Apilipi 1:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ Kuitĩ kumuane ĩne, uumĩ waane ingĩ uKilisito, nukũkia ingĩ nsaĩlo.

Apilipi 1:21 ပူးပေါင်းရင်းမြစ်များ

1 Akolinto 1:30

Ĩpa kumuakue inie mukoolĩ mwa kĩKilisito Yesu naalĩ mutendue kumuĩtu wĩĩ masala namapũnile kwa kĩNzua, nĩkulukuuluu nuweeligua nuukomolua;

1 Akolinto 3:22

Kanga wĩĩ Paulo katia Apolo katia Kefa, katia unkũmbigyulu katia upanga katia nkia, katia ii naikoolĩ ĩpaino, katia io naikitũla; tũlũ yensi ingĩ yaani,

2 Akolinto 5:1

Kuitĩ kumanile ya kĩna igyũnda liĩtu muna kukikyala kanga lĩtaulue, kutĩĩte ĩnumba kwa kĩNzua, ingĩ numba na sika nzengue kumĩkono, ndĩo ĩkoolĩ ĩkalĩ na kalĩkwigyulu.

2 Akolinto 5:6

Kuluulo, kutĩĩte nkolo nkamũ intondo tũlũ, kangĩ kumanile ya kĩna pĩna kuĩlĩ mumiĩlĩ, kuĩlĩ kulĩ nũShekulu,

2 Akolinto 5:8

Kutĩĩte nkolo nkamũ gua, taazu kuleke kikyala mumiĩlĩ nukukikyala ensi nũShekulu.

Agalatia 2:20

Nakonontelĩĩlue mumusalaba palumuĩ nuKilisito, ĩpa itĩ numupanga; kangĩ sika neene nanumupanga, ĩpa uKilisito muene mupanga munsĩ yaane; nuupanga nanuutĩĩte ĩpaino mumuili, nuutĩĩte kuusuĩĩli muMuana wa kĩNzua naalundoilue nwĩsuula umuene kunsooko yaane.

Agalatia 6:14

Ĩne gua, sika numuloe kukĩkũmazukia isiititũla mumusalaba wa kĩShekulu wĩĩtu Yesu Kilisito muumo uunkũmbigyulu wakonontelĩĩlue kumuane, nineene nakonontelĩĩlue kuunkũmbigyulu.

Apilipi 1:20

Yĩĩ kwilika lya kutũngĩlĩkia nuulaaĩĩli waane ndekikolua kansoni, ĩpa kuukamatĩkũ tũlũ kĩna intondo tũlũ, sunga nunzuauu uKilisito ukikuligua mumuĩlĩ waane, kanga yĩĩ kuumĩ waaane katia kunkia yaane.

Apilipi 1:22

Ĩpa itĩ kanga yĩĩ kuuumĩ wa mumuĩlĩ kumuane ĩne yukuleetaa nkali za mulĩmo. Iio gua, lwa kusaagula sika nulumanile.

Apilipi 1:23

Numutuunue pakatĩ ya nkaani zibĩlĩ. Ntĩĩte nsula ndege muna nsĩĩ nikyale palumuĩ nuKilisito, kuitĩ ingĩ iiza nangũlũ;

Apilipi 2:21

kuitĩ naĩngĩ tũlũ akĩdũũmĩlia iyaao ĩeene, sika iya kĩYesu Kilisito.

Akolosai 3:4

uKilisito naupanga wĩĩtu, pĩna ukakigyela, paapo niniinie mukakigyela palumuĩ ninduyo muukulu.

Ukũnukulua 14:13

Naniigia luli kwipũna kwigyulu nalũiũga, “Andĩka, ‘Alĩuku ĩakiu naakiile mwa kĩShekulu kwipũna nunzuauu.’ Eeze, uũgile uMuau, koona asũũpie kwipũna munzago zaao, kuitĩ uutendi waao wĩtiatile nĩndĩo!”