Aebulania 6:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Iio gua, kulege kuumanigua wa muandio wa kĩKilisito kulongoleke kuukamĩnkĩĩlũ; kulekiĩĩka kangĩ umukũlĩla wa upeli kwipũna muutendi naukiu, nuusuĩĩli kwa kĩNzua,

Aebulania 6:1 ပူးပေါင်းရင်းမြစ်များ

Matayo 21:29

Nushookeelia nuũga, ‘Sika nuunzie.’

Matayo 21:32

Kunsooko uYohana alũjile kumiani kunzĩla ya kulukuuluu, niniinie sika namumusuĩĩla; ĩpa ĩasangulia-kooodi nĩagololia naamusuĩĩla; ĩpa inie pĩna namuona sika namupela pembele, koona mumusuĩĩle.”

Matayo 3:2

“Pelĩ, kunsooko uutemi wa kwigyulu wasũgamĩlaa.”

Matayo 4:17

Kwipũna paapo ũYesu nuandia kwitanantia nukwiũga; “Pelĩ, kuitĩ uutemi wa kwigyulu wasũgamĩĩlaa.”

Matayo 5:48

Iio gua muĩ akamĩnkĩĩlũ niniinie zĩ uTata waani nwa kwigyulu namukamĩnkĩĩlũ.”

Matayo 7:25

ĩMbũla nĩkua, ĩmaazĩ namĩlunda, ĩnzega nĩkũnka, nyĩmĩkua ĩnumba niasio; sika nĩgua, kunsooko ĩmĩkũlĩla yaakue alĩ yĩĩlĩ mukiania ipyampa.

Maliko 1:1

Muandio wa Mpola naNziiza za kĩYesu Kilisito, Muana wa kĩNzua.

Maliko 6:12

Naalongola, naatanantia ĩantu apele.

Luka 6:48

Wĩpianile zĩ muntu nukuzengaa ĩnumba, nukwishĩmbuula pansĩ zigi, nuĩĩka umukũlĩla mwipyampa. ĩMaazĩ pĩna namijula, umongo naukuanga ĩnumba niasio; sika nausũũma kukumĩsũngũsia kunsooko alĩ nzengue iiza.

Yohana 12:44

ũYesu nwĩtunta ululi nuũga, “Nusuĩlĩĩle mumuane sikunsuĩlĩĩle kaneene, ĩpa uuyo naaluntumile.

Yohana 14:1

“ĩNkolo zaani zilekikankanala; musuĩĩle mwa kĩNzua, musuĩĩle numumuane.

Yohana 5:24

Tai-taaii namuĩĩla, “Nukũigagiaa ulukaani luane nukukumusuĩĩla naaluntumile utĩĩte uupanga wa kalĩ nakalĩ, sunga sika wipika muulamuli, ĩpa walegile muukiu, wingĩĩle muupanga.

Utendi 11:18

Pĩna naigyũlia zaasio naatuulia, naamukulia, “uNzua naaũga, sunga kundugu nazĩngĩ uNzua waapĩĩle upeli aligie upanga.”

Utendi 17:30

ĩMatũngo ma usiitimana, uNzua alĩ wĩtendile zĩ sikumaoonie; ĩpaino ualagĩlĩĩlie ĩantu ensi tũlũ kwensi apele.

Utendi 2:38

uPetelo nuashookeelia, “Pelĩ, mubadĩĩzigue wensi mumiani muliina lya kĩYesu Kilisito, muleegeligue ĩmĩlandu yaani, niniinie mukiligia ĩkĩpeegua kya Muau Muelu.

Utendi 20:21

Nanĩakuĩlĩkia ĩAyahũdi nĩAgiliki apele ntongela ya kĩNzua, nukwishuĩĩla mwa kĩShekulu wĩĩtu Yesu Kilisito.

Utendi 26:20

ĩpa kumuandio nanĩatanantĩlia ĩaasio a kuDamesiko niYelusalemũ numunsĩĩ yensi nya Uyahũdi sunga kundugu nazĩngĩ, koona apele agomokele kwa kĩNzua, ĩĩtenda utendi nawijĩpĩĩle uupeli.

Utendi 3:19

Pelĩ gua, mupĩluke, ĩmĩlandu yaani ĩlimansĩĩligue, koona maaze ĩmatũngo ma usepeeleki namapũnile kwa kĩShekulu;

1 Akolinto 13:10

Ĩpa uukamĩnkĩĩlũ pĩnawaaza ĩmatũmpĩ mijilitũla nakanda.

1 Akolinto 2:6

Ĩpa makoolĩ masala nakukumatambulaa pakatĩ ya akamĩnkĩĩlũ; ĩpa sika masala ma unkũmbigyulu uu, katia ĩma aasio naautemile unkũmbigyulu uu, naioononeka;

2 Akolinto 7:1

Iio gua aloogua, kunsooko kutĩĩte ĩmalago aya, kwĩeelie kwipũna muudobũ wensi wa muĩlĩ nĩnkolo; ĩkwikamĩnkĩĩlia uweeligua muooa wa kĩNzua.

2 Akolinto 7:10

Kuitĩ uugũnua, nawĩĩlĩ kunzĩla ya kĩNzua ukuleetaa upeli nauleetile uugũnua, naugila kawĩsokia; ĩpa uusungu wa unkũmbigyulu akuleetaa ukiu.

Aepeso 2:1

Niniinie alumupangatilie pĩna alĩ muakiu kunsooko ya utimu nĩmĩlandu yaani.

Aepeso 2:5

sunga paapo pĩna alĩ kuakiu kunsooko ya utimu wĩĩtu, nukupangatia palumuĩ nuKilisito (muagũnue kuukende).

Aepeso 4:12

koona ĩeelu akamĩnkĩĩligue, umulĩmo wa kĩtuma utendeke, umuĩlĩ wa kĩKilisito uzengue,

Akolosai 1:28

Wayuuyu kukumutanantia impola zaakue, nakukumusugula muntu wensi, nukukumumania muntu wensi mumasala tũlũ, koona kumuleete muntu wensi mukamĩnkĩĩlũ mwa kĩKilisito.

Akolosai 3:14

Naikulu nangũlũ jialĩ uuloogua, uuo kĩtũngo kya ukamĩnkĩĩlũ.

Akolosai 4:12

uEpafula nwa kunsiani, mwĩtumi wa kĩYesu, ukumulamukia; ukĩkamatĩkagiaa intondo tũlũ kunsooko yaani muulompi waakue, koona muĩmĩke ke, akamĩnkĩĩlũ, mulĩngĩkie uulooa tũlũ wa kĩNzua.

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

1 Timoteo 6:19

Itĩ yoi ĩakĩĩkĩlia ĩkĩuto kĩtũle mukũlĩla namuuza kumatũngo namijile, koona aũtyapĩkie uupanga nawa tai-taaii.

2 Timoteo 2:19

Ĩpa itĩ umukũlĩla namukamũ nwa kĩNzua wĩĩmĩkile, nautĩĩte umuntozo uu, “ũShekulu uamanile ĩaakue;” kangĩ, “Wensi nukuliĩta iliina lya kĩShekulu wauleke uubĩĩ.”

Aebulania 11:6

Ĩpa pĩna kutilĩ kausuĩĩli sika ishũũmĩkile kukumuloeelia. Kuitĩ wensi nukumusũgamĩlaa uNzua yumũjĩpĩĩle wasuĩĩle ya kĩna ukoolĩ, kangĩ ya kĩna ukuapeelaa uupeegua nauuza ĩaasio naakumudũũmaa.

Aebulania 12:13

muzĩpĩlĩe ĩmĩgulu yaaani injĩla nangolokũ, koona ĩkĩntu nakialĩĩ kĩlema kĩlekilimĩlĩgua, ĩpa itĩ taazu kĩkamigue.

Aebulania 7:11

Ĩpa gua, kanga uukamĩnkĩĩlũ ĩalĩĩ ukoolĩ kunzĩla ya upolia wa kĩLawi (kuitĩ ĩpaasio pĩna alĩ ukoolĩ, ĩantu alĩ apeegue uUlagĩĩlio), kunsooko kĩ waĩĩkue kangĩ umupolia wĩngĩ wigyelele nwilika lya kĩMelikizedeki sika yĩĩ kũlika lya kĩAloni?

Aebulania 9:14

sika ikulu nangũlũne ĩmĩgali ya kĩKilisito, naalĩ wĩpũnilie kwa kĩNzua kunzĩla ya kĩMuau wa kalĩ nakalĩ, watũle pyolia nigila kaulema, ukakumoogia ĩmioo yaani nuutendi wa ukiu kukumutumĩla uNzua namupanga?

Yakobo 1:4

nuugigimĩlia utũle numulĩmo namukamĩnkĩĩlũ, mutũle akamũ kangĩ akapanga, mulekikeepeelua kakĩntu.

1 Petelo 1:21

Kwa kĩuyo mukusuĩĩlaa mwa kĩNzua naalumũiukilie kwipũna muakiu, numupeela ukulu; sunga uusuĩĩli waani nuulaaĩĩli waani wĩĩ kwa kĩNzua.

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

1 Yohana 4:12

Ukutilĩ naalumuoonie uNzua kũtyũngo liensi. Kanga kwĩloogue, uNzua ukikyala munsĩ yĩĩtu nuuloogua waakue witimĩĩligua munsĩ yĩĩtu.