Apilipi 2:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Kunsooko ĩĩ uNzua numukulĩkia nkankanaa, numupeela iLiina nalĩkĩlile iliina liensi;

Apilipi 2:9 ပူးပေါင်းရင်းမြစ်များ

Matayo 11:27

“Tũlũ yensi napĩĩlue nuTata waane; kutilĩ numulĩngile uMuana, isiititũla uTata; kangĩ kutilĩ numulĩngile uTata, isiititũla uMuana, nunuasio wensi uMuana nusiiile kukumukũnukũĩla.

Matayo 28:18

ũYesu nuaagaana, nuĩ kuatambuĩla, nuũga, “Napeegaguaa uusũũmi tũlũ wensi kwigyulu numuna nsĩĩ.

Luka 10:22

Tũlũ yensi napeegilue nuTata waane; kutilĩ numulĩngile uMuana isiititũla uTata, kangĩ wensi kutilĩ numulĩngile uTata isiititũla uMuana kangĩ wensi uMuana nusiiile kukumukũnukulĩla.

Yohana 13:3

Luulo gua, ũYesu numanile kĩna uTata alĩ wamupĩĩle tũlũ mumĩkono yaakue nĩkangĩ kĩna alupũnile kwa kĩNzua nukwilongola kwa kĩNzua,

Yohana 17:11

“Nineene sika nkoolĩ muna unkũmbigyulu; ĩa akoolĩ muna unkũmbigyulu, nineene naazaa kumuako. Tata numuelu, uakendegeele muliina liako aao naalumpĩĩle, koona atũle, umuĩ zĩ undiishie.

Yohana 17:12

Pĩna alĩ kwĩensi ĩne alĩ nĩakendegelĩĩle muliina liako; aao naalumpĩĩle alĩ nĩalindĩlĩĩle, ukutilĩ nunumuĩ mumuao naalulimĩlĩĩle ĩpa umuana wa ulimĩĩli, uwandĩkua utimĩĩligue.

Yohana 17:5

Ĩpaino Tata, nkulia pamuako kuukulu waasio naalĩ ntĩĩte kumuako pĩna uunkũmbigyulu alĩ wikaalĩ.

Utendi 5:31

uNzua wamukulilie kumukono waakue wa kĩgoosia, wĩĩ Mutongeeli nuMugũni, wamĩpeele ĩĨsilaeli uupeli nuuleegeligua wa mĩlandu.

Aepeso 1:10

wĩĩ ulĩganĩĩlũ wa ukamĩnkĩĩlũ wa matũngo, uKilisito watũle tyũe lya tũlũ-tũũlũũ, intu naikoolĩ kwigyulu, niintu naikoolĩ muna nsĩĩ gaa.

Akolosai 1:18

Nduyo ingĩ tyũe lya muĩlĩ waakue, ikyanisa liakue, Nduyo ingĩ muandio, ingĩ mulelua wa muandio kwipũna muakiu, koona watũle mutongeeli muintu tũlũ.

2 Atesaloniki 1:12

Itĩ yoi ĩliina lya kĩShekulu wĩĩtu Yesu lĩkuligue kumiani, niniinie munsĩ yaakue, kwilika lya ukende wa kĩNzua wĩĩtu nuwa kĩShekulu Yesu Kilisito.

Aebulania 1:4

nutendeka wĩĩ mukulu kwikĩla ĩamalaĩka, kwilika lya liina naalulĩsaalile nikyulu kwikĩla ĩliao.

Aebulania 1:9

Umĩloilue ĩkulukuuluu nukukuusuukĩlua uuleki; Luulo gua uNzua, uNzua waako wakupakaa ĩmakũta makũta milyumbi kwikĩla ĩaako.”

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

Aebulania 2:9

ĩpa kwamuona ũYesu, uyo kwityũngo niino alĩ mutendue muniino kwikĩla ĩamalaĩka. Muene kunsooko ya ualaalĩki wa ukiu, wajialilue ĩngala ya ukulu nikyulio, koona kuukende wa kĩNzua waulũle uukiu kunsooko ya muntu wensi.

1 Petelo 3:22

Nunduyo ukoolĩ kumukono wa kĩgoosia nwa kĩNzua, wendile kwigyulu, pĩina ĩamalaĩka nĩnaakola usũũmi, ningũlũ, naakumugombagiaa, aĩĩkilue nsĩlĩlĩ yaakue.

2 Petelo 1:17

Kuitĩ alĩ mupeegue nuNzua Tata lukũmo nuukulu pĩna alĩ muleetelue ululi nalupũnile muukulu naukĩlĩkĩlĩĩle, “Uyu wayu Muana waane muloogua, nanumuloeeligue ninduyo.”

3 Yohana 1:7

Kuitĩ kunsooko ya liina liasio naapũna, sunga aleke kwiaanũnkula kakĩntu kwipũna kundugu nazĩngĩ.

Ukũnukulua 1:5

kangĩ nukũpũna kwa kĩYesu Kilisito, mukuĩili namusuĩĩli, mulelua wa muandio wa aasio naalĩ akiile, kangĩ mukulu wa atemi a nsĩĩ. Kumuakue muene nukuloilue nukukukoogia ĩmĩlandu yĩĩtu kumugali waakue

Ukũnukulua 11:15

uMalaĩka nwa mupũngatĩ nulĩlĩlia idyede liakue, naitũla nduli nkulu mwigyulu, naziũga, “uUtemi wa unkũmbigyulu watũlaa utemi wa kĩShekulu nuwa kĩKilisito waakue, nduyo ukitema sunga ĩkalĩ nakalĩ.”

Ukũnukulua 19:16

Mujialo liakue numukĩĩga kiakue nutĩĩte liina naliandĩkue, mutemi wa atemi nũShekulu waashekulu.

Ukũnukulua 3:21

Uyo nudulile, nĩkakumupeela kukikyalansa palumuĩ nineene mwityengu liane lya kĩtemi, zĩ uneene naalĩ ndulĩle nanikyalansa palumuĩ nuTata waane mwityengu liakue lya kĩtemi.

Ukũnukulua 5:12

ndĩo naaũga kululi lukulu, “Wijĩpĩĩle uMuana-nkolo naalĩ muulague, kwiaanũnkula ingũlũ, nuugolĩ, nĩmasala, nuusũũmi nikyulio nuukulu nuukũmazukia!”