Aebulania 3:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Ĩpa uKilisito gua alĩ musuĩĩli mumpola za numba ya kĩNzua kĩna Muana. Nidiishie kwĩnumba yaakue kanga kwityapĩkie sunga kumpelo uukamatĩkũ wĩĩtu, nukukĩkũmazukilia muulaĩĩli wĩĩtu.

Aebulania 3:6 ပူးပေါင်းရင်းမြစ်များ

Matayo 10:22

Mukitũlishuukĩlua nĩantu tulu kunsooko ya liina liane. uNuasio gua nwakugigimĩĩlia sunga ĩmpelo, uuzo ukigũnĩka.

Matayo 16:18

Nineene nakuĩĩla, Ue uue Petelo, numukiania ipyampa ĩlĩ nikijenga ikyanisa liane, sunga ingũlũ za ukiu sika zĩkakĩlĩdula.

Matayo 24:13

Ĩpa nwakugigimĩlia sunga kumpelo, uuyo ukigũnĩka

Alumĩ 11:22

Laaa gua, uuuza nuutaki wa kĩNzua; kuaasio naalĩ aguile, utaki; ĩpa kumuako uuuza wa kĩNzua; kanga wikyale muuuza waasio; na yaa sika iio, ue ninduue ukitemangua.

Alumĩ 12:12

Kuulaaĩĩli, ĩmwilumbĩĩlia; munzago, ĩmugigimĩĩlie; muulompi, ĩmusikitĩĩle.

Alumĩ 15:13

uNzua wa ulaaĩĩli waani wamũjulie inie uulumbi wensi nĩmaatiliga uulaaĩĩli waani wongeeligue kungũlũ za kĩMuau mũelu.

Alumĩ 5:2

Kwa kĩuyo kuusuĩĩli kwaligilie usũgamĩĩli kuukende uu nakuĩmĩkile munsĩ yaakue, nukwilumba muulaaĩĩli wa ukulu wa kĩNzua.

1 Akolinto 3:16

Sika mumanilene inie kĩna mualĩĩ Numba ya kĩNzua, kangĩ kĩna uMuau wa kĩNzua wikyalile munsĩ yaani?

1 Akolinto 6:19

Sika mumanilene kĩna umuĩlĩ waani ingĩ Numba ya kiMuauMwelu nuili munsi yaani, naali mwapegue nu Nzua? Niniinie sika nsao yaani uniinie;

2 Akolinto 6:16

Ukoolĩne uumuĩ pakatĩ ya Numba ya kĩNzua nĩanzegamĩla. Kuitĩ ishie kwĩNumba ya kĩNzua namukola upanga, kĩna uNzua aluũgile, “Nĩkakikyala pakatĩ yaao, kangĩ nikigendela pakatĩ yaao; Nineene nikitũla Nzua waao, ndĩo ikitũla antu aane.

Agalatia 6:10

Tũlũ gua, pĩna kutĩĩte ĩlioma, kuatendele tũlũ naiiza nangũlũ ĩaasio nakukĩnũna muusuĩĩli.

Agalatia 6:9

Kulekikatala kwitenda naiiza gua, kuitĩ pityũngo liakue kukiogola kanga kulekitia nsula.

Aepeso 3:12

Mumuakue alukutongelĩĩle ĩnzĩla ya kumuagaana, ĩkutilĩ kaooa wensi, kuukamatĩkũ, kunzĩla ya usuĩĩli wĩĩtu mumuakue.

Akolosai 1:23

Kanga mwikyale muusuĩlĩ, muzengue mumukũlĩla wa ngũlũ mulekileegeligua paulaaĩĩli wa Mpola na Nziiza naalĩ mũigilie, naalĩ ntanantigue kuiumbe tũlũ nayĩĩlĩ nsĩlĩlĩ igyulu Nineene Paulo nantũla mwĩtumi waakue.

1 Atesaloniki 5:16

Lumbĩ intondo tũlũ.

2 Atesaloniki 2:16

NũShekulu wĩĩtu Yesu Kilisito umuene, nuNzua Tata wĩĩtu naalukuloogilue nukupeela ishie ipyumbulio lya kalĩ nakalĩ nuulaaĩĩli nauuza muukende,

1 Timoteo 3:15

kanga ntinie, umane kĩna ijĩpĩĩle ĩantu kwigendela munumba ya kĩNzua. ĩlĩ lyolĩ kyanisa lya kĩNzua namupanga, ishĩmbĩlĩ kangĩ mukũlĩla wa tai.

Aebulania 1:2

ĩpa kuntondo izi za mpelo utambuĩle nindiishie kuMuana, naalumuĩĩkile wĩĩ musaali wa intu yensi, kwa kĩuyu nuuumba uunkũmbigyulu.

Aebulania 10:19

Luulo gua anũna aane, kunsooko kutĩĩte ukamatĩkũ wa kuingĩla Pana yeelu kunzĩla ya mugali wa kĩYesu,

Aebulania 10:21

kangĩ kunsooko kutĩĩte umupolia namukulu mumpola za numba ya kĩNzua;

Aebulania 10:23

Kuambĩĩlĩkie uukũmuuli wa ulaaĩĩli wĩĩtu, ulekipĩluka; kuitĩ uyo naalulagile ingĩ wa usuĩĩli.

Aebulania 10:35

Luulo, gua muleke kuutaaga ukamatĩkũ waani, kuitĩ utĩĩte upeegua ukulu.

Aebulania 11:1

uUsuĩĩli gua, ingĩ kwitũla nuukamĩnkĩĩlũ wa mpola nakuzilaaĩlĩĩle; ingĩ kwimana kutai impola nasika zigyelĩĩle.

Aebulania 3:14

Kuitĩ kualĩĩ akamantani a kĩKilisito kanga kũtyapĩkie uukamatĩkũ wĩĩtu wa muandio sunga kumpelo,

Aebulania 4:11

Luulo gua, kwĩkamatĩkie kwiingĩla muusũũpio waasio, wensi walekigua kumpiani ĩo-ĩĩoo nya uleki.

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

Aebulania 4:16

Luulo gua, nakulĩsũgamĩĩle ityegu lya ukende kuukamatĩkũ koona kuanũnkule ĩkĩnishungu nukwiona ukende wa kukualĩĩlia pityũngo lya usilĩlua.

Aebulania 6:11

Kwasiiia gua, wensi mumiani wigyelelie uukamatĩkũ uo-uuoo, waũtyapĩkie uulaaĩĩli tũlũ sunga kumpelo,

Aebulania 6:18

koona kunzĩla ya intu ibĩlĩ nasika ishũũmile kwikaĩlĩka, mũyaasio uNzua sikusũũmile kwitambula uulongo, kuligie ipyumbulio nalya ukamatĩkũ, ishie naalĩ kumankĩlĩĩle kwiamba uulaaĩĩli waasio nauĩĩkue ntongela yĩĩtu,

Aebulania 7:19

(kuitĩ uUlagĩĩlio sika ukutimĩĩlagiaa kakĩntu); paluandĩ luua, nawingĩligwa uulaaĩĩli nauuza nangũlũ, nukuwaasio kukumusũgamĩĩla uNzua.

1 Petelo 1:8

Nduyo mumuloilue pĩna sika mumuoonie; kanga ĩsika mumuoonie unzuauu nakĩĩ, musuĩlĩĩle mumuakue nukwilumbĩkia kuulumbi nasika usũũmĩkile kwitambulua, kangĩ naukũmigue.

1 Petelo 2:5

Inie ni niinie zĩ magũe namapanga muazengue muĩ numba ya kĩnkoolo, muĩ apolia naeelu, muleete ĩmapũnio ma kĩnkoolo namagombigue nuNzua kunzĩla ya kĩYesu Kilisito.

1 Petelo 4:17

Kuitĩ ityũngo liazaa uulamulua wandilie munumba ya kĩNzua. Na wandia kunsĩĩtu gua, ikitũla mbii kumpelo ya aasio nasika azigombile iMpola naNziiza za kĩNzua?

Ukũnukulua 2:18

“Nukwa kĩmalaĩka nwikyanisa naliĩlĩ muTiatila andĩka, ‘Izi zozi uũgile uMuana wa kĩNzua, uyo nwa miiso zĩ muakĩlo wa mooto, nĩmĩgulu zĩ kiuma nakĩkasũkũ nakĩkulusue zigi-zigi.’

Ukũnukulua 2:25

Ĩpa namukĩtĩĩte, kĩambĩ, sunga pĩna nikiiza.

Ukũnukulua 2:26

Ninduyo nudulile nukukuukendegeela uutendi waane sunga ĩmpelo, nĩkakumupeela usũũmi kundugu,

Ukũnukulua 3:11

Laaa nijile kuukaaũ; tyapĩkia nukĩtĩĩte walekiiiza umuntu wakuleegelie ĩngala yaako.