Aebulania 9:24 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁴ Kuitĩ uKilisito sika alĩ wingĩĩle pana yeelu naijĩpigue kumĩkono, ĩĩo mpiani ya Pana yeelu ĩpeene, ĩpa alĩ wingĩĩle kwigyulu ĩliene, wigyelele ĩpaino pausiu wa kĩNzua kunsooko yĩĩtu.

Aebulania 9:24 ပူးပေါင်းရင်းမြစ်များ

Matayo 18:10

“Laaĩ, muleke kumumela umuĩ wa ĩa naaniino, kuitĩ namuĩĩla kĩna ĩamalaĩka aao kwigyulu ntondo zensi akuulaaa uusiu wa kĩTata waane nuĩlĩ kwigyulu.

Maliko 14:58

ishie alĩ kumũigilie wiũga, ĩne nikakumĩtaula ĩnumba ĩĩ nya kĩNzua nanzengue kumĩkono, nukutondo zitatu nikijenga yĩngĩ nasika nzengue kumĩkono.

Maliko 16:19

ũShekulu Yesu pĩna nukondia kukĩtambuĩla nĩndĩo, nutualua kwigyulu, nwikyalansa pamukono wa kĩgoosia wa kĩNzua.

Luka 24:51

Pĩna alukuakembeta nwĩkamatula nĩndĩo, nusolua nutualua kwigyulu.

Yohana 16:28

Alĩ mpũnile kwa kĩTata, naazile muna unkũmbigyulu; kangĩ naulekaa uunkũmbigyulu, nalongolaa kwa kĩTata.”

Yohana 6:62

Ikitũla mbii gua kanga mumuone uMuana-muntu winankĩla kĩna alĩ wĩĩlĩĩ umuandio?

Utendi 3:21

naalĩ yumũjĩpĩĩle kwiaanũnkulua kwigyulu, sunga maaze ĩmatũngo ma kutendua upia intu tũlũ, naalĩ matambulue nuNzua kumĩlomo ya anakĩdagu aakue naeelu kwipũna iyuukĩ ĩkalĩ.

Alumĩ 8:33

Waani ukakuasokia ĩasaagulua a kĩNzua. ũNzua ingĩ umuene nukuaalĩĩlagiaa ĩkulukuuluu.

2 Akolinto 5:1

Kuitĩ kumanile ya kĩna igyũnda liĩtu muna kukikyala kanga lĩtaulue, kutĩĩte ĩnumba kwa kĩNzua, ingĩ numba na sika nzengue kumĩkono, ndĩo ĩkoolĩ ĩkalĩ na kalĩkwigyulu.

Akolosai 3:2

Sĩĩgĩ ĩza kukiania, sika naza muna nsĩĩ.

Aebulania 1:3

Uzo ingĩ weelu wa ukulu wa kĩNzua. kangĩ kĩna uNzua wĩĩlĩ, iio ninduyo wĩĩlĩ; nuikenka iintu tũlũ yensi kulukaani luakue lwa ngũlũ. Pĩna alutendile uweeligua wamĩilandu, alĩ wikyalansile pamukono wa kĩgoosia nwa ukulu kukiania,

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

Aebulania 6:20

muasio muumo naalĩ wingĩĩle ũYesu umutongeeli kunsooko yĩĩtu, naalutũlile mupolia namukulu ĩkalĩ nakalĩ kwilika lya kĩMelikizedeki.

Aebulania 8:2

mwĩtumi wa Pana yeelu niHyeema lya tai; ndĩlo ũShekulu alulĩĩĩkile, sika kumuntu.

Aebulania 8:5

Nĩndĩo akĩtumaa iyaasio nayĩmpiani numulũle wa yaasio naikoolĩ kwigyulu. Niyaasio uMusa nduyo naalĩ mulagĩĩligue nuNzua, pĩna alĩ waakiijĩpia iHyeema, kuitĩ uũgile, “Laaa, uijĩpie tũlũ kumpiani ĩĩo naalumulagĩĩlue munkonko.”

Aebulania 9:1

Sunga ilyago lya muandio gua alĩ lĩtĩĩte intendo za wĩtekeli nĩPana yeelu paunkũmbigyulu uu.

Aebulania 9:23

Iio gua, ijĩpĩĩle ĩmpiani za intu ya kwigyulu yeeligue kuntendo izi, ĩpa ya kwigyulu iyeene kumapolia namaaza kwikĩla aya.

Aebulania 9:9

Ĩĩ yoĩ mpiani ityũngo nalĩkoolĩ nunzuauu. Kumalagĩĩlio aya ĩantu akumupũnilagiaa uNzua ĩmapũnio nĩmapolia nasika masũũmile kukuukamĩnkĩĩlia umoo wa nuasio nukĩtekela,

1 Petelo 3:22

Nunduyo ukoolĩ kumukono wa kĩgoosia nwa kĩNzua, wendile kwigyulu, pĩina ĩamalaĩka nĩnaakola usũũmi, ningũlũ, naakumugombagiaa, aĩĩkilue nsĩlĩlĩ yaakue.

Ukũnukulua 8:3

Numalaĩka muua nuuza nuĩmĩka ntongela ya witekelo, utĩĩte kĩseme kya zahabũ, nupeegua ulũmba wingĩ, wausaalĩnkanie palumuĩ nuulompi wa eelu tũlũ witekelo wa zahabũ nawĩĩlĩ ntongela ityengu lya kĩtemi.