Apilipi 2:17 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁷ Sunga kanga nsonontekigue zĩ pyolia paupũnio wa wĩtekeli wa usuĩĩli waani, numbile, kangĩ numbile palumuĩ niniinie tũlũ.

Apilipi 2:17 ပူးပေါင်းရင်းမြစ်များ

Utendi 20:24

ĩpa sika nsĩĩgile kĩna uumĩ waane ingĩ kĩntu kya nsaĩlo kumuane; lukoolĩ lukaani lumuĩ udũũ, malĩĩlie ulugendo luane, nuwĩtumi naalĩ nuwaanũnkuĩle kwa kĩShekulu Yesu, kukuzikuĩla iMpola na Nziiza za ukende wa kĩNzua.

Utendi 21:13

Paapo uPaulo nushookeelia, “Mwitenda yaani, kwilĩla nukumũnangĩlia ĩnkolo. Kuitĩ ĩne nĩzĩpĩlĩĩlie sika kwitũngua udũũ, ĩpa sunga kwikia kũYelusalemũ kunsooko ya liina lya kĩShekulu Yesu.”

Alumĩ 12:1

Luulo gua, namupeepia inie anũna aane, kukĩnishungu kya kĩNzua, ĩpũniĩ ĩmiĩlĩ yaani yĩĩ sadaka nampanga, nanzelu, nya kumuloeelia uNzua, uu wau wĩtekeli waani wa kĩnkoolo.

Alumĩ 15:16

ntũle mwĩtumi wa kĩYesu Kilisito pakatĩ ya ndugu nazĩngĩ, mumulĩmo namuelu kukuatanantĩlia iMpola na Nziiza za kĩNzua, koona indugu nazĩngĩ zitũle sadaka nankola ugombigua pĩna nzeligue nuMuau Muelu.

2 Akolinto 12:15

Kuulumbi wingĩ nikipũnia iyaane, sunga nikipũnigua kunsooko ya nkolo zaani. Malĩĩ nĩkakilie kukumuloogua, numukeepeeluene kwiloogua niniinie.

2 Akolinto 4:12

Paapo gua, ĩnkia yukuligagiaa ngũlũ mumuĩtu, ninduoo uupanga mumiani.

2 Akolinto 6:10

zĩ akola usungu ĩpa kulumbile intondo tũlũ; zĩ atũka ĩpa kukuagolĩpia iingĩ; zĩ naagila kakĩintu ĩpa tũlũ yensi kutĩĩte.

2 Akolinto 7:4

Nitambula kualiĩ kumuani, ntĩĩte ningĩ kumiani ĩza kĩkũmuzukĩilia; nkamigue nkolo. Nalumbĩkia munzago zĩĩtu tũlũ.

Apilipi 1:20

Yĩĩ kwilika lya kutũngĩlĩkia nuulaaĩĩli waane ndekikolua kansoni, ĩpa kuukamatĩkũ tũlũ kĩna intondo tũlũ, sunga nunzuauu uKilisito ukikuligua mumuĩlĩ waane, kanga yĩĩ kuumĩ waaane katia kunkia yaane.

Apilipi 2:18

Niniinie iio-iioo lumbĩkiĩ, kangĩ lumbĩ palumuĩ nineene.

Apilipi 2:30

Kuitĩ kunsooko ya mulĩmo wa kĩKilisito alĩ wasũgamĩĩlaa kwikia, nwĩpũnia uuumĩ waakue, wakondeelie naikeepile muwĩtumi waani kumuane.

Apilipi 4:18

Ntĩĩte intu tũlũ nukwikĩlĩkĩĩla, nijuilie ndee, pĩna alĩ naanũnkuĩle kumukono wa kĩEpapulodito iintu naalĩ ipũnile kumiani zĩ munũnku namuuza, sadaka nya ugombigua, nĩmuloelĩĩlie uNzua.

Akolosai 1:24

Ĩpaino nilumbĩĩlia uwaagi nanuutĩĩte kunsooko yaani, kangĩ nikijulĩĩlia waasio naukeepukile muwaagi wa kĩKilisito mumuĩlĩ waane, kunsooko ya muĩlĩ waakue nduo ikyanisa liakue.

1 Atesaloniki 2:8

Iio-iioo nindiishie nakumuonela nsula kuuloogua wingĩ, nakuona lyumbi kukumoomoela, sika iMpola na Nziiza za kĩNzua udũũ, ĩpa sunga ninkolo zĩĩtu gaa, kunsooko mualĩĩ aloogua ĩĩtu.

2 Timoteo 4:6

Kuitĩ ĩne naaziishonontekigua zĩ pyolia, nulutondo lwa kusaama kumuane lwasũgamĩlaa.

1 Petelo 2:5

Inie ni niinie zĩ magũe namapanga muazengue muĩ numba ya kĩnkoolo, muĩ apolia naeelu, muleete ĩmapũnio ma kĩnkoolo namagombigue nuNzua kunzĩla ya kĩYesu Kilisito.

1 Yohana 3:16

Kunzĩla ĩĩ kuulĩngile uuloogua, kunsooko uyo alupũnilie uuumĩ waakue kunsooko yĩĩtu kunsooko ya anũna.