Aebulania 12:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Kuitĩ mumusĩĩgĩkie uyo naalugigimĩĩlie inkungumi kĩna izi nazipũnile kuanamĩlandu kumuakue, koona mulekikatala, ĩmwineketa munkolo zaani.

Aebulania 12:3 ပူးပေါင်းရင်းမြစ်များ

Matayo 11:19

uMuana-muntu alũjile, nwilĩa nukwikopa, naaũga, ‘Laaĩ, mulakũ uyu, kangĩ mukopekia mubinio, musuamuua wa asangulia-koodi nĩanamĩlandu! Nĩmasala migyelĩĩle kĩna makulukuuluu kuutendi waakue.’”

Matayo 12:24

Ĩpa ĩApalisayo pĩna naiigia, naaũga, “Uu usũũmi wa kĩBelizebuli udũũ umukulu wa masĩĩmuĩ, umuntu uyu wiĩnga ĩmasĩĩmuĩ.”

Matayo 15:2

“Nĩkĩ ĩamanigua aako akuzitimulĩlaa intendo za anampala? Kunsooko sika akukalalaa ĩmĩkono pĩna aakiilĩa.”

Matayo 21:23

Pĩna nũingĩla muNumba ya kĩNzua ĩapolia naakulu nĩanampala a antu naamuagaana pĩna alĩ wimania, naaũga, “Kuusũũmi kĩ ukutendaa aya. Kangĩ waani naalukupĩĩle uusũũmi uu.”

Matayo 21:46

Pĩna naiikunga amuguĩle, naamoopoka ĩmaũmbĩ, kunsooko alĩ mamuoonie kĩna munakĩdagu.

Matayo 22:15

Paapo ĩApalisayo naalongola naakomia ĩkialo kya kumutega munkaani zaakue.

Luka 14:1

Palutondo lwa wikyali pĩna nũingĩla munumba ya muntu umuĩ nwa akulu a Apalisayo walĩe india, alĩ amukũsĩĩle.

Luka 15:2

ĩApalisayo nĩalangi naĩĩ kĩulũnga naaũga; “uMuntu uyu ukuasũgamĩĩlagiaa ĩanamĩlandu, kangĩ nulĩaa ensi nĩndĩo.”

Luka 16:14

ĩApalisayo naalĩ alogua mpiia, pĩna naigyũlia ĩzaasio tũlũ, naamumela.

Luka 2:34

uSimoni nuakembeta, numuĩĩla uMalia unina, “Laaa, uyu waĩĩkaguaa iingĩ ague, iingĩ ĩĩmĩke mu Ĩsilaeli, ukitũla kĩlĩngasĩĩlio nakĩkikungumigua ibĩĩ

Luka 5:21

Naandia ĩalangi nĩApalisayo kukĩsĩĩgia, naaũga “Aauyu waani nwitambula inkaani za utuki? Waani nusũũmile kwileegelania ĩmĩlandu isiititũla uNzua wing'ene udũũ.”

Yohana 10:20

ĩĨĩa naaũga, “munalĩsĩĩmuĩ, kangĩ wasalile, nĩkĩ mukumutegeela.”

Yohana 18:22

Pĩna nutambula izi umuĩ wa ĩtumi naaluĩmĩkile paasio numukua ũYesu lupĩĩ, nuũga, “Iione ukumushookeelia umupolia namukulu?”

Yohana 5:16

Luulo gua, ĩAyahũdi naamuagia ũYesu kunsooko alutendile izi palutondo lwa wikyali.

Yohana 7:12

Na wĩĩ wĩng'ũng'ũntia wingĩ mumulundo kunsooko yaakue ĩĩĩa naaũga, “Muntu muuza,” ĩĩĩa naaũga, “Zũi, ĩpa ukualimĩĩlia ĩantu.”

Yohana 8:13

Iio gua ĩApalisayo naamuĩĩla, “Ue wĩkuĩlĩĩle wing'ene; uukuĩli waako sika wa tai.”

Yohana 8:52

ĩAyahũdi naamuĩĩla, “Ĩpa kwalĩnga kĩna umunalĩsĩĩmuĩ ue. uIbũlahimu nukia nĩanakĩdagu, ninduue wiũga, Tũlũ wensi kanga wakendegeele ulukaani luane sika ukilũla kaukiu sunga ĩkalĩ nakalĩ.

Yohana 8:59

Paapo naasola ĩmagũe amusũtie. ũYesu nwĩpisa nulega muNumba ya kĩNzua.

Yohana 9:40

ĩApalisayo naalĩ yĩensi ninduyo naiigia izi, naamuĩĩla, “Kuapokũne sunga nindiishie?”

1 Akolinto 15:58

Kuluulo gua anũna aane aloogua, mutũle akamu mulekishũngũsĩka, mwĩongeelekie kwitenda umulĩmo wa kĩShekulu intondo tũlũ zensi, mumanile kĩna mwa kĩShekulu umulĩmo waani namukakũ sika nakanda.

2 Akolinto 4:1

Iio kunsooko kuapeegue uwĩtumi uu kĩna kuakolelue kĩnishungu, sika kwitia kansula.

2 Akolinto 4:16

Kuitĩ sika kwitia ĩnsula; kanga uuntu wĩĩtu wakunzĩ ukulupale, uuntu wĩĩtu wa munsĩ ukutendaguaa upia lutondo kulutondo.

Agalatia 6:9

Kulekikatala kwitenda naiiza gua, kuitĩ pityũngo liakue kukiogola kanga kulekitia nsula.

2 Atesaloniki 3:13

Inie gua anũna aane, mulekikatala kwitenda namaaza.

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

Aebulania 12:5

Kangĩ muĩaguaa nkankanaa, uulangua naukĩtambuĩlaa niniinie zĩ aana, “Muanuane, uleke kuumela uulangua wa kĩShekulu, kangĩ ulekineketa munkolo pĩna witakĩlua ninduyo.

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

1 Petelo 2:23

Uzo pĩna alĩ witukua sika alushookelĩĩlie kaituki; pĩna alĩ wiaagigua sika aluopokilie, ĩpa alĩ wĩĩĩkile kumuakue uyo nukulamulaa kukulukuuluu.

Ukũnukulua 2:3

kangĩ nugigimĩlia, nukunsooko ya liina liane ukuagagiguaa, sika nukatala.