Apilipi 3:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ kangĩ nigyelele mumuakue, ndekitũla nĩkulukuuluu nikigyelelaa kuUlagĩĩlio, ĩpa ĩo nikigelelaa kunzĩla ya usuĩĩli mwa kĩKiliisto; ĩkulukuuluu nyukupũnaa kwa kĩNzua, kunzĩla ya usuĩĩli.

Apilipi 3:9 ပူးပေါင်းရင်းမြစ်များ

Matayo 9:13

Longolĩ mwĩmanie ĩndogolelio ya nkaani izi, ‘Nsiilie kĩnishungu, sika mapolia.’ Kuitĩ sika nijile kukuĩĩta ĩakola kulukuuluu, ĩpa ĩanamĩlandu.”

Alumĩ 1:17

Kuitĩ ĩkulukuuluu ya kĩNzua yukukũnukulaguaa munsĩ yaakue kwipũna uusuĩĩli sunga kuusuĩĩli, kĩna yandĩkue, “uMukola kulukuuluu kunzĩla ya usuĩĩli ukitũla mupanga.”

Alumĩ 10:10

Kuitĩ umuntu kunkolo ukusuĩĩla waalĩĩligue ĩkulukuuluu, nukumulomo ukukũmuulaa wagũnue.

Alumĩ 16:7

Mualamukie nuAndoloniko nuYunia, antua aane, naalĩ atũngue palumuĩ nineene; naantongeeli mwiyũmbĩ lya atumua, nĩndĩo alĩ antongelĩĩle ĩne mwa kĩKilisito.

Alumĩ 5:21

Itĩ yoi kĩna umulandu nalĩ utemile muukiu, iio-iioo nuukende uteme kunzĩla ya kulukuuluu kuupanga wa kalĩ nakalĩ kunzĩla ya kĩYesu Kilisito Shekulu wĩĩtu.

Alumĩ 8:1

Ĩpaino gua, kutilĩ kaulamulua wa kukaasigua kuaasio naĩĩlĩ mwa kĩKilisito Yesu.

Alumĩ 8:3

Kuitĩ ĩzaasio nasika zishũũmĩkile kuUlagĩĩlio kunsooko ya uneketũ wa kĩmuĩlĩ, uNzua kukumutuma uMuana waakue umuene mumpiani ya muĩlĩ namukola mulandu nukunsooko ya mulandu, nulamula kukuukaasia umulandu mumuĩlĩ;

1 Akolinto 1:30

Ĩpa kumuakue inie mukoolĩ mwa kĩKilisito Yesu naalĩ mutendue kumuĩtu wĩĩ masala namapũnile kwa kĩNzua, nĩkulukuuluu nuweeligua nuukomolua;

2 Akolinto 5:17

Kuitĩ wensi kanga ĩwĩĩlĩ mwa kĩKilisito waazaa kĩumbe nakĩpia; iya kalĩ yakĩlaa, laaa katĩ naipia yaazaa.

2 Akolinto 5:21

Uyo nasikuumanile umulandu, numutenda watũle mulandu kunsooko yĩĩtu, koona kutũle kulukuuluu ya kĩNzua mumuakue.

Agalatia 2:16

kumanile kĩna umuntu sikukualĩĩlagiguaa ĩkulukuuluu kuutendi wa Ulagĩĩlio ĩpa kunzĩla ya usuĩĩli mwa kĩYesu Kilisito, nindiishie nakusuĩĩla mwa kĩKilisito, Yesu koona kualĩĩligue ĩkulukuuluu kuusuĩĩli mwa kĩKilisito, sika kuutendi wa Ulagĩĩlio, kunsooko kutilĩ kamukola muĩlĩ nwakualĩĩligua ĩkulukuuluu kuutendi wa Ulagĩĩlio.

Apilipi 3:6

kumpola za wĩkakia, mukola kuliagia ikyanisa; kumpola za kulukuuluu niĩlĩ muUlagĩĩlio, alĩ numugila kishokio.

2 Timoteo 1:9

Uyo alukugũnile nukukuĩta kuwĩĩtua naweelu, sika kwilika lya utendi wĩĩtu, ĩpa kwilika lishiio liakue umuene nuukende waakue, nalĩ kuapeegue ishie mwa kĩKilisito Yesu kwipũna ĩkalĩ,

Tito 3:5

sika kunsooko ya utendi wa kulukuuluu naalĩ kuutendile ishie, ĩpa kwilika lya kĩnishungu kiakue, kunzĩla ya oogi wa ulelua wa kabĩlĩ nukwitendua upia mwa kĩMuau Muelu,

Aebulania 6:18

koona kunzĩla ya intu ibĩlĩ nasika ishũũmile kwikaĩlĩka, mũyaasio uNzua sikusũũmile kwitambula uulongo, kuligie ipyumbulio nalya ukamatĩkũ, ishie naalĩ kumankĩlĩĩle kwiamba uulaaĩĩli waasio nauĩĩkue ntongela yĩĩtu,

Yakobo 3:2

Kuitĩ ishie tũlũ kukĩkũmpagiaa. Wensi nasika wĩkũmpilie muutambuli waakue, uyo ingĩ muntu wa kapanga, nusũũmile kuugilia numuĩlĩ wensi gaa kĩna zĩ kũgyuatio.

2 Petelo 1:1

Simoni Petelo, mwĩtumi, numutumua wa kĩYesu Kilisito, namuandĩkĩla inie naalĩ muligilie uusuĩĩli umuĩ nindiishie, nawa ngele nkakũ, mukulukuuluu ya kĩNzua wĩĩtu nuMugũni Yesu Kilisito.

1 Yohana 3:4

Wensi nukutendaa umulandu ingĩ muleki; kangĩ umulandu ingĩ uleki.