Aebulania 12:23 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²³ nukumulundo wa alelua a muandio naandĩkue kwigyulu nukwa kĩNzua, mulamuli wa tũlũ ensi, nukunkolo za antu a kulukuuluu naatũlile akamĩnkĩĩlũ,

Aebulania 12:23 ပူးပေါင်းရင်းမြစ်များ

Luka 10:20

Ĩpa mulekilumba yaasio kĩna ĩmasĩĩmuĩ makumugombia, ĩpa lumbĩ kunsooko ĩmiina maani mandĩkue kwigyulu.”

Yohana 5:27

Numupeela uusũũmi kwilamula, kunsooko ingĩ Muana-muntu.

Utendi 20:28

ĩkendegeelĩ uniinie akola, nidyale liensi paasio pĩna uMuau Muelu umuĩĩkile inie muĩ akendegeeli, mulĩdĩĩme ikyanisa lya kĩNzua naalĩ wĩligĩĩlie kumugali waakue umuene.

1 Akolinto 13:12

Kuitĩ unzuauu kwiona zĩ mukĩlolelo kunzĩla ya ung'enua; ĩpa pityũngo liasio usiu kuusiu; unzuauu nĩngile kwityũmpĩ udũũ; ĩpa pityũngo liasio nijililĩngĩkia kĩna iio naalĩ numulĩngĩkigue.

1 Akolinto 15:49

Kĩna iio naalĩ kumĩsolile ĩmpiani yaakue uyo nwaulongo, iio-iioo kwijilishola ĩmpiani yaakue uyo nwakwigyulu.

1 Akolinto 15:54

Ĩpa gua uu wakoononeka pĩna ukijiala usiitioononeka, nunduu wa kukia pĩna ukijala usiitikia, ĩpaasio paapo lukikondeeligua ulukaani naalĩ luandĩkue, “Ukiu wamĩlaguaa muuduli.”

2 Akolinto 5:8

Kutĩĩte nkolo nkamũ gua, taazu kuleke kikyala mumiĩlĩ nukukikyala ensi nũShekulu.

Aepeso 1:22

Nuĩĩka iintu tũlũ nsĩlĩlĩ ya mĩgulu yaakue, numuĩĩka watũle tyũe mũintu tũlũ yensi kunsooko ikyanisa,

Apilipi 4:3

Ninduuwegaa mĩaane wa tai, nukulompile wĩaalĩĩlie ĩasungu aasio, kuitĩ alĩ ĩkamatĩkilie muMpola na Nziiza palumuĩ nineene, nuKelemensi nduyo, nĩaasio naĩngĩ naalĩ ĩkĩtumaa umulĩmo palumuĩ nineene; aao namiina maao makoolĩ mumbũgũlũ ya upanga.

Akolosai 1:12

Sunga ĩmukumusongelia uTata, naalukũjĩpĩĩlie kwikamantana muusaali wa eelu muweelu.

Akolosai 1:24

Ĩpaino nilumbĩĩlia uwaagi nanuutĩĩte kunsooko yaani, kangĩ nikijulĩĩlia waasio naukeepukile muwaagi wa kĩKilisito mumuĩlĩ waane, kunsooko ya muĩlĩ waakue nduo ikyanisa liakue.

1 Timoteo 3:5

wensi nasikumanile kwikendegeela ĩnumba yaakue umuene, ukishũũma mbii kwikendegeela ikyanisa lya kĩNzua.

Aebulania 11:4

Kuusuĩĩlĩ uAbeli alumupũnĩĩlie uNzua ipyolia naliiza kwikĩla ĩlya kĩKaini; kunzĩla ĩĩ nukuĩlua kĩna munakulukuuluu; uNzua nuikuĩla iipeelo yaakue nukukuĩgomba ninduyo angaa wakiile noo, ĩpa kunzĩla ya uusuĩĩli waakue kilĩ witambula.

Aebulania 11:40

kuitĩ uNzua alĩ watongelĩĩle kukukuĩĩkĩlia ishie ulukaani naluuza nangũlũ, koona pĩna kukutilĩ ishie, ĩaasio alekitũla akamĩnkĩĩlu.

Aebulania 2:12

nwiũga, “Nikitanantia ĩliina liako kuanũna aane, pakatĩ ya mulundo nĩkakukuĩmbĩla ulukũmo luako.”

Aebulania 9:27

Nĩkĩna iio ĩantu naaĩĩkĩligue kwikia kamuĩ, pembele ulamulua ukoolĩ,

Yakobo 1:18

Kuuloa waakue alukulelile ishie kulukaani lwa tai, kutũle zĩ nkali za muandio muiumbe yaakue.

1 Petelo 2:23

Uzo pĩna alĩ witukua sika alushookelĩĩlie kaituki; pĩna alĩ wiaagigua sika aluopokilie, ĩpa alĩ wĩĩĩkile kumuakue uyo nukulamulaa kukulukuuluu.

Ukũnukulua 13:8

Tũlũ naakikyalaa muna nsĩĩ ĩkakumĩtekela, muntu wensi kanga ĩliina liakue ĩsika liandĩkue mukĩtabũ ĩkya upanga kya Muana-nkolo naalĩ muulague pĩna alĩ ikĩĩlĩ kwiĩĩkua umukulĩla wa nsĩĩ.

Ukũnukulua 14:4

Ĩa awa sika aĩĩkĩlue udobũ wensi palumuĩ nĩakĩĩma kunsooko alĩ eeligue; ĩa awa akumutiatĩĩlaa uMuana-nkolo tũlũ kwensi kĩna ulunjie, ĩa alĩ agulue kwipũna muantu, nduĩ-nduĩ kwa kĩNzua nukwa kĩMuana-nkolo,

Ukũnukulua 20:15

kanga wensi wasiite kigyela muandĩkua mukĩtabũ kya upanga, nutaagua munanza ya mooto.

Ukũnukulua 6:11

Naapeegua wensi waao ntiila ndĩĩpũ nzelu, naaĩĩlua asũũpie kĩlĩ tyũngo niino, sunga pĩna likitimĩĩla iyalo lya ĩtumi ĩa nĩanũna aao naikiulagua zĩ ĩeene.

Ukũnukulua 6:9

Pĩna nuuũnanga ũmuntoozo wakataano, namona nsĩlĩlĩ ya upolelio inkolo zaao naali aulague kunsooko ya lukaani lwa kĩNzua, nukunsooko ya ukuĩli naalĩ akuĩlĩĩle.