Aebulania 13:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Mulekikenkeeligua nuumanigua nawĩngĩ-wĩngĩ nawa kĩgenda. Kuitĩ iiza ĩnkolo ĩkamĩnkĩĩligue kuukende, sika kumiiko ya ndia, ĩaasio naalĩ aĩtiatile ĩniasio sika naaligia kansaĩlo.

Aebulania 13:9 ပူးပေါင်းရင်းမြစ်များ

Matayo 24:24

Kuitĩ mĩkakigyelela maKilisito ma ulongo, nĩmanakĩdagu ma ulongo; ndazo mikitenda ilĩngasĩĩlio ikulu nĩmakula, nukukualimĩĩlia malĩĩ ishũũmikile, sunga ĩasaagulua.

Matayo 24:4

ũYesu nuashookeelia, nuaĩĩla, “Kengealĩ, muntu wensi waleke kumupembeelia.

Luka 5:38

Ĩpa umubinioo namupia utaagĩlue mũyĩndĩ ya ndĩlĩ naipia.

Utendi 20:30

Sunga pakatĩ yaani antu ĩkakigyela iitambula ĩza ulimĩĩli, aalũte ĩamanigua akamantane nĩndĩo.

Utendi 20:32

“Ĩpaino namuĩĩkaa mumĩkono ya kĩNzua numulukaani lwa ukende waakue nalusũũmile kukumuzenga nukukumupeela uusaali palumuĩ nĩndĩo ensi naeeligue.

Alumĩ 14:17

Kuitĩ uutemi wa kĩNzua sika kwilĩa nikwikopa, ĩpa ingĩ kulukuuluu nĩmatiliga nuulumbi mwa kĩMuau Muelu.

Alumĩ 14:2

Umuĩ nutĩĩte usuĩĩli ukulĩaa yensi, umuua namumeketũ ukulĩaa inani udũũ.

Alumĩ 14:6

Uyo nukuluutaa ulutondo, ukuluutaa kwa kĩShekulu; ninduyo nukulĩaa, ukilĩaa kwa kĩShekulu, kuitĩ ukumusongelagiaa uNzua; kangĩ nasikukulĩaa, sikukulĩaa kwa kĩShekulu, nduyo gaa ukumusongelagiaa uNzua.

1 Akolinto 6:13

“iNdia ingĩ kundaa, nĩndaa ingĩ kundia,” ĩpa uNzua uzilioonoona tũlũ. uMuĩlĩ gua sika kuugololia, ĩpa ingĩ kwa kĩShekulu, nũShekulu ingĩ kumuĩlĩ.

1 Akolinto 8:8

Kuitĩ india sika zukukulegelagia uugombigua kwa kĩNzua; kuluulo, kanga kwilĩa sika kukongeelagiguaa kakĩntu, nĩkanga kusiitilĩa sika kukukeepeelaguaa kakĩntu.

2 Akolinto 1:21

Kuitĩ uyo nukukukamĩnkĩĩlagiaa palumuĩ nininiie mwa kĩKilisito, nukukukupaka ĩmakũta iingĩ uNzua;

Agalatia 6:1

Anũna aane, muntu kanga wigyelele wagua muutimu wensi, inie namwa kĩnkolo, mumushookie kunkolo ya upolo; ĩpa ue wĩsukuke, ulekigemua nunduue gaa.

Aepeso 4:14

koona kulekitũla aana atakata, kangĩ ĩkwigumua kunu nukunu nukwikenkua kunzega zensi za mamania kuupembeelia wa antu, kuwĩsukukia naubĩĩ, ĩkwitiata ĩmiena ya ulimĩĩli.

Aepeso 5:6

uMuntu waleke kumupembeelia kumakaani namagila kandogolelio; kunsooko ya aya uutaki wa kĩNzua ukuaagaanaa ĩaana a uleki.

Akolosai 2:4

Naũga ulukaani ulu, kaumuĩ waleke kũmupũũtia kumakaani ma upembeelia.

2 Atesaloniki 2:17

wamupumbulie inkolo zaani, sunga kukumukamĩnkĩĩlia muutendi wensi nauuza nulukaani luensi naluuza.

2 Atesaloniki 2:2

Mulekishũngũsigua kuukaaũ mwishala liani nukwitunduala, kanga yĩĩ kunkolo katia kulukaani, katia kumbalua nansĩĩgilue kĩna yĩĩtu, ya kĩna uLutondo lwa kĩShekulu lwapikaa.

1 Timoteo 6:20

Ue Timoteo, ĩmbĩĩka naalĩ mbĩĩkue kumuako, umĩlindĩĩle! Wĩnege ninkaani nasika za wĩtekeli, naangila kandogolelio, ninkungumi za mĩlimu naasika mĩlimu ya tai;

1 Yohana 4:1

Aloogua, mulekishuĩĩla ĩnkolo zensi, ĩpa zigemĩ inkolo kanga ĩzipũnile kwa kĩNzua; kunsooko ĩanakĩdagu aulongo iingĩ igyelelaa muna unkũmbigyulu.

Yuda 1:12

ĩAasio ingĩ mabado pandia zaani za kĩsuakĩĩa, pĩna ilĩa ensi niniinie naĩkĩlĩĩsia kuulakũ agila kaooa, naĩkĩsĩĩgĩla impola zaao udũũ. ĩAasio ingĩ malũnde namagila kamaazĩ namakenkue nĩnzega; ingĩ makota namalagĩĩlie ĩmalũka, namagila kankali, namakiile kabĩlĩ nukwikuulua zigi-zigi.

Yuda 1:3

Aloogua, pĩna alĩ nĩkakilie kuukamatĩkũ dũũ kukumuandĩkĩla iMpola za ugũnua wĩĩtu ishie tũlũ, alĩ naonaa kĩna injĩpĩĩle kukumuandĩkĩla numupeepie muusinkĩlie uusuĩĩli naali uupunilie uNzua ĩkamui kwieelu.