Apilipi 2:13 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹³ Kuitĩ ingi Nzua muene nukĩtumaa umulĩmo munsĩ yaani, kwishiia kumiani sunga kwitenda kumiani kwilika lya ulooa waakue nauuza.

Apilipi 2:13 ပူးပေါင်းရင်းမြစ်များ

Luka 12:32

Mulekioopoka inie namwidyale niino, kuitĩ uTata waani waloilue kukumupeela inie uutemi.

Luka 2:14

“uUkulu kwa kĩNzua kukiania numuna nsĩĩ matiliga kuantu naamuloelĩĩlie.”

Yohana 3:27

uYohana nushookeelia nuũga, “uMuntu sika wishũũma kwiaanũnkula kakĩntu ĩsika mupeegue kwipũna kwigyulu.

Yohana 6:45

Yandĩkue muunakĩdagu, Tũlũ ensi ikitũlimanigua nuNzua. Tũlũ wensi nũigilie nukukĩmania kwa kĩTata ukuuzaa kumuane.

Yohana 6:65

Nuũga, “Kunsooko ĩĩ aza mumuĩĩlĩĩle kĩna ukutilĩ nusũũmile kwiiiza kumuane kanga ĩsika mupeegue nuTata.”

Utendi 11:21

uMukono wa kĩShekulu nawĩĩ palumuĩ nĩndĩo, nĩantu iingĩ naasuĩĩla, naamupĩlukĩĩla ũShekulu.

Alumĩ 12:3

Kuitĩ kuukende naalĩ numupeegue, namuĩĩla wensi kunsiani walekishĩĩga nankulu kwikĩla nayumũjĩpĩĩle kwishĩĩga; taazu wĩĩ nishĩĩgo naliendile muumo, kĩna uNzua alumoomolĩĩle wensi kwilika lya usuĩĩli.

Alumĩ 9:11

kuitĩ pĩna sika alĩ alalelua ĩaana aasio, sunga sika alĩ alatenda kalukaani naluuza katia nalubĩĩ, koona wĩĩmĩke usiio wa kĩNzua wa usaaguli, sika kunsooko ya utendi, ĩpa kunsooko ya wĩĩti waakue),

Alumĩ 9:16

Iio gua, sika kuulooa wa muntu katia kuwĩkakia waakue; ingĩ kukĩnishungu udũũ ĩkya kĩNzua.

1 Akolinto 12:6

Ukoolĩ wĩkĩlankĩli wa kĩtuma umulĩmo, ĩpa uNzua uyouyoo ukuasũũmagiaa kwitenda ĩmĩlĩmo, yensi mutũlũ ensi.

1 Akolinto 15:10

Ĩpa kuukende wa kĩNzua ntũlile kĩna nĩĩlĩ; nuukende waakue kumuane sika nakanda, ĩpa nanĩkamatĩkia kukĩtuma umulĩmo kwikĩla io tũlũ, ĩpa sika neene, ingĩ ukende wakĩ Nzua nawĩpalumuĩ nineene.

2 Akolinto 3:5

Sika kĩna kusũũmile kwishĩĩga kalukaani ishie undiishie, ĩpa uusũũmi wĩĩtu ukupũnaa kwa kĩNzua,

Aepeso 1:11

Numunsĩ yaakue alĩ kuatendue usaali kwilika lya usiio wa kĩuyo nukutendaa inkaani tũlũ kwilika lishĩĩgo lya ulooa waakue;

Aepeso 1:5

Kuitĩ wakusaaguĩle kwipũna iyuukĩ, koona kutendue aana aakue kunzĩla ya kĩYesu Kilisito, kwilika lya ugombigua wa ulooa waakue.

Aepeso 1:9

Ukumanĩkilie ishie uunkũnkũ wa ulooa waakue, kwilika lya usiio waakue naalĩ wigyelĩĩle mwa kĩKilisito,

Aepeso 2:8

Kuitĩ muagũnue kuukende kunzĩla ya usuĩĩli; nuwaasio sika upũnile kumuani inie, ingĩ upeegua wa kĩNzua;

2 Atesaloniki 1:11

Luulo, kukumulompeelaa inie intondo tũlũ, koona uNzua wĩĩtu wamũjĩpĩlie kuwĩĩtua waani, wakondeelie tũlũ yensi ya nsula nanziiza nuutendi wensi wa usuĩĩli kungũlũ zaakue.

2 Timoteo 1:9

Uyo alukugũnile nukukuĩta kuwĩĩtua naweelu, sika kwilika lya utendi wĩĩtu, ĩpa kwilika lishiio liakue umuene nuukende waakue, nalĩ kuapeegue ishie mwa kĩKilisito Yesu kwipũna ĩkalĩ,

Aebulania 13:21

wamusũũmĩkie muutendi wensi nauuza koona mutende uulooa waakue, nduyo wĩtume munsĩ yaani nalukuloeelagiaa ntongela yaakue kunzĩla ya kĩYesu Kilisito; kumuakue nawĩĩ ukulu ĩkalĩ nakalĩ. Amini.

1 Petelo 1:3

Wakũmazukigue uNzua Tata wa kĩShekulu wĩĩtu Yesu Kilisito! Kukĩnishungu kiakue kingĩ alukulelile ĩnkua ya kabĩlĩ kuulaaĩĩli naukola upanga, kunzĩla ya wiuki wa kĩYesu Kilisito kwipũna muakiu.