩngile kũtyũmpi, ya kĩna kwĩnsooko ya kĩkũmazukia kumuani, kĩna uniinie namuĩlĩ kumwitu ishie mulutondo ulwa kĩShekulu Yesu.

Agalatia 5:1

Kuukolelua uKilisito nukutenda akolelua; luulo gua, ĩĩmĩkĩ kuukamatĩkũ, muleke kĩtuala kangĩ mũpyĩmpĩ lya usese.

Apilipi 1:27

uLugendo luani lutũle kĩna ijĩpĩĩle iMpola na Nziiza za kĩKilisito, koona malĩĩ ĩnikiiiza kukumuona inie katia kanga nĩĩ nukutilĩ, nĩziigie impola zaani, kĩna muĩmĩkile kuukamũ kunkolo ĩmuĩ, kũshĩĩgo lĩmuĩ ĩmukĩsinka kuusuĩlĩ wa Mpola na Nziiza.

Apilipi 1:8

Kuitĩ uNzua ingĩ mukuĩlĩ waane kĩna numutĩĩtĩĩle inie nsula kĩna ĩnsula nya kĩKilisito Yesu umuene.

Apilipi 2:16

pĩna mũtyapile uLukaani lwa upanga, ntũle nĩnsooko ya kĩkũmazukia paLutondo lwa kĩKilisito, ya kĩna uugendi wane sika alĩ nakanda, kangĩ kĩna sika alĩ nĩkĩtumaa kamulĩmo nakanda.

Apilipi 2:26

Kunsooko alutĩĩte nsula kumiani inie tũlũ, nuona usungu dũũ kunsooko alĩ mũigilie ya kina alĩ muluĩle.

Akolosai 4:12

uEpafula nwa kunsiani, mwĩtumi wa kĩYesu, ukumulamukia; ukĩkamatĩkagiaa intondo tũlũ kunsooko yaani muulompi waakue, koona muĩmĩke ke, akamĩnkĩĩlũ, mulĩngĩkie uulooa tũlũ wa kĩNzua.

1 Atesaloniki 3:13

Itĩ yoi wazĩtende inkolo zaani zitũle nkamũ, ĩmuagila kishokio muweelu ntongela ya kĩNzua Tata wĩĩtu, pĩna ũjiliiiza ũShekulu wĩĩtu Yesu palumuĩ nieelu aakue tũlũ.

2 Atesaloniki 2:15

Iio gua anũna ĩĩtu, ĩĩmĩkĩ kee, mwityape intendo naalĩ muamanigue nindiishie, kulukaani katia kumbalua yĩĩtu.

2 Timoteo 2:1

Iio gua, ue muanuane, utũle mukamatĩkũ muukende nawĩĩlĩ mwa kĩKilisito Yesu.

Aebulania 10:23

Kuambĩĩlĩkie uukũmuuli wa ulaaĩĩli wĩĩtu, ulekipĩluka; kuitĩ uyo naalulagile ingĩ wa usuĩĩli.

Aebulania 3:14

Kuitĩ kualĩĩ akamantani a kĩKilisito kanga kũtyapĩkie uukamatĩkũ wĩĩtu wa muandio sunga kumpelo,

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

2 Petelo 3:17

Luulo gua aloogua, na mwakondia kwimana izi, ĩsukukĩ mulekikenkeeligua nuulimĩĩli wa aasio naaleki, mugue nukwileka uukamũ waani.