Aebulania 6:17 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁷ uNzua pĩna nusiia nangũlũ kukualagĩĩla ĩasaali ilyago kĩna uusio wakue sika usũũmile kwikaĩlĩka, nuĩĩka ilyapo pakatĩ,

Aebulania 6:17 ပူးပေါင်းရင်းမြစ်များ

Yohana 10:10

uMũii sika ukuuzaa isiitituũla wiie, waulage nukwioonona; ĩne nijile zitũle nuupanga, kangĩ zĩĩ nduo wingĩ dũũ.

Alumĩ 11:29

Kuitĩ uupeegua nuwĩĩti wa kĩNzua ugila kaukaĩlĩki.

Alumĩ 8:17

Malĩĩ kwĩaana gua, kuasaali, asaali a kĩNzua, kangĩ kuasaali palumuĩ nuKilisito, kanga kuagigue palumuĩ ninduyo, koona kukuligue palumuĩ ninduyo.

Agalatia 3:29

Malĩĩ inie ĩmwa kĩKilisito, mualĩĩ wĩleli wa kĩIbũlahimu, kangĩ mwĩasaali kunzĩla ilyago.

Aepeso 1:11

Numunsĩ yaakue alĩ kuatendue usaali kwilika lya usiio wa kĩuyo nukutendaa inkaani tũlũ kwilika lishĩĩgo lya ulooa waakue;

Aebulania 11:7

Kuusuĩĩli uNoe, pĩna nusugulua nuNzua mumpola nasika alĩ zalakakigyelela, numugombia uNzua, nuzĩpia ipyango kuugũnua wa numba yaakue. Kunzĩla ĩĩ nuulamula uunkũmbigyulu kĩna utimuĩle, nutũla musaali wa kulukuuluu nikigyelelaa kuusuĩĩli.

Aebulania 11:9

Kuusuĩĩli alĩ wikyalile munsĩĩ ilyago, zĩ munsĩĩ ya ugenda, nukikyala mwihyeema palumuũ nuIsaki nuYakobo, asaali palumuĩ nduyo ilyago lĩlo-lĩĩloo.

Aebulania 6:12

koona mulekitũla akata, ĩpa mutũle atiati a aasio naakusaalaa ilyago kunzĩla ya usuĩĩli nuugigimĩlia.

Aebulania 6:16

Tai ĩantu akulapaa kwa kĩuyo namukulu kwikĩla ĩo, nuulapi ukutũla mpelo ya ukamĩnkĩĩlia wa wĩkungumi waao.

Aebulania 6:18

koona kunzĩla ya intu ibĩlĩ nasika ishũũmile kwikaĩlĩka, mũyaasio uNzua sikusũũmile kwitambula uulongo, kuligie ipyumbulio nalya ukamatĩkũ, ishie naalĩ kumankĩlĩĩle kwiamba uulaaĩĩli waasio nauĩĩkue ntongela yĩĩtu,

Yakobo 1:17

uUpeegua wensi nauuza, nĩkĩpeelo kiensi nakĩkamĩnkĩĩlũ kĩpũnile kukiania nakĩtima kwipũna kwa kĩTata wa weelu; kumuakue kutilĩ kaukaĩlĩkĩ kĩna mulũle naukukailĩkaa.

Yakobo 2:5

Ntegeelĩ, anũna aane aloogua, uNzua sika aluasaaguĩlene ĩatũka a unkũmbigyulu atũle agolĩ muusuĩĩli, kangĩ asaali a utemi naalualagĩĩle ĩaasio naamuloilue?

1 Petelo 1:3

Wakũmazukigue uNzua Tata wa kĩShekulu wĩĩtu Yesu Kilisito! Kukĩnishungu kiakue kingĩ alukulelile ĩnkua ya kabĩlĩ kuulaaĩĩli naukola upanga, kunzĩla ya wiuki wa kĩYesu Kilisito kwipũna muakiu.

1 Petelo 3:7

Iio-iio niniiie agoosia, mwikyale nĩasungu aani kumasala, nukukuapeela ikyulio zĩ kĩumbe nakya ngũlũ nkeei, kuitĩ muasaali palumuĩ muukende wa upanga, koona uulompi waani ulekigiligua.