Apilipi 1:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ Namusoongelia kunsooko ya ukamantani waani mumpola na nziiza kwipũna ulutondo lwa muandio sunga nantende yoĩ.

Apilipi 1:5 ပူးပေါင်းရင်းမြစ်များ

Utendi 2:42

Naĩkamatĩkia muumanigua wa atumua, numuukamamtani, nukukuuega uugalĩ numuulompi.

Alumĩ 11:17

Ĩpa mbaa intambi nazĩngĩ zatemangilue, ninduue muzeituni wa muwĩĩ nusopekelua paluandĩ luao, nutũla mukamantani witina lya muzeituni nuugĩnũ waakue,

Alumĩ 12:13

Kuusilĩlua wa antu naeelu, ĩmukamantĩĩne; muusũgamĩĩlia agenda, ĩmwĩkamatĩkilie.

Alumĩ 15:26

Kuitĩ yaloeelagiaa ĩa kuMakedonia nĩAkaya kwishangulia iipeelo kunsooko ya eelu naatũka kuasio kũYelusalemũ.

1 Akolinto 1:9

Nzua ingĩ wa usuĩĩli naalumuĩtile mũingĩle munkamĩ ya Muana waakue, ũYesu Kilisito Shekulu wĩĩtu.

2 Akolinto 8:1

Kwamupeela inie anũna ĩĩtu, impola za ukende naalĩ mapeegue ĩmakanisa ma kuMakedonia.

Aepeso 3:6

nduo ntuu, ĩa ndugu nazĩngĩ ingĩ asaali palumuĩ nindiishie, nĩndĩo akoolĩ mumuĩlĩ umuĩ, akamantani palumuĩ nindiishie ilyago mwa kĩKilisito Yesu kunzĩla ya Mpola naNziiza.

Apilipi 1:12

Ĩpa itĩ anũna aane, numuloe mumane ya kĩna impola tũlũ naalĩ zinjaganile ĩne zaleetilee usapatĩlia wa Mpola na Nziiza.

Apilipi 1:16

Ĩa itenda itĩ kuuloogua, amanile ya kĩna numuĩĩkue kunu koona nkuĩle iMpola na Nziiza.

Apilipi 1:27

uLugendo luani lutũle kĩna ijĩpĩĩle iMpola na Nziiza za kĩKilisito, koona malĩĩ ĩnikiiiza kukumuona inie katia kanga nĩĩ nukutilĩ, nĩziigie impola zaani, kĩna muĩmĩkile kuukamũ kunkolo ĩmuĩ, kũshĩĩgo lĩmuĩ ĩmukĩsinka kuusuĩlĩ wa Mpola na Nziiza.

Apilipi 1:7

Itĩ yoi injĩpĩĩle kukumusĩĩgĩla inie tũlũ; kunsooko inie mukoolĩ munkolo yaane, mwĩakamantani palumuĩ nineene muukende, muutũngua waane, sunga pĩna nukuzikuĩla Mpola na Nziiza nukukuzikamĩnkĩĩlia.

Apilipi 2:12

Luulo gua, aloogua aane, kĩna iio naalĩ mukugombaa intondo tũlũ, sika pĩna alĩ nkoolĩ udũũ, ĩpa nangũlũ ĩne pĩna nukutilĩ, ukondeeliĩ uugũnua waani uniinie kuooa nukwikĩkĩma.

Apilipi 2:22

Ĩpa itĩ mumanile ulukũmo luakue, kĩna wĩtumĩkilie palumuĩ nineene muMpola na Nziiza zĩ muana nũshee.

Apilipi 4:3

Ninduuwegaa mĩaane wa tai, nukulompile wĩaalĩĩlie ĩasungu aasio, kuitĩ alĩ ĩkamatĩkilie muMpola na Nziiza palumuĩ nineene, nuKelemensi nduyo, nĩaasio naĩngĩ naalĩ ĩkĩtumaa umulĩmo palumuĩ nineene; aao namiina maao makoolĩ mumbũgũlũ ya upanga.

Pilimoni 1:17

Naa umoonie ĩne kĩna numukamantani ninduue, muanũnkule uyu zĩ neene.

Aebulania 3:14

Kuitĩ kualĩĩ akamantani a kĩKilisito kanga kũtyapĩkie uukamatĩkũ wĩĩtu wa muandio sunga kumpelo,

2 Petelo 1:1

Simoni Petelo, mwĩtumi, numutumua wa kĩYesu Kilisito, namuandĩkĩla inie naalĩ muligilie uusuĩĩli umuĩ nindiishie, nawa ngele nkakũ, mukulukuuluu ya kĩNzua wĩĩtu nuMugũni Yesu Kilisito.

1 Yohana 1:3

Naalĩ kuuoonie nukwiiigia kukumutanantĩlia inie; koona muligie uukamantani palumuĩ nindiishie, nuukamantani wĩĩtu ingĩ palumuĩ nuTata nuMuana waakue ũYesu Kilisito.

1 Yohana 1:7

Ĩpa kanga kugendele muweelu, kĩna umuene nuĩlĩ muweelu, kukamantanile ndiishie kundiishie, numugali wa kĩYesu uMuana waakue ukukoogia umulandu tũlũ wensi.