Apilipi 3:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Ĩsukukĩ nimbua, ĩsukukĩ nĩnaakutendaa namabĩĩ, ĩsukukĩ nĩndĩo naakuudumulaa umuĩlĩ.

Apilipi 3:2 ပူးပေါင်းရင်းမြစ်များ

Matayo 24:10

Paapo iingĩ ikishooka nũma nukukĩsongeela nukukĩsuukĩlua eene kueene;

Matayo 7:15

“Ĩkendegeelĩ kuanakĩdagu a ulongo, naakumuagaanaa ĩkũmbile mĩkunza ya nkolo, ĩpa munkolo zaao iyĩngi naataki.

Matayo 7:6

“Muleke kuzipeela imbua nakielu, sunga muleke kuzigumĩla ingũlũĩ inshanga zaani za lũũlũ koona zileke kuzitilangĩla kumĩgulu yaao, nukukumugomokeela zumulume.”

Alumĩ 2:28

Kuitĩ uzo sika Muyahĩdi naMuyahũdi wa kunzi udũũ, kangĩ uwaalami wa tai sika wa kunzi numumuĩlĩ udũũ.

2 Akolinto 11:13

Kuitĩ ĩaasio ingĩ atumua a ulongo, naakĩtumaa umulĩmo wa upembeelia, naĩkĩpĩlulaa atũle zĩ aatumua a kĩKilisito.

Agalatia 5:13

Kuitĩ iinie anũna aane, alĩ muĩĩtue mutũle akolelua; ĩpa uukolelua waani ulekitũla nsooko ya kutiata kimwĩlĩ, ĩpa mwĩtumĩkĩle niinie kuniinie kunzĩla ya uloogua.

Agalatia 5:15

Ĩpa itĩ, kanga ĩmukĩluma nukukĩlĩa, laaĩ muleke kĩmala niinie kuniinie.

Agalatia 5:6

Kuitĩ mwa kĩKilisito Yesu, kwiaalamigua katia kwisiiitiaalamigua igila kangũlũ; ĩpa uusuĩĩli naukĩtumaa umulĩmo kunzĩla ya uloogua.

Apilipi 3:19

ĩMpelo yaao ingĩ oononeki, unzua waao ingĩ ĩndaa, uukulu waao wĩĩlĩ munsoni zaao, naakusĩĩgaa impola za muna nsĩĩ.

Apilipi 3:3

Kuitĩ ishie kuakola kualamigua, ishie nakukumutekelaa uNzua kwa kĩMuau nukukĩkũmazukia mwa kĩKilisito Yesu, sunga sika kuzishanilie ĩza kĩmuĩlĩ.

1 Timoteo 1:19

Uuambe uusuĩĩli numoo namuuza. Naĩngĩ alĩ ausiitilie umoo waao naakapĩla mumpola za uusuĩĩli waao.

Tito 1:16

Akukũmuulaa ya kina amuĩzĩ uNzua, ĩpa kuutendi waao akumukaanaa; ingĩ akola usuukua, aleki, sika ijĩpĩĩle kwitenda luensi naluuza.

2 Petelo 2:22

Ĩpa igyelela kumiao kwilika lya ung'enua wa tai, “ĩMbua yĩshookĩĩle ĩmalukiu maakue ĩnene, nĩngũlũma naalĩ nzogigue ĩshookĩĩle kwigala-gala mumalolo.”

Yuda 1:4

Kuitĩ akoolĩ antu naalĩ ĩingĩĩlie kukĩmpisi-mpisĩ, ĩaasio naalĩ andĩkĩlue kwipũna ĩkalĩ uulamulua uu, antu nasikaakumukulagiaa uNzua, naakuukaĩlaa uukende wa kĩNzua utũle usambo, naakumukaanaa uzo nũing'ene dũũ mukulu, nũShekulu, wĩĩtu Yesu Kilisito.

Ukũnukulua 2:9

Manile injago zaako nuutũka waako, (ĩpa umugolĩ) manile niituki yaao naĩkĩtambula kĩna ingĩ Ayahũdi, ndĩo sika eene, ĩpa ingĩ shũnagogi lya kĩShetani.

Ukũnukulua 21:8

Ĩpa ĩooa, nĩasiitishuĩĩla nĩasuukĩlia, nĩaulagi, nĩagololia, nĩalaguli, nĩnaakĩtekelaa ĩanzegamĩla, nĩalongo ensi, ityũmpĩ liao liĩlĩ munanza ĩyoo nyukuakĩlaa umooto nĩkĩbiliti-biliti. Ĩĩ yoĩ nkia ya kabĩlĩ.”

Ukũnukulua 22:15

Kunzi zikoolĩ imbua, nĩalaguli, nĩagololia, nĩaulagi, nĩatekela anzegamĩla, kangĩ wensi nuuloogilue ulongo nukukuutenda.

Ukũnukulua 3:9

Laaa, nakupeela naa mũshũnagogi lya kĩShetani, naakutambulaa kĩna ĩo ingĩ Ayahũdi, ndĩo sika eene, ĩpa itambula ulongo. Laaa, nĩkakualeeta atũngame pamĩgulu yaako nukwimana kĩna ĩine nukuloilue.