Apilipi 2:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ kangĩ pĩna naamulaa, nwigyelela kwilika lya kĩuntu udũũ, alĩ wĩniinupilie, nugombia sunga ĩnkia, ndĩo ĩnkia ya musalaba.

Apilipi 2:8 ပူးပေါင်းရင်းမြစ်များ

Matayo 17:2

Nukaĩlĩka ikyelu liakue ntongela yaao, nuusiu waakue naweela zĩmpasu, ni ntiila zaakue nazitũla nzelu zĩ weelu.

Matayo 26:39

Nutela iiniino, nugua pansĩ, nulompa, nuũga, “Tata, malĩĩ ĩishũũmĩkile, ĩkĩĩko ĩkĩ kĩnkĩle; ĩpa sika kĩna numuloelue ĩne, ĩpa kĩna umuloelue uue.”

Matayo 26:42

Nuenda kangĩ kaubĩlĩ, nulompa, nuũga, “Tata, malĩĩ ĩsika ishũũmĩkile ĩkĩĩko kĩnkĩle ndeke kukĩkopela, iio gua, uulooa waako utendue.”

Luka 9:29

Pĩna alĩ wilompa, kyelu lya usiu waakue nalĩkaĩlĩka, nintiila zaakue nazitũla nzelu pee, naziimĩlĩmĩnta.

Yohana 10:18

Ukutilĩ nukundeegelagiaa, ĩpa ĩne nuupũnilie uneene. Ntĩĩte usũũmi wa kuupũnua; ntĩĩte usũũmi wa kuusola kangĩ. Ilyangĩĩlio ĩlĩ alĩ naanũnkuĩle kwa kĩTata waane.”

Yohana 14:31

ĩpa uunkũmbigyulu umane kĩna numuloilue uTata, iio nukutendaa kĩna uTata alundagĩlĩĩlie. Uukĩ kwĩĩni kulege kunu.”

Yohana 15:10

Kanga mukendegeele ĩmalagĩĩlio maane, mukakikyala muuloogua waane, kĩna uneene naalĩ nĩmakendegelĩĩle ĩmalagĩĩlio ma kĩTata waane, nanikyala muuloogua waakue.

Yohana 4:34

ũYesu nuaĩĩla, “ĩNdia yaane ntĩĩ,” ntende uulooa waakue naaluntumile, “Nuumalĩĩlie umulĩmo waakue.

Utendi 8:33

Alĩ musiitĩligue ĩkulukuuluu muwĩniinupia waakue. Waani ukiganula impola za wĩleli waakue. Kunsooko uumĩ waakue waleegagiguaa muna nsĩĩ.”

Alumĩ 5:19

Kuitĩ kĩna yoi kuuleki wa umuĩ naiingĩ naatũla anamĩlanudu, iio-iioo nukwigomba kumuakue umuĩ, naiingĩ naatũla anakulukuuluu.

2 Akolinto 8:9

Kuitĩ mwalĩngile uukende wa kĩShekulu wĩĩtu Yesu Kilisito kanga ĩalĩĩ mugolĩ nakĩĩ, nutũla mutũka kunsooko yaani, koona mugolĩpigue kuutũka waakue.

Agalatia 3:13

uKilisito alukukomuĩle kwipũna mũjũmo lya Ulagĩĩlio pĩna alutũlile jũmo kunsooko yĩĩtu, kuitĩ yandĩkue, “Wazũmaguaa wensi namutumbĩkue mwikyota,”

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

Aebulania 12:4

Sika mwalakakĩsinka sunga kwiiita umugali, ĩmukĩsinka numulandu.

1 Petelo 2:24

Uzo muene alĩ wĩĩkenkile ĩmĩlandu yĩĩtu mumuĩlĩ waakue mwikyota, lya mpaga itĩ nakutũla akiu mumpola za mĩlandu, kutũle apanga mumpola za kulukuuluu. Numuutiunulua waakue namukamigua.

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.