Aebulania 13:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ wamusũũmĩkie muutendi wensi nauuza koona mutende uulooa waakue, nduyo wĩtume munsĩ yaani nalukuloeelagiaa ntongela yaakue kunzĩla ya kĩYesu Kilisito; kumuakue nawĩĩ ukulu ĩkalĩ nakalĩ. Amini.

Aebulania 13:21 ပူးပေါင်းရင်းမြစ်များ

Matayo 12:50

Kuitĩ wensi nukutendaa uulooa wa kĩTata waane nwa kwigyulu, nuasio uuyo munũna waane, numugũlĩ waane, numaau waane.”

Matayo 21:31

Muĩa naabĩlĩ, nuĩmbi naalutendile uulooa wa kishee?” Naaũga, “Nwa mwandio.” ũYesu nuaĩĩla, “Tai namuĩĩla, ĩasangulia-koodi nĩagololia atongĩĩle kuntongela yaani kwiingĩla muutemi wa kĩNzua.

Matayo 28:20

ĩmukuamania aziambe tũlũ zensi naalĩ numulagĩlĩĩlie inie. Laaa ĩne nkoolĩ palumuĩ niniinie intondo tũlũ zensi, sunga kumpelo ya unkũmbigyulu.”

Matayo 6:13

Uleke kukutuala muugemua, ĩpa ukugũne kumubĩĩ, Kunsooko uutemi ningũlũ nuukulu ingĩ waako sunga ĩkalĩ nakalĩ. Amini.

Matayo 7:21

“Sika wensi nukumbuĩla, ‘Shekulu, Shekulu,’ nũjiliingĩla muutemi wa kwigyulu; ĩpa wayu dũũ nukuutendaa uulooa wa kĩTata waane nwa kwigyulu.

Yohana 17:23

Ĩne munsĩ yaao nunduue munsi yaane, koona atũle akamatĩkũ muumuĩ, uunkũmbigyulu umane kĩna uue alutumile, nualoogua ĩa kĩna alundoilue ĩne.

Yohana 7:17

Wensi kanga waloogue kwitenda uulooa waakue, ukakuulĩnga uumanigua uu, kĩna upũnile kwa kĩNzua katia nĩkĩtambulĩlia ning'ene.

Alumĩ 11:36

Kuitĩ iintu tũlũ yukupũnaa kumuakue, ikoolĩ kuusũũmi waakue, kangĩ ishookile kumuakue. uUkulu wĩĩ kumuakue ĩkalĩ nakalĩ. Amini.

Alumĩ 16:27

Muene uNzua munamasala wing'ene dũũ. uUkulu wĩĩ kumuakue mwa kĩYesu Kilisito. ĩkalĩ nakalĩ. Amini.

2 Akolinto 9:8

NuNzua usũũmile kukumũjulia uukende tũlũ kuwingĩ, koona niniinie muĩ niintu tũlũ nayendile muumo intondo tũlũ, sunga kukumũjulia inie kuutendi nauuza tũlũ,

Agalatia 1:5

Ukulu wĩĩ kumuakue sunga ĩkalĩ nakalĩ Amini.

Aepeso 2:10

Kuitĩ kwĩmulĩmo waakue, alĩ kuaumbue mwa kĩKilisito Yesu kutende utendi nauuza, uo uNzua naaluzĩpĩĩlĩĩlie kwipũna umuandio, kugendele muwaasio.

Aepeso 2:18

Luulo gua, kunzĩla yaakue ishie nakuabĩlĩ kwaligagiaa nzĩla ya kumusũgamĩĩla uTata kwa kĩMuau umuĩ.

Apilipi 1:11

Mũjuligue inkalĩ za kulukuuluu kunzĩla ya kĩYesu Kilisito, kuukulu nulukũmo lwa kiNzua.

Apilipi 2:11

lulĩmĩ luensi lukũmuule ya kĩna ũYesu Kilisito ingĩ Shekulu, kuukulu wa kĩNzua Tata.

Apilipi 2:13

Kuitĩ ingi Nzua muene nukĩtumaa umulĩmo munsĩ yaani, kwishiia kumiani sunga kwitenda kumiani kwilika lya ulooa waakue nauuza.

Apilipi 4:13

Nĩzishũũmile tũlũ kwa kĩuyo nukumpeela ingũlũ.

Apilipi 4:18

Ntĩĩte intu tũlũ nukwikĩlĩkĩĩla, nijuilie ndee, pĩna alĩ naanũnkuĩle kumukono wa kĩEpapulodito iintu naalĩ ipũnile kumiani zĩ munũnku namuuza, sadaka nya ugombigua, nĩmuloelĩĩlie uNzua.

Akolosai 3:17

Luensi namukulutenda kulukaani katia kuutendi, tendĩ tũlũ muliina lya kĩShekulu Yesu, ĩmukumusongelia uNzua Tata kwa kĩuyo.

Akolosai 3:20

Inie aana, akuliĩ ĩaleli aani mumpola zensi, kuitĩ ulukaani ulu luloelĩĩlie kwa kĩShekulu.

Akolosai 4:12

uEpafula nwa kunsiani, mwĩtumi wa kĩYesu, ukumulamukia; ukĩkamatĩkagiaa intondo tũlũ kunsooko yaani muulompi waakue, koona muĩmĩke ke, akamĩnkĩĩlũ, mulĩngĩkie uulooa tũlũ wa kĩNzua.

1 Atesaloniki 3:13

Itĩ yoi wazĩtende inkolo zaani zitũle nkamũ, ĩmuagila kishokio muweelu ntongela ya kĩNzua Tata wĩĩtu, pĩna ũjiliiiza ũShekulu wĩĩtu Yesu palumuĩ nieelu aakue tũlũ.

1 Atesaloniki 4:3

Kuitĩ uu wauu uulooa wa kĩNzua, kwieeligua kumiani, mwĩsuga-nsuge nuugololia;

1 Atesaloniki 5:23

uNzua wa matiliga muene wamuelekie; niniinie, inkolo zaani nĩmioo yaani nĩmiĩlĩ yaani mulindĩĩlue muĩ akapanga, ĩkutilĩ kishokio pityũngo pĩna ukiiiza ũShekulu wĩĩtu Yesu Kilisito.

2 Atesaloniki 2:17

wamupumbulie inkolo zaani, sunga kukumukamĩnkĩĩlia muutendi wensi nauuza nulukaani luensi naluuza.

1 Timoteo 1:17

KuMuteni wa kalĩ nakalĩ, nasikukuonaa uoononeki, nasika wigyĩĩle, uNzua wing'ene dũũ, kumuakue liĩ kyulio nuukulu ĩkalĩ nakalĩ, kutilĩ kampelo.

1 Timoteo 5:10

namukuĩlue kuutendi nauuza, kanga alĩ mukendegeelaana, kanga alĩ musũgamĩĩlia agenda, kanga alukioogagiaa, ĩeelu ĩmũgulu, kanga aluukuaalĩĩlagiaa naakuagagiguaa, kanga aluutiatile utendi wensi nauuza.

1 Timoteo 6:16

Uyo wing'ene udũũ mumuakue kutilĩ kaukiu, nwikyalile muweelu nasika ukusũgamĩĩlaguaa, sunga kutilĩ kaumuĩ naalumuoonie, katia nusũũmile kukumuona. Uyo kumuakue liĩ kyulio nuukulu wa kalĩ nakalĩ. Amini.

2 Timoteo 3:17

koona muntu wa kĩNzua watũle mukamũ, mukamĩnkĩĩligue kuutendi wensi nauuza.

2 Timoteo 4:18

ũShekulu ukindeegia kwipũna muubĩĩ wensi nukwingũna kuutemi waakue wa kwigyulu. Kumuakue wĩĩ ukulu ĩkalĩ nakalĩ. Amini.

Aebulania 10:36

Kuitĩ ĩmũjĩpĩĩle muĩ nuugigimĩlia, koona pĩna mwatenda uulooa wa kĩNzua, muanũnkule naalĩ mualagĩlue.

Aebulania 12:23

nukumulundo wa alelua a muandio naandĩkue kwigyulu nukwa kĩNzua, mulamuli wa tũlũ ensi, nukunkolo za antu a kulukuuluu naatũlile akamĩnkĩĩlũ,

Aebulania 12:28

Luulo gua, kuitĩ kukuwaanũnkulaa uutemi nasika usũũmile kwishũngũsigua, nakutũle nĩmasongelio, kangĩ kumupũnilie uNzua wĩtekeli wa kumuloeelia, palumuĩ nikyulio nuooa.

Aebulania 13:16

Ĩpa itĩ mulekiĩĩwa kwitenda naiiza nukwikamantana, kuitĩ ĩmapũnio kĩna aya makumuloeelagiaa uNzua.

1 Petelo 2:5

Inie ni niinie zĩ magũe namapanga muazengue muĩ numba ya kĩnkoolo, muĩ apolia naeelu, muleete ĩmapũnio ma kĩnkoolo namagombigue nuNzua kunzĩla ya kĩYesu Kilisito.

1 Petelo 4:2

itĩ pantondo nazishaagile za kikyala muna nsĩĩ, walekigendela munsula a kĩuntu, ĩpa muulooa wa kĩNzua.

2 Petelo 3:18

Ĩpa mukule muukende nukukumumana ũShekulu nuMugũni wĩĩtu Yesu Kilisito. Ukulu wĩĩ kumuakue ĩpaino sunga kulutondo lwa kalĩ nakalĩ. Amini.

1 Yohana 2:17

Nuunkũmbigyulu wikĩla palumuĩ ninshula zaakue, ĩpa unuasio nukutendaa uuloogua wa kĩNzua ukikyalaa sunga kalĩ nakalĩ.

1 Yohana 3:22

kangĩ luensi nakulompile, kukuluanũnkulaa kumuakue, kunsooko kukendegelĩĩle ĩmalagĩĩlio maakue nukwitenda nazĩmuloelĩĩlie pamiiso maakue.

Yuda 1:25

muene Nzua wing'ene Mugũni wĩĩtu mwa kĩYesu Kilisito ũShekulu wĩĩtu ukulu wĩĩ kumuakue, nuutemi ningũlũ, nuusũũmi kwipũna ĩkalĩ, nunzuauu, sunga ĩkalĩ nakalĩ. Amini.

Ukũnukulua 4:6

nĩpantongela ityengu lya kĩtemi alĩ ĩkoolĩ zĩ mpiani ya nanza ya kĩlolelo nakimĩlĩmĩnta.

Ukũnukulua 5:13

Nĩkĩumbe kiensi nakiĩlĩ mwigyulu numuna nsĩĩ numunsĩ ya nsĩĩ numunanza, niintu tũlũ yensi naikoolĩ mumuakue, naniigia naiũga, “Ukũmazukia nikyulio nuukulu nuusũũmi wĩĩ kumuakue uyo nwikyalansile mwityengu lya kĩtemi, nukuMuana-nkolo sunga ĩkalĩ nakalĩ!”

Ukũnukulua 5:9

Ndĩo Iĩmba liĩmbo pia, naiũga, “Wijĩpĩĩle ue kukumĩsola ĩmbũgũlũ nukukuĩunanga ĩmĩntoozo yaakue; kunsooko umuulague, nukumugali waako numugulĩlia uNzua ĩantu kwipũna muluuli luensi, nĩntambo, nĩantu, nĩndugu,