Aebulania 9:26 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁶ kanga alĩĩ iio, alĩ yumujĩpĩĩle kwiaagigua nkua ningĩ kwipũna kwiĩĩkua umukũlĩla wa unkũmbigyulu. Ĩpaino, nwigyelela nkua kamuĩ dũũ pampelo ya unkũmbigyulu, waleegie umulandu kunzĩla ya kĩpũnia wĩĩ pyolia.

Aebulania 9:26 ပူးပေါင်းရင်းမြစ်များ

Matayo 13:39

Numulugu naaluziminzile ingugu ingĩ ũShetani, nĩmaogola ingĩ ĩmpelo ya unkũmbigyulu, nĩaogoli ingĩ ĩamalaĩka.

Matayo 13:40

Iio gua, kĩna ingugu nazukuilingĩĩlaguaa nukwishonsua mumooto, iio ikitũla pampelo ya unkũmbigyulu.

Matayo 25:34

Paapo umutemi ukakuaĩĩla ĩaasio naĩĩlĩ pamukono waakue wa kĩgoosia, ‘Nzuĩ namwakembetilue nuTata waane, usaalĩ uutemi naalĩ muazĩpĩlĩligue kwipũna pautũndua wa unkũmbigyulu;

Yohana 1:29

Mudaau yakue numuona ũYesu wijile kumuakue nuũga, “Laaĩ uMuana-nkolo wa kĩNzua nuukenkile umulandu wa unkũmbigyulu!

Yohana 17:24

“Tata, ĩaasio nwampĩĩle ĩne, nsiiile ĩĩ palumuĩ nineene pĩna nĩĩlĩ, alaae uukulu waane nwampĩĩle ĩne, kunsooko alundoilue pĩna umukulĩla wa unkũmbigyulu alĩ wikaalĩ kalaĩĩkua

1 Akolinto 10:11

Izi tũlũ alĩ aziligilie ĩaasio zĩĩ mpiani, nanandĩkue zukusugule ishie nakwapikĩlĩĩlue nĩmpelo ya unkũmbigyulu.

Agalatia 4:1

Niũga ya kĩna umusaalĩ, pĩna kĩlĩ mung'inia, mugila kawĩkĩli numusese kanga wĩĩ mukola ngũlũ wa zensi nakĩĩ;

Aepeso 1:10

wĩĩ ulĩganĩĩlũ wa ukamĩnkĩĩlũ wa matũngo, uKilisito watũle tyũe lya tũlũ-tũũlũũ, intu naikoolĩ kwigyulu, niintu naikoolĩ muna nsĩĩ gaa.

Aepeso 5:2

Mugendele muuloogua kĩna uKilisito naalumuloogilue inie, nwĩsuula kunsooko yĩĩtu, wĩĩ pyũnio nipyolia kwa kĩNzua, kwitũla munũnku namuuza.

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Aebulania 1:2

ĩpa kuntondo izi za mpelo utambuĩle nindiishie kuMuana, naalumuĩĩkile wĩĩ musaali wa intu yensi, kwa kĩuyu nuuumba uunkũmbigyulu.

Aebulania 10:10

Kuulooa uu alĩ kwĩeeligue kunzĩla ya upũnigua wa muĩlĩ wa kĩYesu Kilisito nkua ĩmuĩ dũũ.

Aebulania 10:12

Ĩpa uKilisito pĩna alupũnilie kunsooko ya mĩlandu ipyolia kamuĩ nalĩkoolĩ ĩkalĩ nakalĩ, paapo nwikyalansa pamukono wa kĩgoosia wa kĩNzua.

Aebulania 10:26

Kuitĩ kanga kwĩkakie kutenda imĩlandu pĩna kwakondile kwiaanũnkula uulĩngi wa tai, lyukutilĩ kipyolia nalĩsaagile kangĩ kunsooko ya mĩlandu,

Aebulania 10:4

Kuitĩ sika ishũũmĩkile ĩmĩgali ya ng'ombe nimbuli ĩleegie ĩmĩlandu.

Aebulania 4:3

Kuitĩ ishie nakusuĩlĩĩle kwiingĩla muusũũpio waasio kĩna alutambuĩle, “Kĩna alĩ ndapile muutaki waane, ‘Sikaka ikiingĩla muusũũpio waane;’” kanga ĩmĩlĩmo yaakue ĩalĩĩ yakondiligue nakĩĩ kwipũna uuĩĩkua wa mukũlĩla wa unkũmbigyulu.

Aebulania 7:27

Uyo sikusiile lutondo luensi, kĩna ĩapolia naakulu naĩngĩ, tangua kwipũnia ĩmapolia kunsooko ya mĩlandu yaakue umuene, pembele kunsooko ya mĩlandu ya antu; kuitĩ uyo alutendile itĩ kamuĩ dũũ, pĩna alĩ wĩpũnilie umuene.

Aebulania 9:12

alĩ wingĩĩle kamuĩ dũũ Pana yeelu pa Pana yeelu, sika kunzĩla ya mĩgali ya mbuli nĩnya muzagamba, ĩpa kunzĩla ya mugali waakue umuene, itĩ nuligia uukomolua wa kalĩ nakalĩ.

Aebulania 9:14

sika ikulu nangũlũne ĩmĩgali ya kĩKilisito, naalĩ wĩpũnilie kwa kĩNzua kunzĩla ya kĩMuau wa kalĩ nakalĩ, watũle pyolia nigila kaulema, ukakumoogia ĩmioo yaani nuutendi wa ukiu kukumutumĩla uNzua namupanga?

1 Petelo 1:20

Uzo alĩ mumanue pĩna sika alĩ walaĩĩkua umukũlĩla wa unkũmbigyulu, ĩpa alĩ mukũnukulue kumumalĩĩlio wa matũngo kunsooko yaani.

1 Petelo 2:24

Uzo muene alĩ wĩĩkenkile ĩmĩlandu yĩĩtu mumuĩlĩ waakue mwikyota, lya mpaga itĩ nakutũla akiu mumpola za mĩlandu, kutũle apanga mumpola za kulukuuluu. Numuutiunulua waakue namukamigua.

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.

1 Petelo 4:7

ĩMpelo ya intu tũlũ yasũgamĩĩlaa; luulo gua, ĩsukukĩ mukengeale kuulompi.

1 Yohana 3:5

Mumanile kĩna uzo alũgyelĩĩle waĩleegie ĩmĩlandu, numulandu ukutilĩ munsĩ yaakue.

1 Yohana 3:8

Nukutendaa ĩmĩlandu ingĩ wa kĩShetani, kunsooko ũShetani ukutendaa ĩmĩlanadu kwipũna umuandio. Kunsooko ĩĩ uMuana wa kĩNzua nwigyeleligua, koona waĩonoone ĩmĩlĩmo ya kĩShetani.

Ukũnukulua 13:8

Tũlũ naakikyalaa muna nsĩĩ ĩkakumĩtekela, muntu wensi kanga ĩliina liakue ĩsika liandĩkue mukĩtabũ ĩkya upanga kya Muana-nkolo naalĩ muulague pĩna alĩ ikĩĩlĩ kwiĩĩkua umukulĩla wa nsĩĩ.

Ukũnukulua 17:8

ĩNimu naalumĩoonie alĩ ikoolĩ, ndĩo ĩkutilĩ, ndĩo yĩzĩpĩĩlagiaa kwipũna mululungu nalusimu lwa kuulungu nukwienda kuoononeki; ndĩo naĩkikyalaa munansĩĩ, nasika andĩkue ĩmiina maao mukĩtabũ kya upanga kwipũna kwiĩĩka ĩmĩkũkĩla ya unkũmbigyulu, ĩkikulĩĩlua pĩna ĩkakumĩona ĩnimu, ya kĩna alĩ ĩkoolĩ, ndĩo ĩkutilĩ, ndĩo ĩkaa ĩkoolĩ.