Apilipi 2:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² Luulo gua, aloogua aane, kĩna iio naalĩ mukugombaa intondo tũlũ, sika pĩna alĩ nkoolĩ udũũ, ĩpa nangũlũ ĩne pĩna nukutilĩ, ukondeeliĩ uugũnua waani uniinie kuooa nukwikĩkĩma.

Apilipi 2:12 ပူးပေါင်းရင်းမြစ်များ

Matayo 11:12

Kwipũma intondo za kĩYohana mubadĩĩzia sunga nantende uutemi wa kwigyulu ukuuza kumakanambalũ, nĩanamakanambalũ akuusolaa kungũlũ.

Matayo 11:29

Egaalĩ umuango waane, ĩmaniĩ kumuane, kuitĩ ĩne numupolo, nĩnkolo yaane ĩniinupilie, niniinie mukiligia uusũũpio munkolo zaani.

Utendi 16:29

Nulagĩĩlia iintala zileetue, nũingĩlanga mukatĩ nwikĩkĩma kuooa, nuaguĩĩla Paulo nuSila,

Utendi 9:6

Ĩpa ĩĩmĩka, wingĩle mukaa nunduue ukiĩĩlua nalukũjĩpĩĩle kwitenda.

Alumĩ 2:7

ĩaasio naakudũũmaa uukulu nikyulio nuusiitioononeka kuugigimĩlia wa kutenda namaaza, ikipeegua upanga wa kalĩ nakalĩ;

1 Akolinto 15:58

Kuluulo gua anũna aane aloogua, mutũle akamu mulekishũngũsĩka, mwĩongeelekie kwitenda umulĩmo wa kĩShekulu intondo tũlũ zensi, mumanile kĩna mwa kĩShekulu umulĩmo waani namukakũ sika nakanda.

1 Akolinto 2:3

Nineene alĩ nkoolĩ kunsiani muuneketũ numuooa ukulu numuukĩkĩmĩkia.

1 Akolinto 4:14

Sika nandĩkile izi numukolie inshoni, ĩpa kukumusugula zĩ aana aane aloogua.

2 Akolinto 7:15

Nuuloogua waakue kunsiani ingĩ wingĩ kwikĩlĩkĩĩla, pĩna wijukile uugombi waani inie tũlũ, naalĩ mumuanũnkuĩle kuooa nukwikĩkĩma.

Aepeso 6:5

Inie asese, mũigie ishekulu aani a muĩlĩ, kĩna zĩ pa kĩKilisito kuooa nukwikĩkĩma, kuweelu wa nkolo,

Apilipi 1:27

uLugendo luani lutũle kĩna ijĩpĩĩle iMpola na Nziiza za kĩKilisito, koona malĩĩ ĩnikiiiza kukumuona inie katia kanga nĩĩ nukutilĩ, nĩziigie impola zaani, kĩna muĩmĩkile kuukamũ kunkolo ĩmuĩ, kũshĩĩgo lĩmuĩ ĩmukĩsinka kuusuĩlĩ wa Mpola na Nziiza.

Apilipi 1:29

Kuitĩ muapeegue kunsooko ya kĩKilisito, sika kwishuĩĩla mumuakue udũũ, ĩpa nukwiaagigua gaa kunsooko yaakue.

Apilipi 1:5

Namusoongelia kunsooko ya ukamantani waani mumpola na nziiza kwipũna ulutondo lwa muandio sunga nantende yoĩ.

Apilipi 1:6

Nanulusanilie ntuulu, ya kĩna uyo naalĩ wandilie umulĩmo namuuza munsĩ yaani ukakuukondeelia sunga kuLutondo lwa kĩYesu Kilisito.

Apilipi 2:19

Ĩpa ndaaĩlĩĩle gua mwa kĩShekulu Yesu kukumutuma ũTimoteo wapike kunsiani kuukaaũ, mpumbuligue pĩna nikiiigia impola zaani.

Apilipi 4:1

Ĩpa gua anũna aane nanumuloogilue, nanumuonĩĩle nsula, ilyumbi liane, nĩngala yaane, ĩĩmĩkĩ kee iio kuukamatĩkũ mwa kĩShekulu, aloogua aane.

Apilipi 4:15

Ine niniinie Apilipi, mumanile ya kĩna mumuandio wa Mpola na Nziiza pĩna nampũna kuMakedonia, lyukutilĩ kikyanisa naliĩngĩ naalĩ lĩkamamantĩĩne nineene mulukaani ulu lwa kupũnia nukwiaanũnkula, isiititũla uniinie dũũ.

1 Atesaloniki 1:3

Pĩna kukijuka ntongela ya kĩNzua Tata wĩĩtu, umulĩmo waani wa usuĩĩli nuwĩtumi waani wa uloogua, nuugigimĩlia waani wa ulaaĩĩli mwa kĩShekulu wĩĩtu Yesu Kilisito.

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

Aebulania 12:1

Luulo gua, nindiishie gaa kunsooko kuapilimĩkĩĩligue nilyũnde kyulu lya akuĩli nalyĩkĩna itĩ, nakuujiule umuligo wensi numulandu naukukũtyapikagiaa, nakumankĩkie kuukamatĩkũ muwĩtiganĩĩli waasio nauĩĩkue ntongela yĩĩtu,

Aebulania 4:1

Luulo gua, naa kĩlĩ lĩkoolĩ ilyago lya kũingĩla muusũũpio waakue, nakoopooke sunga kaumuĩ mumiani waleke kigyela ya kĩna uulilie.

Aebulania 4:11

Luulo gua, kwĩkamatĩkie kwiingĩla muusũũpio waasio, wensi walekigua kumpiani ĩo-ĩĩoo nya uleki.

Aebulania 5:9

nduyo paasio pĩna nutũla mukamĩnkĩĩlũ nutũla muandio wa ugũnua wa kalĩ nakalĩ kuasio tũlũ naakumugombaa,

1 Petelo 2:11

Aloogua, numupeepilie zĩ agenda kangĩ anamusĩnzo, ĩnegĩ ninshula za kĩmuĩlĩ nazĩkĩkuaa nĩnkolo.

2 Petelo 3:18

Ĩpa mukule muukende nukukumumana ũShekulu nuMugũni wĩĩtu Yesu Kilisito. Ukulu wĩĩ kumuakue ĩpaino sunga kulutondo lwa kalĩ nakalĩ. Amini.