Aebulania 6:10 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁰ Kuitĩ uNzua sika mubĩĩ, sunga wĩĩwe ĩmĩlimo yaani nuuloogua waasio naalĩ muũgyelĩĩlie kuliina liakue, pĩna alĩ mukuatumĩla ĩeelu, sunga nunzuauu kĩlĩ mukuatumĩla.

Aebulania 6:10 ပူးပေါင်းရင်းမြစ်များ

Matayo 10:42

Wensi kanga wamupeele umuĩ wa ĩa naaniino sunga ĩkĩĩko kya maazĩ namapolo kunsooko mumanigua, tai namuĩĩla, sikukilimĩĩlia kainiino ĩkĩpeegua kiakue.”

Matayo 20:7

Naamuĩĩla, ‘Kunsooko kutilĩ nwakukupeela umulĩmo.’ Nuaĩĩla, ‘Lendĩ niniinie kumugunda wa mĩzabiibu.’

Matayo 25:17

Iio nunuasio naalutĩĩte ĩtalanta zibĩlĩ, nuligia nsaĩlo ya talanta zibĩlĩ ninjia.

Maliko 9:41

Wensi nukakumukopia inie ĩkĩĩko kya maazĩ kunsooko inie mwĩantu a kĩKilisito, tai namuĩĩla sika ukiulia ĩkĩpeegua kiakue.

Yohana 13:20

Tai-taaii namuĩĩla, uNuasio nukumuanũnkula wensi nanumutumile ukunanũnkulaa uneene; nduyo nukunanũnkulaa ĩne ukumuanũnkulaa uzo naaluntumile.”

Utendi 10:31

nuũga, ‘Kolinelio, uulompi waako wiigagiguaa, nishadaka zaako zijukaguaa ntongela ya kĩNzua.

Utendi 10:4

Numutuupĩĩla dũũ, noopooka pũũ; nuũga, “Yaani Shekulu.” Numuĩĩla, “uUlompi waako nishadaka zaako zapikile kukiania, zaalĩĩ kijukĩlo ntongela ya kĩNzua.

Utendi 11:29

ĩAmanigua naakamantana, wensi kwilika lya usũũmi waakue; wapũnie nsao, kukuatualĩla ĩanũna naikikyala kuUyahũdi.

Alumĩ 12:13

Kuusilĩlua wa antu naeelu, ĩmukamantĩĩne; muusũgamĩĩlia agenda, ĩmwĩkamatĩkilie.

2 Akolinto 9:1

Sika nukumuandĩkĩla inie mumpola za nsangĩ kunsooko ya eelu,

Agalatia 5:13

Kuitĩ iinie anũna aane, alĩ muĩĩtue mutũle akolelua; ĩpa uukolelua waani ulekitũla nsooko ya kutiata kimwĩlĩ, ĩpa mwĩtumĩkĩle niinie kuniinie kunzĩla ya uloogua.

Agalatia 5:6

Kuitĩ mwa kĩKilisito Yesu, kwiaalamigua katia kwisiiitiaalamigua igila kangũlũ; ĩpa uusuĩĩli naukĩtumaa umulĩmo kunzĩla ya uloogua.

Agalatia 6:10

Tũlũ gua, pĩna kutĩĩte ĩlioma, kuatendele tũlũ naiiza nangũlũ ĩaasio nakukĩnũna muusuĩĩli.

Akolosai 3:17

Luensi namukulutenda kulukaani katia kuutendi, tendĩ tũlũ muliina lya kĩShekulu Yesu, ĩmukumusongelia uNzua Tata kwa kĩuyo.

1 Atesaloniki 1:3

Pĩna kukijuka ntongela ya kĩNzua Tata wĩĩtu, umulĩmo waani wa usuĩĩli nuwĩtumi waani wa uloogua, nuugigimĩlia waani wa ulaaĩĩli mwa kĩShekulu wĩĩtu Yesu Kilisito.

1 Timoteo 6:18

Atende namaaza, atũle agolĩ kuutendi nauuza, apũnie inshao zaao kuukende, akamantane nĩnaĩngĩ muusilĩlua waao.

2 Timoteo 4:8

Naishaagile numuĩĩkĩlĩgue ngala ya kulukuuluu, ĩniasio ũShekulu mulamuli nwa kulukuuluu nukimpeela paLutondo luasio; kangĩ sika uneene dũũ, ĩpa nĩaasio gaa naauloogilue uwigyeleli waakue.

Aebulania 10:32

Ĩpa itĩ zijukĩkiĩ intondo za muandio pĩna namukoonda kwipeegua uweelu munkolo, namugigimĩlia uwĩsinki naukulu wa kuagigua;

Aebulania 13:16

Ĩpa itĩ mulekiĩĩwa kwitenda naiiza nukwikamantana, kuitĩ ĩmapũnio kĩna aya makumuloeelagiaa uNzua.

1 Yohana 1:9

Kanga kukũmuule ĩmĩlandu yĩĩtu, uzo ingĩ wa usuĩĩli kangĩ munakulukuuluu wakuleegelie ĩmĩlandu yĩĩtu, nukukukoogia ubĩĩ tũlũ wensi.