Apilipi 1:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Nanulusanilie ntuulu, ya kĩna uyo naalĩ wandilie umulĩmo namuuza munsĩ yaani ukakuukondeelia sunga kuLutondo lwa kĩYesu Kilisito.

Apilipi 1:6 ပူးပေါင်းရင်းမြစ်များ

Yohana 6:29

ũYesu nushookeelia nuaĩĩla, “Uu wau mulĩmo wa kĩNzua, musuĩĩle mumuakue naalĩ mutumue nduyo.”

Utendi 11:18

Pĩna naigyũlia zaasio naatuulia, naamukulia, “uNzua naaũga, sunga kundugu nazĩngĩ uNzua waapĩĩle upeli aligie upanga.”

Utendi 16:14

Musungu umuĩ, ĩliina liakue Lidia, naalukugulagiaa intiila nantitimũ, mukolakaa wa kuTiatila, mukulia Nzua, nukuiigia. Ninduyo uNzua numukũnukula ĩnkolo wazikendegeele nazitambulua nuPaulo.

1 Akolinto 1:8

Ninduyo ukakumukamĩnkĩĩlia sunga ĩmpelo, mulekishokigua palutondo lwa kĩShekulu wĩĩtu Yesu Kilisito.

2 Akolinto 1:15

Pĩna ntĩĩte ishanio liasio, alĩ nomile kwiiiza kunsiani muandio, koona muligie uupeegua wa kabĩlĩ;

2 Akolinto 2:3

Alĩ nĩzandĩkĩle ĩzaasio koona pĩna nikiiiza ndekipeegua usungu nĩndĩo naalĩiĩpĩĩle kwinumbĩĩlia; namusanilie inie ya kĩna ulumbi waane ingĩ uulumbi waani gaa.

2 Akolinto 7:16

Numbile kunsooko munkaani tũlũ nakumusanilie inie.

2 Akolinto 9:4

Kuitĩ ĩAmakedonia kaanga aaze palumuĩ nineene, amuone inie kĩna sika mwĩlĩganĩlĩĩlie, kukikolua inshoni (inie niniiniene gua) kunsooko ya usanio waasio.

Agalatia 5:10

Ntĩĩte shanio kumiani mwa kĩShekulu, ya kĩna sika mukitũla nishĩĩgo naliĩngĩ; ĩpa nuasio nukumukankanagiaa ukikenka uulamulua waakue, kanga wĩĩ muntu kĩ.

Aepeso 4:12

koona ĩeelu akamĩnkĩĩligue, umulĩmo wa kĩtuma utendeke, umuĩlĩ wa kĩKilisito uzengue,

Apilipi 1:10

mugombie namaaza, mutũle nĩnkolo nanzelu, ĩmuagila kaukũmpania kunaĩngĩ sunga kuLutondo lwa kĩKilisito

Apilipi 1:29

Kuitĩ muapeegue kunsooko ya kĩKilisito, sika kwishuĩĩla mumuakue udũũ, ĩpa nukwiaagigua gaa kunsooko yaakue.

Apilipi 2:12

Luulo gua, aloogua aane, kĩna iio naalĩ mukugombaa intondo tũlũ, sika pĩna alĩ nkoolĩ udũũ, ĩpa nangũlũ ĩne pĩna nukutilĩ, ukondeeliĩ uugũnua waani uniinie kuooa nukwikĩkĩma.

Apilipi 2:13

Kuitĩ ingi Nzua muene nukĩtumaa umulĩmo munsĩ yaani, kwishiia kumiani sunga kwitenda kumiani kwilika lya ulooa waakue nauuza.

Apilipi 2:16

pĩna mũtyapile uLukaani lwa upanga, ntũle nĩnsooko ya kĩkũmazukia paLutondo lwa kĩKilisito, ya kĩna uugendi wane sika alĩ nakanda, kangĩ kĩna sika alĩ nĩkĩtumaa kamulĩmo nakanda.

Akolosai 2:12

Alĩ muaĩĩkue palumuĩ ninduyo muubadĩĩzo, muwaasio gaa namũiukigua palumuĩ ninduyo kunzĩla ya usuĩĩli muusũmi wa kĩNzua,

1 Atesaloniki 1:3

Pĩna kukijuka ntongela ya kĩNzua Tata wĩĩtu, umulĩmo waani wa usuĩĩli nuwĩtumi waani wa uloogua, nuugigimĩlia waani wa ulaaĩĩli mwa kĩShekulu wĩĩtu Yesu Kilisito.

2 Atesaloniki 1:11

Luulo, kukumulompeelaa inie intondo tũlũ, koona uNzua wĩĩtu wamũjĩpĩlie kuwĩĩtua waani, wakondeelie tũlũ yensi ya nsula nanziiza nuutendi wensi wa usuĩĩli kungũlũ zaakue.

2 Atesaloniki 3:4

Nindiishie kumusanilie ũShekulu kumpola zaani, ya kĩna mukuzitenda naalĩ kumulagĩlĩĩlie, kangĩ kĩna mukakuzitenda.

Pilimoni 1:21

Nakuandĩkĩla itĩ kunsooko nsuĩlĩĩle kĩna ukigomba kangĩ manile ya kĩna ukitenda nangũlũ kwikĩla nindiizi nantambuĩle.

Aebulania 10:35

Luulo, gua muleke kuutaaga ukamatĩkũ waani, kuitĩ utĩĩte upeegua ukulu.

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

2 Petelo 3:10

Ĩpa ulutondo lwa kĩShekulu lukiiza zĩ mũii; palutondo luasio paapo igyulu likilega kumulugũzo mukulu niyaasio naalĩ iumbue kwipũna iyuukĩ ikitaulua nukwishonsua namooto, nĩnsĩĩ nĩmĩlĩmo nĩkoolĩ munsĩ yaakue ikijigĩligua.