Apilipi 3:14 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁴ nĩambukĩlĩĩlie, mpikĩĩle paukopelio wa mpĩĩla, ndigie ĩkĩpeegua kya wĩĩtua wa kukiania wa kĩNzua mwa kĩKilisito Yesu.

Apilipi 3:14 ပူးပေါင်းရင်းမြစ်များ

Luka 16:16

“uUlagĩĩlio nĩAnakĩdagu alĩ ikoolĩ sunga kuntondo za kĩYohana; kwipũna ĩmatũngo maao iMpola naNziiza ĩza utemi wa kĩNzua zukutanantagiguaa, numuntu wensi ukĩingĩlagiaa kungũlũ.

Alumĩ 11:29

Kuitĩ uupeegua nuwĩĩti wa kĩNzua ugila kaukaĩlĩki.

1 Akolinto 9:24

Sika mumanilene kĩna naitiganilile kwimanka, kuuza amankile tũlũ, ĩpa nukuanũnkulaa ĩkĩpeegua ingĩ umuĩ? Mankĩ koona mukĩligie.

2 Akolinto 4:17

Kuitĩ injago zĩĩtu nampeepeele ĩzityũngo niino zukukuligĩlagiaa uukulu naukĩlĩkĩlĩĩle, naugila kiyalo, uwa kalĩ nakalĩ,

Apilipi 3:3

Kuitĩ ishie kuakola kualamigua, ishie nakukumutekelaa uNzua kwa kĩMuau nukukĩkũmazukia mwa kĩKilisito Yesu, sunga sika kuzishanilie ĩza kĩmuĩlĩ.

Akolosai 2:18

Kaumuĩ waleke kumuleegelia ĩkĩpeegua kiani, nwishiia mumutiate nduyo kukĩniinupia nukukũatekela ĩamalaĩka. Nukikyala mumaoni maakue, nukukĩkentula nakanda kwishala liakue lya kĩmuĩlĩ,

1 Atesaloniki 2:12

mugendele kĩna ijĩpĩĩle kumiani kwa kĩNzua nukumuĩta mũingĩle muutemi waakue nuukulu waakue.

2 Timoteo 1:9

Uyo alukugũnile nukukuĩta kuwĩĩtua naweelu, sika kwilika lya utendi wĩĩtu, ĩpa kwilika lishiio liakue umuene nuukende waakue, nalĩ kuapeegue ishie mwa kĩKilisito Yesu kwipũna ĩkalĩ,

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

Aebulania 6:1

Iio gua, kulege kuumanigua wa muandio wa kĩKilisito kulongoleke kuukamĩnkĩĩlũ; kulekiĩĩka kangĩ umukũlĩla wa upeli kwipũna muutendi naukiu, nuusuĩĩli kwa kĩNzua,

1 Petelo 1:13

Luulo gua, lĩganĩĩliĩ kĩĩsa masĩĩgo maani, kengealĩ, mulaaĩĩlĩkie kuukamĩnkĩĩlũ uukende namukileetelua muukũnukulua wa kĩYesu Kilisito.

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

2 Petelo 1:3

iNgũlũ zaakue, ĩza kĩNzua, zakupĩĩle intu tũlũ naijĩpĩĩle uupanga nukukumutekela uNzua, kunzĩla ya kumulĩnga uyo naalukuĩtile kuukulu waakue nuuuza waakue umuene.

Ukũnukulua 3:21

Uyo nudulile, nĩkakumupeela kukikyalansa palumuĩ nineene mwityengu liane lya kĩtemi, zĩ uneene naalĩ ndulĩle nanikyalansa palumuĩ nuTata waane mwityengu liakue lya kĩtemi.