Aebulania 6:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ Kuitĩ ĩaasio naakondile kwipeegua uweelu munkolo, nukwitomia uupeegua wa kwigyulu, nukwitũla akamantani a kĩMuau Muelu,

Aebulania 6:4 ပူးပေါင်းရင်းမြစ်များ

Matayo 12:45

Paapo lyukuendaa, nalĩmasola ĩmasĩĩmuĩ mĩĩa mupũngatĩ namabĩ-bĩĩ-bĩĩĩ kwikĩla ĩlo, namingĩla namikyala muumo. Nĩmpelo ya muntu nuasio yukutũlaa mbĩĩ kwikĩla nya muandio. Iio ikitũla nukuwĩleli uu naubĩĩ.”

Matayo 5:13

“Inie mwĩmulenge wa muna nsĩĩ; kanga umulenge usuuke ukilungĩlua yaani? Sika wijĩpĩĩle kakĩntu, isiititũla kwiiitũa kunzi nukũtilangĩlua nĩantu.

Yohana 15:6

Wensi kanga wasiite kukikyala munsĩ yaane, ukutaagaguaa kunzi zĩ lutambĩ nukwiuuma; nintambĩ zukuilingĩĩlagua nukwitaagua mumooto, nazishonsua.

Yohana 3:27

uYohana nushookeelia nuũga, “uMuntu sika wishũũma kwiaanũnkula kakĩntu ĩsika mupeegue kwipũna kwigyulu.

Yohana 4:10

ũYesu nushookeelia numuĩĩla, “Kanga azuulĩngile azuujile kuumana uupeegua wa kĩNzua ninduyo waani nukuĩĩlile, mpeela nkope, azũjile kumulompa uzo; nduzo azũjile kukupeela ĩmaazĩ ma upanga.”

Yohana 6:32

ũYesu nuaĩĩla, “Tai-taaii namuĩĩla, sika Musa naalumupĩĩle ĩndia nya tai kwipũna kwigyulu, ĩpa uTata waane ukumupeelaa ĩndia nya tai kwipũna kwigyulu.

Utendi 10:45

Nĩasuĩĩli kwipũna kuaasio.

Utendi 11:17

Ĩpa gua, anga uNzua ĩwaapĩĩle ĩkĩpeegua kĩĩkio-kĩĩkio naalukupĩĩle ishie pĩna alĩ kusuĩlĩĩle mwa kĩShekulu Yesu Kilisito, aĩne neene waani gua, nsũũme kukumugilia uNzua?”

Utendi 15:8

uNzua numanile inkolo, nuakuĩla nuapeela uMuau Muelu kĩna yoi naalukupĩĩle nindiishie,

Utendi 8:20

Ĩpa uPetelo numuĩĩla, “iMpeesa zaako nazilimĩlĩle kuuko palumuĩ nunduue kunsooko usĩĩgile kĩna usũũmile kwiligia uupeegua wa kĩNzua kumpiia.

Alumĩ 1:11

Kuitĩ ntĩĩte nsula dũũ ya kumuona, nsũũme kukumupeela ĩkĩpeegua kya kĩnkoolo, koona mukamĩnkĩĩligue;

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

2 Akolinto 4:6

Kuitĩ uNzua naaluũgile, “Weelu naweelie mukiiti; muene alĩ weelilie munkolo zĩĩtu wakupeele uweelu wa ulĩngi wa ukulu wa kĩNzua muusiu wa kĩYesu.”

Agalatia 3:2

Nsiiile kukĩmania lukaani luuluu, lumuĩ kumiani; Alĩ mumuanũnkuĩlene uMuau kuutendi wa Ulagĩĩlio katia kuutegeeli wa usuĩĩli?

Agalatia 3:5

Luulo gua, uzo nukumupeelaa uMuau nukwitenda ĩmakula pakatĩ yaani ukutenda aya kuutendi wa Ulagĩĩlio katia kuutegeeli wa usuĩĩline?

Aepeso 1:18

Ĩmiiso maani ma nkolo meeligue, koona mumane kĩna wĩĩlĩ uulaaĩĩli wa wĩĩto waakue, sunga mumane kĩna wĩĩlĩ uugolĩ wa usaali waakue naukulu mueelu.

Aepeso 2:8

Kuitĩ muagũnue kuukende kunzĩla ya usuĩĩli; nuwaasio sika upũnile kumuani inie, ingĩ upeegua wa kĩNzua;

Aepeso 3:7

Alĩ ntũlile mwĩtumi wa Mpola na Nziiza ĩzaasio kwilika lya upeegua wa ukende wa kiNzua nanumupeegue kuwĩtumi wa ngũlũ zaakue.

Aepeso 4:7

ĩpa itĩ wensi kumiĩtu alĩ mupeegue uukende kwilika lya ngele ya kĩpeegue kya kĩKilisito.

1 Timoteo 4:14

Ulekileka kukĩtumĩla uupeegua naukoolĩ munsĩ yaako naalumupeegue kunzĩla ya unakĩdagu palumuĩ nukuuĩĩkĩlua wa mĩkono ya anampala.

2 Timoteo 2:25

ĩukuasugula kuupolo naĩkĩkunguma nduyo, koona na yasũũmĩka uNzua waapeele kwipela nukwimana ĩtai,

2 Timoteo 4:14

uAlekizando, mutiana-yuuma, aluntendĩĩle ubĩĩ wingĩ; ũShekulu ukakumushookeelia kwilika lya utendi waakue.

Aebulania 10:32

Ĩpa itĩ zijukĩkiĩ intondo za muandio pĩna namukoonda kwipeegua uweelu munkolo, namugigimĩlia uwĩsinki naukulu wa kuagigua;

Aebulania 2:4

uNzua nduyo nukuĩla kukilĩngasĩĩlio nĩmakula nuutendi wingĩ wa ngũlũ, nukuipeegua ya kĩMuau Muelu kĩna alĩ muloelue umuene.

1 Yohana 5:16

Wensi kanga wamuone umunũna waakue witenda umulandu nasika wa ukiu, ukilompa, nuNzua ukakumupeela upanga kunsooko ya aasio naatendile umulandu nasika wa ukiu. Ukoolĩ mulandu wa ukiu, sika mbũgile walompe kunsooko ya waasio.