Aebulania 9:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Ĩpa itĩ uKilisito, pĩna nwigyelela zĩ mupolia namukulu wa mpola nanziiza nazijiliiiza, ĩpaasio kunzĩla iHyeema nikyulu, kangĩ nikyamĩnkĩĩlũ nangũlũ, nasikijĩpigue kumĩkono, ndogolelio yaakue, nasika lya unkũmbigyulu uu;

Aebulania 9:11 ပူးပေါင်းရင်းမြစ်များ

Matayo 11:3

“Ue uuene nwijile, katia kumutũngĩle wĩngĩ.”

Matayo 2:6

“Nduue Betelehemũ, nsĩĩ iYuda Sikumuniino nĩnainiino muatemi iYuda, Kunsooko kumuako ukipũna mutemi Nukakuadĩĩma ĩantu aane ĩAsilaeli.”

Maliko 14:58

ishie alĩ kumũigilie wiũga, ĩne nikakumĩtaula ĩnumba ĩĩ nya kĩNzua nanzengue kumĩkono, nukutondo zitatu nikijenga yĩngĩ nasika nzengue kumĩkono.

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Yohana 4:25

uMusungu numuĩĩla, “Manile kĩna uMesia wijile (nukuĩtaguaa Kilisito) pĩna ukiiza uzo, ukakukupeela impola tũlũ-tũũlũũ.”

Utendi 7:48

“Ĩpa nukoolĩ kukiania sikukikyalaa munumba nanzengue kumĩkono, kĩna iio nuũgile umunakĩdagu,

2 Akolinto 4:18

pĩna sika kukulaaa nazigyelĩĩle ĩpa nasika zigyelĩĩle; kuitĩ nazigyelĩĩle zikoolĩ ntondo nkeei udũũ; ĩpa gua nasika zigyelĩĩle zikoolĩ ĩkalĩ nakalĩ.

2 Akolinto 5:1

Kuitĩ kumanile ya kĩna igyũnda liĩtu muna kukikyala kanga lĩtaulue, kutĩĩte ĩnumba kwa kĩNzua, ingĩ numba na sika nzengue kumĩkono, ndĩo ĩkoolĩ ĩkalĩ na kalĩkwigyulu.

Akolosai 2:11

Mwa kĩuyo muaalamigue waalami nasika wa mĩkono, kukuujiula umuĩlĩ wa mĩlandu, kuwaalami wa kĩKilisito.

Aebulania 10:1

Kuitĩ uUlagĩĩlio utĩĩte mulũle udũũ wa uuza nawijile, sika kikyelu liene lya uuza waasio, iio gua, sika usũũmile kumapolia ayo naakumapũnagiaa intondo tũlũ muaka kumuaka, kukuakamĩnkĩĩlia ĩaasio naakusũgamĩĩlaa.

Aebulania 12:27

uLukaani luasio gua, Nkua kamuĩ kangĩ, lwigyelelia ya kĩna naikishũngũsigua ileegigue zĩ intu naalĩ iumbue, koona iintu nasika ishũũmile kwishũngũsigua yĩĩme iio-iioo.

Aebulania 13:14

Kuitĩ ĩpa kuagila kakaa nya kuĩma kalĩ, ĩpa kukumĩdũũma ĩniasio nijile.

Aebulania 2:17

Luulo gua, alĩ yumũjĩpĩĩle kukĩpianĩkĩĩligua nĩanũna aakue mumpola tũlũ, watũle mupolia namukulu, mukola kĩnishungu kangĩ musuĩĩli muwĩtumi tũlũ pa kĩNzua, koona waĩpolelie ĩmĩlandu ya antu.

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

Aebulania 4:15

Kuitĩ kuagila kamupolia namukulu nasikusũũmile kukukukolelua ishie ĩkĩsuusu muuneketũ wĩĩtu, ĩpa umuene alĩ mugemue zĩ undiishie mumpola tũlũ, ĩpa sikaka nutimula.

Aebulania 7:1

Kuitĩ uMelikizedeki, nuasio umutemi wa Salemũ, mupolia wa kĩNzua nwa kukiania, naalĩ itaaganile nuIbũlahimu pĩna alushookile kwipũna kuulugu wa kĩkua nĩatemi; numukembeta.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

2 Yohana 1:7

Kunsooko ĩalimĩĩlia iingĩ igyelĩĩle muna unkũmbigyulu nasika akũmulĩĩle kĩna ũYesu Kilisito waazile mukĩmuĩlĩ. Wayu mulimĩĩlia numugilia Kilisito.