Aebulania 12:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ Sunga umuĩ walekitũla musambo katia nasikukumukulagiaa uNzua zĩ uEsau, naalugulilie uusaali wa ulelua wa muandio kuludia lumuĩ.

Aebulania 12:16 ပူးပေါင်းရင်းမြစ်များ

Maliko 7:21

Kunsooko kwipũna mumoo wa muntu makupũnaa masĩĩgo namabĩĩ, ulandĩ, wiii, uulagi,

Utendi 15:20

ĩpa kwĩandĩkĩle ĩsungansuge nuudobũ wa anzegamĩla, nuugololia nĩnama nangogue, nĩmĩgali.”

Utendi 15:29

mwĩsugansuge niintu naipoleligue kuanzegamĩla, nĩmĩgali, nĩnama nangogue, nuugololia. Kanga mwĩgilie niyasio mukitenda iiza. Mulamugua.”

1 Akolinto 10:8

Sunga kulekitenda uugololia kĩna naĩngĩ naalĩ autendile, naagua lutondo lumuĩ ĩantu magana ma nzogũ makumi mabĩlĩ namatatu.

2 Akolinto 12:21

Nineene pĩna nijiliiiza kangĩ, uNzua walekinkolelua inshoni ntongela yaani, nineene nĩaonele uusungu kunsooko ya iingĩ naalĩ atimuĩle ĩmuandĩo nasika apelile muudobũ, nuugololia nuusambo naalĩ autendile.

Aepeso 5:3

Ĩpa itĩ ugololia nuudobũ wensi katia kwiawa, ilekitambulua kumiani kainiino, kĩna yĩijĩpĩĩle ĩeelu,

Aepeso 5:5

Kuitĩ ulukaani luasio mulumanile tai, ya kĩna ukutilĩ umugololia sunga umudobũ sunga nwansula mbĩĩ, (muene nukuatekelaa ĩanzegamĩla,) nutĩĩte uusaali muutemi wa kĩKilisito nuwa kĩNzua.

Akolosai 3:5

Luulo gua, piulagĩ ipitũmpĩ pya miĩlĩ yaani pya muna nsĩĩ, ugololia, udobũ, nsula nambĩĩ, masĩĩgo namabĩĩ, nukwiawa, uuo ingĩ wĩtekeli wa anzegamĩla.

1 Timoteo 1:9

kangĩ walĩnge kĩna uUlagĩĩlio sika umũjĩpĩĩle umunakulukuuluu ĩpa ĩaleki, nĩanakiaka, nĩnasika amoopookile uNzua, nĩanamĩlandu, nĩnasika amukulilie uNzua, nĩadobũ, nĩnaakuulagaa atata nĩamaau aao, nĩaulagi,

Aebulania 13:4

uUtoole naukuligue nĩantu tũlũ, nĩngono nĩtũle nzelu, kuitĩ uNzua akakualamula ĩasambo nĩagololia.

Ukũnukulua 21:8

Ĩpa ĩooa, nĩasiitishuĩĩla nĩasuukĩlia, nĩaulagi, nĩagololia, nĩalaguli, nĩnaakĩtekelaa ĩanzegamĩla, nĩalongo ensi, ityũmpĩ liao liĩlĩ munanza ĩyoo nyukuakĩlaa umooto nĩkĩbiliti-biliti. Ĩĩ yoĩ nkia ya kabĩlĩ.”

Ukũnukulua 22:15

Kunzi zikoolĩ imbua, nĩalaguli, nĩagololia, nĩaulagi, nĩatekela anzegamĩla, kangĩ wensi nuuloogilue ulongo nukukuutenda.