Apilipi 2:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Ĩpa ndaaĩlĩĩle gua mwa kĩShekulu Yesu kukumutuma ũTimoteo wapike kunsiani kuukaaũ, mpumbuligue pĩna nikiiigia impola zaani.

Apilipi 2:19 ပူးပေါင်းရင်းမြစ်များ

Matayo 12:21

Numuliina liakue indugu nazĩngĩ zikilaaĩĩla.”

Utendi 16:1

Nupika kuDelibe nĩLisitĩla. Kuasio alukoolĩ mumanigua, ĩliina liakue Timoteo, muana wa musungu wa kĩYahũdi nusuĩlĩĩle, ĩpa ũshee alĩ Mugiliki.

Alumĩ 15:12

Kangĩ uYesaya waũga, “Ĩkaa lĩkoolĩ itina lya kiYese Nupolokile kwitema indugu nazĩngĩ. Uzo indugu nazĩngĩ zĩkakumulaaĩĩla.”

Alumĩ 16:21

ũTimoteo mwĩtuma-mulĩmo palumuĩ nineene umulamukilie, nuLukipo nuYasoni nuSosipatilo, ĩantu aane.

1 Akolinto 4:17

Kunsooko ĩĩ numutumile ũTimoteo kunsiani, umuana waane muloogua, musuĩĩli mwa kĩShekulu, nukakumũjukia iinjĩla zaane nazĩĩlĩ mwa KĩKilisito, kĩna nukumanagiaa mũkyanisa liensi tũlũ pensi.

Aepeso 1:13

Mumuakue niniinie ga, naalĩ mũigilie ulukaani lwa tai, impola na nziiza za ugũnua waani, nukwishuĩĩla mumuakue alĩ muaĩĩkĩluue umuhũli nuMuau Muelu wilyago,

Apilipi 1:1

Paulo palumuĩ nũTimoteo, ĩtumi a kĩYesu Kilisito, kwamuandĩkĩla inie namwĩeelu mwa kĩKilisito Yesu namuĩlĩ kuPilipi, palumuĩ nĩalĩnguli nĩaalĩĩlia ikyanisa.

Apilipi 2:18

Niniinie iio-iioo lumbĩkiĩ, kangĩ lumbĩ palumuĩ nineene.

Apilipi 2:28

Iio gua nĩkamatĩkĩĩlie kukumutuma, koona pĩna mwamuona kangĩ mulumbe; nineene nkeepeligue uusungu waane.

1 Atesaloniki 3:2

Nakumutuma ũTimoteo umunũna wĩĩtu, mwĩtumi wa kĩNzua, munamulĩmo palumuĩ nindiishie muMpola naNziiza za kĩKilisito, wamukamĩnkĩĩlie inie muusuĩĩli waani nukukumukamia inkolo.

1 Atesaloniki 3:5

Kunsooko ĩĩ ĩne nineene pĩna alĩ numulemue kwigigimĩlia kangĩ, nanumutuma umuntu koona mane impola za usuĩĩli waani, kangĩ mane kanga ũShetani alĩ wamugemile magu, numulĩmo wĩĩtu alĩ wijilitũla nakanda.

2 Atesaloniki 1:3

Yukũjĩpĩĩle kukumusongelia uNzua intondo tũlũ kunsooko yaani anũna ĩĩtu, kĩna wĩĩlĩ uulagĩĩligua wĩĩtu, kuitĩ uusuĩĩli waani wiongeeleka, nuwĩloogua wa muntu wensi nwa kunsiani kumuua ukijulikia.

2 Timoteo 1:12

Kunsooko ĩĩ niligia uwaagigua uu, sunga sika nikolua kansoni, kuitĩ numumanile uyo nanumusuĩlile kangĩ ntite ishanio ya kina uzo usumile kukumĩlindĩĩla ĩmbĩĩka yaane nanĩmĩĩĩkile kumuakue sunga kuLutondo luulo.

Yakobo 4:15

Taazu imuũga, “ũShekulu kanga waloogue nindiishie kuĩ nuumĩ kukitenda itĩ niitĩ.”

1 Petelo 1:21

Kwa kĩuyo mukusuĩĩlaa mwa kĩNzua naalumũiukilie kwipũna muakiu, numupeela ukulu; sunga uusuĩĩli waani nuulaaĩĩli waani wĩĩ kwa kĩNzua.