Aebulania 5:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ nduyo paasio pĩna nutũla mukamĩnkĩĩlũ nutũla muandio wa ugũnua wa kalĩ nakalĩ kuasio tũlũ naakumugombaa,

Aebulania 5:9 ပူးပေါင်းရင်းမြစ်များ

Matayo 17:5

Pĩna alĩ kĩlĩ witambula, ilyũnde lielu nalĩakũnĩkĩla; laaa, luli nalupũna mwilyũnde naluũga, “Uyu wayu Muana waane muloogua, nanumuloeeligue ninduyo; mũigiĩ umuene.”

Luka 13:32

Nuaĩĩla, “Lendĩ mumuĩĩle unuasio nukiteenda musugu, ‘Laaa, nantende numudaau nukumaĩnga ĩmasĩĩmuĩ nukukuakamia ĩaluĩle; palutondo lwa katatu nikikondia ulugendo luane.’

Yohana 19:30

ũYesu pĩna nuukopa umubinio namukalĩ nuũga, “Yakondaa.” Nusũnĩnkĩlia ityũe, nutiĩka ĩnkolo.

Utendi 3:15

namumuulaga uyo uMuandio wa upanga, uyo uNzua naalumũiukilie kwipũna muakiu, nindiishie kuakuĩlli aakue.

Utendi 4:12

Kangĩ kutilĩ kaugũnua kunuĩngĩ kaumuĩ, kuitĩ kutilĩ kaliina naliĩngĩ nsĩlĩlĩ igyulu naalĩ apeegue ĩantu nalyukũjipĩĩle ishie kwigũnua nĩndĩlo.”

Utendi 5:32

Ishie kuakuĩli ampola izi, nuMuau Muelu gaa, uNzua nukuapeelaa ĩaasio naakumugombagiaa.”

Alumĩ 1:5

Numumuakue umuene nakuanũnkula uukende nuutumua, koona kuzimanie indugu tũlũ zensi uugombigua wa usuĩĩli kunsooko ya liina liakue.

Alumĩ 10:16

Ĩpa sika tũlũ ensi naalĩ agombilie iMpola na Nziiza, kuitĩ uYesaya waũga, “Shekulu, waani alusuĩlĩĩle impola zĩĩtu.”

Alumĩ 15:18

Kuitĩ sika nikigimia kukulutea kalukaani isiititũla naalutendile uKilisito mumulĩmo waane; indugu nazĩngĩ zigombie kulukaani nukuutendi.

Alumĩ 2:8

ĩpa ĩaasio ĩaleei nasika agombile ĩtai ĩpa akugombaa uoononeki ikiligia kyũo nuutaki.

Alumĩ 6:17

Ĩpa uNzua wasongeligue kunsooko inie naalĩ mwĩasese a mulandu alĩ mugoombilie munkolo zaani uumanigua naalĩ muapeegue.

2 Akolinto 10:5

Ĩkwitalula ĩmasĩĩgo niintu yensi nayĩkĩkulagiaa nukukuuuukĩĩla umani wa kĩNzua, kangĩ kulĩsolile utepi shĩĩgo liensi, lyumugombe uKilisito.

Apilipi 2:12

Luulo gua, aloogua aane, kĩna iio naalĩ mukugombaa intondo tũlũ, sika pĩna alĩ nkoolĩ udũũ, ĩpa nangũlũ ĩne pĩna nukutilĩ, ukondeeliĩ uugũnua waani uniinie kuooa nukwikĩkĩma.

2 Atesaloniki 1:8

kunu ĩukakuakaasia ĩaasio nasika amuĩzĩ uNzua, nĩndĩo nasika azigombile iMpola naNziiza ĩza kĩShekulu wĩĩtu Yesu Kilisito.

2 Atesaloniki 2:16

NũShekulu wĩĩtu Yesu Kilisito umuene, nuNzua Tata wĩĩtu naalukuloogilue nukupeela ishie ipyumbulio lya kalĩ nakalĩ nuulaaĩĩli nauuza muukende,

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

Aebulania 1:14

ĩAasio tũlũ sika nkolone nazĩkĩtumaa, nantumue kukuatumĩla ĩaasio naikishaala uugũnua?

Aebulania 11:40

kuitĩ uNzua alĩ watongelĩĩle kukukuĩĩkĩlia ishie ulukaani naluuza nangũlũ, koona pĩna kukutilĩ ishie, ĩaasio alekitũla akamĩnkĩĩlu.

Aebulania 11:8

Kuusuĩĩli uIbũlahimu pĩna alĩ muĩtue nugomba, nupũna nulongola kuluandĩ, kuasio kĩna ũjililigia wĩĩ usaali. Nupũna sika numanile nĩkĩna ulunziĩ.

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

Aebulania 2:10

Kuitĩ alĩ yumũjĩpĩĩle uyo, nakunsooko yaakue nukunzĩla yaakue intu tũlũ naitũla, pĩna wileeta ĩaana iingĩ sunga kuukulu, kukumukamĩnkĩĩlia kuwaagi umutongeeli nwa ugũnua waao.

Aebulania 2:3

aishie gua, kukitalama mbii kanga kulekikeela uugũnua naukulu kĩna uu? Naalĩ utambulue kumuandio nũShekulu, pembele naukamĩnkĩĩligua kumiĩtu kunzĩla ya aasio naalĩ iigilie;

Aebulania 9:12

alĩ wingĩĩle kamuĩ dũũ Pana yeelu pa Pana yeelu, sika kunzĩla ya mĩgali ya mbuli nĩnya muzagamba, ĩpa kunzĩla ya mugali waakue umuene, itĩ nuligia uukomolua wa kalĩ nakalĩ.

Aebulania 9:15

Iio gua uyo ingĩ mukamantania wilyago nĩpia, koona naalĩ ĩĩtue aanũnkule ilyago lya usaali wa kalĩ nakalĩ, kunsooko nkia naĩtendeka nĩakomola kwipũna muutimu naalĩ utendekile nsĩlĩlĩ ilyago lya muandio.

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.

1 Petelo 1:22

Pĩna namuzeelia inkolo zaani kukumĩgombia ĩtai, mwĩloogekigue nkankanaa mukĩnũna, ĩkutilĩ kaunamampĩlu; ĩkakiĩ gua kukĩloogua kunkolo nanzelu.

1 Yohana 5:20

Kumanile ya kĩna uMuana wa kĩNzua waazile nduyo wakupĩĩle uulĩngi, koona kumulĩnge uzo nwa tai, nindiishie kukoolĩ munsĩ yaakue nwa tai, ingĩ munsĩ ya Muana waakue ũYesu Kilisito. Uyu wayu Nzua nwa tai, nuupanga wa kalĩ nakalĩ.

Yuda 1:21

Ĩkendegeelĩ muuloogua wa kĩNzua; ĩmulindĩĩle ĩkĩnishungu kwa kĩShekulu wĩĩtu Yesu Kilisito sunga kuupanga wa kalĩ nakalĩ