Aebulania 3:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

Aebulania 3:1 ပူးပေါင်းရင်းမြစ်များ

Yohana 17:3

Nuupanga wa kalĩ nakalĩ ingĩ ntuuu, akumane ue nwĩNzua nwing'ene nwa tai, nũYesu Kilisito nalumutumile.

Yohana 20:21

Iio ũYesu nuaĩĩla kangĩ, “Matiliga mĩĩ kumiani. Kĩna uTata aluntumile ĩne, nineene nukumutuma inie.”

Yohana 20:27

Paapo numuĩĩla uTomaso, “Leeta uluala luako ĩpa, ulaae ĩmĩkono yaane, uleete numukono waako uuĩĩkĩle mulualũ luane; ulekitũla nasikusuĩlĩĩle, ĩpa nusuĩlĩĩle.”

Utendi 1:15

Pantondo zaasio nuĩmĩka uPetelo pakatĩ ya anũna (iyalo lya antu alĩ lialĩĩ gyana nĩmakumi mabĩlĩ;) nuũga,

Alumĩ 11:17

Ĩpa mbaa intambi nazĩngĩ zatemangilue, ninduue muzeituni wa muwĩĩ nusopekelua paluandĩ luao, nutũla mukamantani witina lya muzeituni nuugĩnũ waakue,

Alumĩ 15:27

Kuitĩ yĩaloelĩĩlie, kangĩ alĩ antu a mpaa kumuao; kuitĩ kanga indugu nazĩngĩ alĩ zikamantĩĩne muintu yaao ya kĩnkoolo, ijĩpĩĩle aatumĩle muintu yaao ya kĩmuĩlĩ.

Alumĩ 15:8

Naũgaa gua, ya kĩna uKilisito waalĩĩ mwĩtumi wilyago kuasio naalĩ aalamigue, walagĩĩle ĩtai ya kĩNzua, koona wakamĩnkĩĩlie ĩmalago naalĩ apeegue ĩatata,

Alumĩ 9:24

Ishie nindiishie alĩ kuĩĩtue nduyo, sika kwipũna muAyahũdi udũũ, ĩpa sunga kwipũna mundugu nazĩngĩ gaa.

1 Akolinto 1:2

kukumuandĩkĩla inie namwikyanisa lyakĩNzua nalĩkoolĩ kuKolinto, kuaasio naalĩ eeligue mwa kĩKilisito Yesu, nalĩ ĩĩtue atũle eelu, palumuĩ nĩaasio tũlũ naakulĩkulagyaa ĩliina lya kĩShekulu wĩĩtu Yesu Kilisito tũlũ pensi, Shekulu waao kangĩ wĩĩtu.

1 Akolinto 10:17

Kunsooko ĩkĩgao ingĩ kĩmuĩ, ishie nakwĩiingĩ kwĩmuĩlĩ umuĩ; kuitĩ tũlũ kukukamantanaa mukĩgao kĩĩkio kĩmuĩ.

1 Akolinto 9:23

Nineene nitenda izi tũlũ zensi kunsooko ya Mpola na Nziiza nkamantane palumuĩ ndĩo.

2 Akolinto 1:7

Nuulaaĩĩli wĩĩtu kunsooko yaani ingĩ ukamũ; kumanile kĩna iio-iioo namukoolĩ muukamantani wa waagi waasio, iio-iioo mukamantĩĩne numuupumbulio waasio.

2 Akolinto 9:13

Muugemua wa wĩtumi waasio mukakumukulia uNzua kunzĩla ya wĩniinupia waani, pĩna mwigomba iMpola na Nziiza za kĩKilisito, nukunsooko ya ukende wa ukamantani waani kumiao nukuantu tũlũ;

Aepeso 3:6

nduo ntuu, ĩa ndugu nazĩngĩ ingĩ asaali palumuĩ nindiishie, nĩndĩo akoolĩ mumuĩlĩ umuĩ, akamantani palumuĩ nindiishie ilyago mwa kĩKilisito Yesu kunzĩla ya Mpola naNziiza.

Aepeso 4:1

Luulo gua numupeepilie inie, ĩne nanumutũngua mwa kĩShekulu, mugendele kĩna ijĩpĩĩle uwĩĩtua waani naalĩ muĩĩtĩlue.

Aepeso 4:4

Ukoolĩ umuĩlĩ nuMuau umuĩ, kĩna iio alĩ muĩĩtue kuulaaĩĩli umuĩ wa wĩĩtua waani;

Apilipi 3:14

nĩambukĩlĩĩlie, mpikĩĩle paukopelio wa mpĩĩla, ndigie ĩkĩpeegua kya wĩĩtua wa kukiania wa kĩNzua mwa kĩKilisito Yesu.

Akolosai 1:12

Sunga ĩmukumusongelia uTata, naalukũjĩpĩĩlie kwikamantana muusaali wa eelu muweelu.

Akolosai 1:22

mumuĩlĩ wa kĩuntu kiakue, kunzĩla ya nkia yaakue, koona wamuleete inie ntongela yaakue mwĩeelu, muagila kakĩlema sunga kimyelo,

Akolosai 3:12

Luulo gua, inie asaagulua a kĩNzua, eelu nĩaloogua, jialĩ ĩnkolo ya kĩsuusu, untu nauuza, wĩniinupia, upolo ugigimĩlia.

1 Atesaloniki 2:12

mugendele kĩna ijĩpĩĩle kumiani kwa kĩNzua nukumuĩta mũingĩle muutemi waakue nuukulu waakue.

1 Atesaloniki 5:27

Namulapia kwa kĩShekulu, asomelue ĩanũna tũlũ ĩmbalua ĩĩ.

2 Atesaloniki 1:11

Luulo, kukumulompeelaa inie intondo tũlũ, koona uNzua wĩĩtu wamũjĩpĩlie kuwĩĩtua waani, wakondeelie tũlũ yensi ya nsula nanziiza nuutendi wensi wa usuĩĩli kungũlũ zaakue.

2 Atesaloniki 2:14

naalumuĩtĩĩle iinie kunzĩla ya Mpola na Nziiza nakutanantilie, koona muligie uukulu wa kĩShekulu wĩĩtu Yesu Kilisito.

1 Timoteo 6:12

Wĩsinke ulugu nauuza wa usuĩĩli; tyapĩkia uupanga wa kalĩ nakalĩ naalĩ umuĩtĩlue, nukũmuula akũmuuli nauuza ntongela ya ukuĩli iingĩ.

1 Timoteo 6:2

Nĩaasio naatĩĩte iishekulu naakumusuĩĩla uNzua, aleke kuamela kunsooko aazaa ĩkĩnũna, taazu aatumĩlĩkie kunsooko aasio naakuanũnkulaa ĩnsaĩlo ya mulĩmo waao aazaa asuĩĩli nĩaloogua. iMpola izi uzimanie, nukũshugula.

2 Timoteo 1:9

Uyo alukugũnile nukukuĩta kuwĩĩtua naweelu, sika kwilika lya utendi wĩĩtu, ĩpa kwilika lishiio liakue umuene nuukende waakue, nalĩ kuapeegue ishie mwa kĩKilisito Yesu kwipũna ĩkalĩ,

2 Timoteo 2:7

Zishĩĩgĩkie izi nanitambula, kuitĩ ũShekulu ukakukupeela ulĩngi mumpola tũlũ.

Aebulania 10:19

Luulo gua anũna aane, kunsooko kutĩĩte ukamatĩkũ wa kuingĩla Pana yeelu kunzĩla ya mugali wa kĩYesu,

Aebulania 10:21

kangĩ kunsooko kutĩĩte umupolia namukulu mumpola za numba ya kĩNzua;

Aebulania 10:23

Kuambĩĩlĩkie uukũmuuli wa ulaaĩĩli wĩĩtu, ulekipĩluka; kuitĩ uyo naalulagile ingĩ wa usuĩĩli.

Aebulania 13:22

Ĩpa itĩ numupeepilie anũna aane, tegeelĩ gua ulukaani luane lwa usugulua, kuitĩ namuandĩkĩla kunkaani nkeei.

Aebulania 2:11

Kuitĩ uyo nukuelagiaa nĩndĩo naeeligue tũlũ gaa apũnile kumuĩ. Kunsooko ĩĩ sikukukolaguaa kansoni kukuĩĩta anũna,

Aebulania 2:17

Luulo gua, alĩ yumũjĩpĩĩle kukĩpianĩkĩĩligua nĩanũna aakue mumpola tũlũ, watũle mupolia namukulu, mukola kĩnishungu kangĩ musuĩĩli muwĩtumi tũlũ pa kĩNzua, koona waĩpolelie ĩmĩlandu ya antu.

Aebulania 3:12

Ĩkendegeelĩ, anũna aane, ilekitũla mumiani kaumuĩ nutĩĩte ĩnkolo nambĩĩ nya kusiitishuĩĩla, nya kumuleka uNzua namupanga.

Aebulania 3:14

Kuitĩ kualĩĩ akamantani a kĩKilisito kanga kũtyapĩkie uukamatĩkũ wĩĩtu wa muandio sunga kumpelo,

Aebulania 6:20

muasio muumo naalĩ wingĩĩle ũYesu umutongeeli kunsooko yĩĩtu, naalutũlile mupolia namukulu ĩkalĩ nakalĩ kwilika lya kĩMelikizedeki.

Aebulania 7:26

Kuitĩ alĩ ijĩpĩĩle ishie kutũle numupolia namukulu kĩna uyu, namuelu namugila kaubĩĩ, namugila kibyado, naalĩ mukamatulue nĩanamĩlandu, nunansulua kukiania igyulu.

Aebulania 7:28

Kuitĩ uUlagĩĩlio ukuaĩĩkaa ĩantu naatĩĩte uneketũ atũle apolia naakulu; ĩpa ulukaani lwilyapo naalĩ lwijile kunũma ya Ulagĩĩlio lwamuĩĩkile uMuana namukamĩnkĩĩlũ sunga ĩkalĩ nakalĩ.

Aebulania 9:11

Ĩpa itĩ uKilisito, pĩna nwigyelela zĩ mupolia namukulu wa mpola nanziiza nazijiliiiza, ĩpaasio kunzĩla iHyeema nikyulu, kangĩ nikyamĩnkĩĩlũ nangũlũ, nasikijĩpigue kumĩkono, ndogolelio yaakue, nasika lya unkũmbigyulu uu;

Aebulania 9:15

Iio gua uyo ingĩ mukamantania wilyago nĩpia, koona naalĩ ĩĩtue aanũnkule ilyago lya usaali wa kalĩ nakalĩ, kunsooko nkia naĩtendeka nĩakomola kwipũna muutimu naalĩ utendekile nsĩlĩlĩ ilyago lya muandio.

1 Petelo 2:9

Ĩpa inie mwĩluuli nalusaagulue, mwĩ apolia a kĩtemi, mwĩndugu nanzelu, mwĩnsao za kĩNzua, mukũmuukie ulukũmo luakue nalumuĩtile mupũne mukiiti mũingĩle muweelu waakue wa ukulĩlua.

1 Petelo 3:5

Kuitĩ iio alĩ ĩkĩoogeelagiaa ĩasungu naeelu a kalĩ naalĩ amusanilie uNzua, naalĩ ĩniinupilĩe paagoosia aao.

1 Petelo 5:1

Naapeepia ĩAnampala naĩĩlĩ kunsiani, ĩne nanuMunampala mĩaao numukuĩli wa waagi wa kĩKilisito numukamantani wa ukulu naukikũnukulua pembele;

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

1 Yohana 1:3

Naalĩ kuuoonie nukwiiigia kukumutanantĩlia inie; koona muligie uukamantani palumuĩ nindiishie, nuukamantani wĩĩtu ingĩ palumuĩ nuTata nuMuana waakue ũYesu Kilisito.

Yuda 1:1

Yuda nanĩmwĩtumi wa kĩYesu Kilisito, munũna wa kĩYakobo, kuinie namuĩĩtue, namualoogue mwa kĩNzua Tata nukwikendegeelua mwa kĩYesu Kilisito.

Ukũnukulua 17:14

Ĩa ĩkakĩkua ulugu nuMuana-nkolo, nuMuana-nkolo ukakuadula, kunsooko uyo ingĩ Shekulu wa ishekulu, kangĩ Mutemi wa atemi; nĩndĩo naĩensi nunduyo, aao ĩĩtue, kangĩ asaagulue, kangĩ asuĩĩli.”

Ukũnukulua 18:20

Lumbĩkiĩ, ee gyulu, nĩeelu, nĩaatumua, nĩanakĩdagu; kuitĩ uNzua walamuĩle ulamuli waani mumuakue!”