Aebulania 7:24 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁴ ĩpa unuasio kunsooko ukilyalaa sunga ĩkalĩ nakalĩ, utĩĩte uupolia waakue nasika ukukaĩlĩkaa.

Aebulania 7:24 ပူးပေါင်းရင်းမြစ်များ

Yohana 12:34

iYũmbĩ nalĩmushookeelia, “Ishie kũigilie muulagĩĩlio kĩna uKilisito ukikyala sunga ĩkalĩ nakalĩ, ninduue waũga mbii kĩna ijipĩĩle uMuana-muntu wanansulue. uMuana-muntu uyu waani?”

Alumĩ 6:9

Kumanile kĩna uKilisito alĩ mũiukigue kwipũna muakiu; sikukikia kangĩ; uukiu sika ukumudemela nkangĩ.

Alumĩ 9:5

Aao naaatĩĩte ĩatata; mumiao nwigyelela uKilisito kukĩuntu. Uyo wayu mukiania ya intu tũlũ, uNzua nukukũmazukagiguaa ĩkalĩ nakalĩ. Amini.

Aebulania 13:8

ũYesu Kilisito ingĩ wayuuyuu igyulo nĩnantende, sunga ĩkalĩ nakalĩ.

Aebulania 7:28

Kuitĩ uUlagĩĩlio ukuaĩĩkaa ĩantu naatĩĩte uneketũ atũle apolia naakulu; ĩpa ulukaani lwilyapo naalĩ lwijile kunũma ya Ulagĩĩlio lwamuĩĩkile uMuana namukamĩnkĩĩlũ sunga ĩkalĩ nakalĩ.

Ukũnukulua 1:18

nanumupanga; Nineene alĩ nakiile, ĩpa laaa numupanga sunga ĩkalĩ nakalĩ. Nineene ntĩĩte ĩmiguĩlo ma Ukiu nĩma Kuulungu.