Aebulania 4:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² Kuitĩ uLukaani lwa kĩNzua ingĩ lupanga kangĩ lutĩĩte ingũlũ, kangĩ luugĩ kwikĩla uuugĩ wiyũmba nalĩtĩĩte uuugĩ kunandĩ zibĩlĩ kangĩ lukusomaa lika lya kutemanula umoo nĩnkolo, mpĩngĩlĩ za makũpa nimpongo; kangĩ lupeelũ kukumalĩnga ĩmasĩĩgo nuusio wa nkolo.

Aebulania 4:12 ပူးပေါင်းရင်းမြစ်များ

Luka 8:11

Nĩmpiani ĩĩ ĩndogolelio yaakue ntĩĩ, ĩmbeu ingĩ uLukaani lwa kĩNzua.

Yohana 12:48

Nwakunsiita ĩne, nasikukuanũnkulaa inkaani zaane, utĩĩte nwakumulamula; ulukaani nanulutambuĩle, luulo lukakumulamula palutondo lwa mpelo.

Yohana 6:51

Ĩne neene nĩndia ya upanga naalĩ ĩtimile kwipũna kwigyulu; tũlu wensi kanga wamĩlĩe ĩndia ĩĩ, ukitũla nuupanga wa kalĩ nakalĩ. Nĩndia nanikipũnia ĩne kunsooko ya upanga wa unkũmbigyulu ingĩ umuĩlĩ waane.”

Utendi 2:37

Pĩna naiigia izi naasonsua munkolo zaao, naamuĩĩla uPetelo nĩatumua naĩngĩ, kutendeii, agoosia anũna ĩĩtu.

Utendi 4:31

Pĩna naakondia kwilompa, umuasio muna alĩ ĩlundĩlĩĩle naishũngũsigua, tũlũ naijulua nuMuau Muelu, naatambula ulukaani lwa kĩNzua kuukamatĩkũ.”

Utendi 5:33

Ĩo pĩna naiigia izi, naatakĩkia, naasiia kukuaulaga.

Utendi 7:38

Uuyo alĩ wĩĩlĩ mumulundo mumbugi-melemele palumuĩ numalaĩka naalĩ ĩkĩtambuĩlaa pankonko ya Sinai, kangĩ nĩatata ĩĩtu; uuyo alĩ waanũnkuĩle inkaani za upanga wakupeele nindiishie.

Alumĩ 1:16

Kuitĩ ĩne numugila kansoni kuMpola na Nziiza, kunsooko ingĩ ngũlũ za kĩNzua nazukuleetaa uugũnua kuwensi nusuĩlĩle, kuMuyahũdi tangua, nukuMugiliki gaa.

1 Akolinto 1:24

ĩpakuaasio naĩĩtue, ĩAyahũdi nĩAgiliki gaa, ingĩ Kilisito, ngũlũ ya kĩNzua nĩmasala ma kĩNzua.

2 Akolinto 2:17

Kuitĩ ishie sika kwĩkĩna aasio naiingĩ naakulugulagiaa ulukaani lwakĩNzua; Ĩpa kuugolokũ wa moo, kĩna kwipũna kwa kĩNzua kukutambulaa mwa kĩKilisito ntongela ya kĩNzua.

2 Akolinto 4:2

Ĩpa kuzishiitile impola za kĩmpĩsĩmpĩsĩ naza nsoni; sika kukugendelaa muwĩsukukia katia sika kusaalĩnkĩĩnie ukulaani lwa kĩNzua nuulongo, ĩpa kuwigyelelio wa tai, kukĩpũnĩlia kualiĩ kumioo ya antu tũlũ ntongela ya kĩNzua.

Aepeso 5:13

Kuitĩ tũlũ pĩna matakĩlua naweelu, makigyelelagiguaa; kuitĩ kiensi nakikigyelelagiguaa ingĩ kya weelu.

Aepeso 5:26

koona walielie pĩna alulĩogilie kumaazĩ nukuLukaani.

Aepeso 6:17

Kũtyũe jialĩ gyĩgu lya kyuma lya ugũnũa, muambe iyũmba lya kĩMuau, ndĩlo ingĩ uLukaani lwa kĩNzua.

1 Atesaloniki 2:13

Kunsooko ĩĩ ishie nindiishie sika kwileka kukumusongelia uNzua, kuitĩ pĩna alĩ muanũnkuĩle uLukaani lwa kĩNzua naali mulũigilie kumiĩtu, alĩ muluanũnkuĩle sika kĩna lukaani lwa kĩuntu, ĩpa kĩna Lukaani lwa kĩNzua, nuluasio iio luĩlĩ tai-taaii, nalukĩtumaa umulĩmo munsĩ yaani inie namusuĩlĩĩle.

1 Atesaloniki 5:23

uNzua wa matiliga muene wamuelekie; niniinie, inkolo zaani nĩmioo yaani nĩmiĩlĩ yaani mulindĩĩlue muĩ akapanga, ĩkutilĩ kishokio pityũngo pĩna ukiiiza ũShekulu wĩĩtu Yesu Kilisito.

Aebulania 13:7

Ijukĩkiĩ ĩatongeeli aani naalĩ akumuĩĩla ulukaani lwa kĩNzua, kangĩ mulaaĩkie ĩmpelo ya lugendo luao, mutiate uusuĩĩli waao.

Aebulania 6:5

nukukulutoma uLukaani naluuza lwa kĩNzua, ningũlũ za unkũmbigyulu naukiiiza;

Yakobo 1:18

Kuuloa waakue alukulelile ishie kulukaani lwa tai, kutũle zĩ nkali za muandio muiumbe yaakue.

1 Petelo 1:23

Mwalelilue nkua ya kabĩlĩ, sika kumbeu nyukoononekaa, ĩipa nasika yukoononekaa, kunzĩla ya ulukaani lwa kĩNzua nalutĩĩte uupanga nĩnalũkyalile sunga ĩkalĩ nakalĩ.

Ukũnukulua 1:16

nduyo alutĩĩte inshonda mupũngatĩ mumukono waakue nwa kĩgoosia; niyũmba lyugĩ, kwensi-kwensi, lĩpũnile mumulomo waakue; nuusiu waakue zĩ mpasu nĩlĩlile kungũlũ zaakue.

Ukũnukulua 19:15

Niyũmba nalyugĩ yukupunĩĩlaa mumulomo waakue koona wazikue indugu kuniasio. Ninduyo ukakuadĩĩma kunkome ya kiuma, ninduyo witilangĩla ityulĩ lya kusuuzĩla mubinio wikyũo lya utaki wa kĩNzua Mukola ngũlũ zensi.

Ukũnukulua 19:21

Naalĩ asaagile naaulagua kuyũmba nalĩpũnile mumulomo waakue uyo nudaamĩlĩĩle ĩmpalasi; ninoni nazikyutĩkia kunama zaao.

Ukũnukulua 2:16

Pela gua. Kanga usiitipela, nijile kumuako kuukaaũ, nikitenda ulugu kumuao kuyũmba lya mulomo waane.

Ukũnukulua 2:23

nineene nĩkakuaulaga ĩaana aakue kuukiu. Nĩmakanisa tũlũ mikilĩĩnga kĩna neene nukukeesagiaa moo nĩnkolo. Nineene nĩkakumupeela muntu wensi kumiani kwilika lya utendi waakue.

Ukũnukulua 20:4

Namona matengu ma kĩtemi, nĩnaikyalansile mumaasio naapeegua uusũũmi wa ulamuli; namona inkolo zaao naalĩ adumulue ĩmatũe kunsooko ya ukuĩli wa kĩYesu, nukunsooko ya lukaani lwa kĩNzua, ĩaasio nasika alĩ akumĩtekela ĩnimu nunzegamĩla waakue, sunga kwiĩĩkĩlua uugomola muusiu waao numumĩkono yaao. Naatũla apanga kangĩ, naatema palumuĩ nuKilisito miaka gyana lya nzogũ.