Aebulania 6:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² nuumanigua wa ubadĩĩzo, nukwiĩĩkĩlua ĩmĩkono, nuwiiukigua mwa akiu, nuulamulua wa kalĩ nakalĩ.

Aebulania 6:2 ပူးပေါင်းရင်းမြစ်များ

Matayo 28:19

Luulo gua, lendĩ muzitende indugu tũlũ zensi zitũle amanigua, ĩmukuabadĩĩzia muliina lya kĩTata, nĩlya Muana, nĩlya Muau Muelu;

Matayo 3:14

Nuĩ kumugilia, nuũga, “Ĩne injĩpĩĩle mbadĩĩzigue nunduue, nunduue wanzagaana ĩne.”

Maliko 16:16

Nusuĩlĩĩle nukwibadĩĩzigua ukigũnĩka; nasikusuĩlĩĩle ukilamulua.

Maliko 7:4

Kangĩ pĩna naapũna mwigyulĩlo sika ilĩa kanga asiite kĩeelia; zikoolĩ nazĩngĩ naalĩ azaanũnkuĩle kukuziamba, kĩna kwioogia iiiko ninungu niisheme ya yuuma.

Maliko 7:8

Mwalĩlekile ilyagĩĩlio lya kĩNzua nukukuziamba intendo za antu.

Luka 11:38

uMupalisayo pĩna numuona nukulĩlua kunsooko sika alukalĩĩle tangua pĩna india zikaalĩ.

Luka 12:50

Ĩpa ntĩĩte uubadĩĩzo nawinjĩpĩĩle kwibadĩĩzĩligua, nineene numutuunĩĩligue sunga ukondeeligue.

Luka 14:14

ninduue ukitũla muliukũ kunsooko ĩaasio agila kya kukushookelia; kuitĩ ukishookeligua muwiiuki wa akola kulukuuluu.”

Luka 3:16

uYohana nushookeelia nuaĩĩla tũlũ “ĩne tai nukumubadĩĩzagiaa kumazĩ, ĩpa upolokile umukola usũũmi kwinkĩla ĩne, nineene sikaka nijĩpĩĩle kukumutũngulĩlia sunga ĩmĩkoa ya ilaatu yaakue. Uzo ukakumubadĩĩzia kuMuau Muelu nukumooto.

Yohana 1:33

Nineene sika numuĩzĩ, ĩpa uzo naaluntumile kwibadĩĩzia kumaazĩ uuyo numbuĩla, ‘Uyo nukakumuona uMuau witima nukukikyala mumuakue, uuyo ukubadĩĩzagiaa kuMuau Muelu.’

Yohana 5:29

ndĩo ikipũna, naalĩ atendile iiza kuwiiuki wa upanga, naalĩ atendile namabĩĩ kuwiiuki wa ulamulua.”

Utendi 10:47

“Waani nusũũmile kwigilia ĩmaazĩ, ĩa alekibadĩĩigua naaza aanũnkulaa uMuau Muelu zĩ undiishie.”

Utendi 13:3

Papo pĩna naalaalĩla nukwilompa, naaaĩĩkĩla ĩmĩkono mumuao, naatuma ende.

Utendi 16:15

Pĩna nubadĩĩzigua nĩa numba yakue sue, nukupeepia nuũga, “Kanga ĩmwamonaa kĩna naazaa musuĩĩli mwa kĩShekulu, ingĩlĩ munumba yaane, mwikyale.” Nukukankanĩka.

Utendi 16:33

Nuasũgamĩĩlia ityũngo lĩlo-lĩĩloo lya utiku, nwĩoogelia inkomele zaao za ukuua, tũlũ ensi.

Utendi 17:18

Nityũmpĩ lya Aepukuleo nĩAstoiko, ĩakola masala naataagana nduyo. ĩĩĩa naaũga; “uMusolia umbodele uyu, muloe kwitambula yaani gile.” ĩĩa naaũga; “Wigyelĩĩle zĩ mutanantia wa anzua a kĩgenda.” Kunsooko alukumutanantia ũYesu nuwiiuki.

Utendi 2:38

uPetelo nuashookeelia, “Pelĩ, mubadĩĩzigue wensi mumiani muliina lya kĩYesu Kilisito, muleegeligue ĩmĩlandu yaani, niniinie mukiligia ĩkĩpeegua kya Muau Muelu.

Utendi 2:41

Iio gua, ĩaasio naalĩ aanũnkuĩle ulukaani luakue naabadĩĩzigua; nulutondo luasio naĩongeela antu magana ma nzogũ matatu.

Utendi 23:6

uPaulo pĩna nulĩnga kĩna ĩĩĩa Asadukayo ĩĩĩa Apalisayo, nwĩtunta ululi luakue ntongela ya akulu ilindĩ, “Agoosia anũna aane, ĩne neene Mupalisayo, muana wa Mupalisayo ĩne nilamulua mumpola za ulaaĩĩli nuwiiuki wa akiu.”

Utendi 24:15

Ntĩĩte ulaaĩĩli kwa kĩNzua nĩndĩo naaugombile, kĩna wiijile ukoolĩ uwiiuki wa akiu, akola kulukuuluu nĩnasika akola kulukuuluu,

Utendi 24:21

isiititũla kulukaani lwalu nalumuĩ naalĩ nĩtuntile pĩna nanĩĩmĩka pakatĩ yaao nukwiũga, Mumpola za wiiuki wa akiu ĩne nilamulua ntongela yaako nantende ĩĩ.

Utendi 24:25

Pĩna nulondoosia impola za kulukuuluu nukukĩgilia nuulamuli naukiiza, uPeliki nũingĩĩlua nuooa, nuũga, “Longola ĩpaino, pĩna nikiligia ĩlioma nĩkakukuĩta.”

Utendi 26:8

Nĩkĩ lwatũla kumiani zĩmbũge ingĩ lukaani nasika lwishuĩĩlua kĩna uNzua ukũiukagiaa ĩakiu.

Utendi 4:2

Naaĩĩpĩlua kunsooko akuamania ĩantu nukwitanantia mwa kĩYesu uwiiuki wa akiu.

Utendi 6:6

Awa naaĩĩmĩkia ntongela ya atumua, naalompa, naaĩĩka ĩmĩkono yaao mumuao.

Alumĩ 2:16

palutondo luasio uNzua pĩna ukakuulamula uunkũnkũ wa antu kunzĩla ya kĩYesu Kilisito, kwilika lya Mpola na Nziiza nantanantilie.

1 Akolinto 10:2

tũlũ naabadĩĩzigua kwa kĩMusa mwilyũnde numunanza;

1 Akolinto 12:13

Kuitĩ mwa kĩMuau umuĩ ishie tũlũ alĩ kuabadĩĩzigue kutũle muĩlĩ umuĩ, malĩĩ kuAyahũdi katia kuAgiliki, malĩĩ kuasese katia kuakolelua; tũlũ kwakopiligue uMuau umuĩ.

2 Akolinto 5:10

Kuitĩ yukũjĩpĩĩle kukigyelela ntongela ityengu lya ulamulua lya kĩKilisito, koona muntu wensi waanũnkule naalumatendile pĩna alĩwĩĩlĩ mumuĩlĩ, namatũla maaza katia mabĩĩ.

Apilipi 3:21

nukakuukaĩla umuĩlĩ wĩĩtu wa uniekũ wĩpiane numuĩlĩ waakue wa ukulu, kungũlũ nazukumusũũmagia kukuiĩĩka tũlũ yensi nsĩlĩlĩ yaakue.

Akolosai 2:12

Alĩ muaĩĩkue palumuĩ ninduyo muubadĩĩzo, muwaasio gaa namũiukigua palumuĩ ninduyo kunzĩla ya usuĩĩli muusũmi wa kĩNzua,

2 Timoteo 2:18

naalĩ alekile ĩtai, naiũga ya kĩna uwiiuki wakondile kwiiiza, ndĩo naaugomola uusuĩĩli wa antu naĩngĩ.

Aebulania 11:35

ĩAsungu alĩ aaanũnkuĩle ĩakiu ao kunzĩla ya wiiuki. Ĩpa itĩ ĩĩĩa alĩ akuue sunga kwikia alĩ asiitile kwikomolua koona aligie uwiiuki nauuza.

Aebulania 9:10

kuitĩ ingĩ malagĩĩlio ma kĩmuĩlĩ udũũ, india nuukopi nuwĩkalalia nawĩngĩ-wĩngĩ naalĩ malagĩĩligue sunga ityũngo lya kulĩganĩĩlia intu tũlũ lijilipika.

2 Petelo 3:7

Ĩpa igyulu lya nzuauu nĩnsĩĩ mbĩĩkue kĩuto kumooto kulukaani lulo-luuloo, mbĩĩkue sunga kulutondo lwa ulamulua nulwa koonoonua kumuao ĩantu nasika akumukulagiaa uNzua.