Aebulania 7:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ Ĩpa papa ĩantu naakukiaa akusolaa ityũmpĩ likyumi ĩpa kuasio nusola umuntu naalĩ mukuĩlue kĩna mupanga.

Aebulania 7:8 ပူးပေါင်းရင်းမြစ်များ

Yohana 14:19

Kĩlĩ katũngo kaniino uunkũmbigyulu sika wimona kangĩ, ĩpa inie mwĩmona kunsooko ĩne numupamga, niniinie mukitũla muapanga.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Aebulania 3:16

Kuitĩ naalĩ iigilie nukwileka alĩ aani; sika aao tũlũne naalĩ apũnile muMĩsili naalĩ atongeelue nuMusa?

Aebulania 5:6

Kĩna uũgile nĩpĩĩa, “Uue wĩmupolia ĩkalĩ nakalĩ Kwilika lya kĩMelikizedeki.”

Aebulania 6:20

muasio muumo naalĩ wingĩĩle ũYesu umutongeeli kunsooko yĩĩtu, naalutũlile mupolia namukulu ĩkalĩ nakalĩ kwilika lya kĩMelikizedeki.

Aebulania 7:23

Kangĩ ĩasio ĩa kalĩ alĩ apolia iingĩ, alĩ akulemagiguaa nĩnkia kukikyala,

Aebulania 7:7

sika ya kukungumia kĩna namuniino ukukembetaguaa nĩnamukulu.

Aebulania 7:9

Ishũũmĩkile kwitambula ya kĩna uLawi umuene nukuanũnkulaa ityũmpĩ likyumi, nupũnia ityũmpĩ likyumi kunzĩla ya kĩIbũlahimu,

Aebulania 9:27

Nĩkĩna iio ĩantu naaĩĩkĩligue kwikia kamuĩ, pembele ulamulua ukoolĩ,

Ukũnukulua 1:18

nanumupanga; Nineene alĩ nakiile, ĩpa laaa numupanga sunga ĩkalĩ nakalĩ. Nineene ntĩĩte ĩmiguĩlo ma Ukiu nĩma Kuulungu.