Apilipi 3:17 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁷ Anũna aane, mutũle atiati aane; mualaae ĩaasio naakugendaa kuutiati wa mpiani naalĩ kumupĩĩle inie.

Apilipi 3:17 ပူးပေါင်းရင်းမြစ်များ

Alumĩ 16:17

Anũna aane, namusugula, mualaaĩkie ĩakola wĩleei nuukũmpia, naĩkĩkungumaa nuumanigua naalĩ muamanigue; mwĩnege nĩndĩo.

1 Akolinto 10:32

Muleke kuakũmpia ĩAyahũdi katia ĩAgiliki katia ikyanisa lya kĩNzua;

1 Akolinto 11:1

Mutũle atiati aane kĩna uneene nanumutiati wa kĩKilisito.

1 Akolinto 4:16

Luulo gua, numupeepilie muĩ atiati aane.

Apilipi 4:9

iMpola naalĩ mwĩmanilie kumuane nukukuzaanũnkula nukukuziigia nukukuziona kumuane, zitendĩ nuNzua nwa matiliga ukitũla palumuĩ niniinie.

1 Atesaloniki 1:6

Namutũla atiati ĩĩtu kangĩ atiati a kĩShekulu, pĩna namuluanũnkula uLukaani munzago ningĩ, palumuĩ nuulumbi nausuupĩlue nu Muau Mwelu;

2 Atesaloniki 3:14

Naa ukoolĩ wensi nasikugombile ulukaani luĩtu lwa mbalua ĩĩ, mulaaĩ kĩĩsa muntu nuasio sunga mulekikamamtana nĩnduyo, koona wakolue inshoni.

2 Atesaloniki 3:7

Kuitĩ mumanile uniinie akola, kĩna yumũjĩpĩĩle kukukutiata ishie, kunsooko sika alĩ kugendĩĩle mukiaka-kiaka kumiani,

2 Atesaloniki 3:9

Sika kĩna kuagila kausũũmi, ĩpa mulugendo luĩtu kutũle mpiani kumiani, mukutiate.

1 Timoteo 4:12

Muntu wensi waleke kuumela uugalimanga waako, ĩpa wĩĩ mpiani kumiao naasuĩlĩĩle, muutambuli numulugendo, muuloogua muusuĩĩli numuweelu.

Aebulania 13:7

Ijukĩkiĩ ĩatongeeli aani naalĩ akumuĩĩla ulukaani lwa kĩNzua, kangĩ mulaaĩkie ĩmpelo ya lugendo luao, mutiate uusuĩĩli waao.

1 Petelo 5:3

sika kukuademela ĩaasio a luuli naluelu, ĩpa muĩ mpiani idyale liasio.