Aebulania 12:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Luulo gua, nindiishie gaa kunsooko kuapilimĩkĩĩligue nilyũnde kyulu lya akuĩli nalyĩkĩna itĩ, nakuujiule umuligo wensi numulandu naukukũtyapikagiaa, nakumankĩkie kuukamatĩkũ muwĩtiganĩĩli waasio nauĩĩkue ntongela yĩĩtu,

Aebulania 12:1 ပူးပေါင်းရင်းမြစ်များ

Matayo 10:22

Mukitũlishuukĩlua nĩantu tulu kunsooko ya liina liane. uNuasio gua nwakugigimĩĩlia sunga ĩmpelo, uuzo ukigũnĩka.

Matayo 24:13

Ĩpa nwakugigimĩlia sunga kumpelo, uuyo ukigũnĩka

Maliko 10:50

Nutaaga ĩntiila yaakue, nupũũta, numuagaana ũYesu.

Luka 12:15

Nuaĩĩla; “ĩsukukĩ, mwĩkendegeele nĩkĩaya, kuitĩ uupanga wa muntu ukutilĩ muwingĩ wa nsao zaakue nutĩĩte.”

Luka 16:28

kunsooko ntĩĩte anũna aane ataano, koona waakuĩle, alekipika ndĩo paluandĩ ulu ulwa luago.

Luka 21:34

“Ĩsukukĩ gua, inkolo zaani zilekilemeeligua nuulakũ nulugaalo nuukunkunali wa uumĩ uu, sunga ulutondo luasio lumuagaane kumpũmpũkĩli zĩ mutego nukuguĩlanagiaa.

Yohana 3:32

Nuzioonie nukukuziigia, ziizo ukuzikuĩlaa; ĩpa kutilĩ nukugombaa uukuĩli waakue.

Yohana 4:39

Numukaa niasio Asamalia iingĩ naasuĩĩla mumuakue kunsooko ya lukaani lwa musungu naalukuĩlĩĩle itĩ, “Alumbuĩlĩĩle tũlũ zensi naalĩ nizitendile.”

Yohana 4:44

Kuitĩ ũYesu umuene nukuĩla kĩna umunakĩdagu mugila kikyulio munsĩĩ yaakue umuene.

Alumĩ 12:12

Kuulaaĩĩli, ĩmwilumbĩĩlia; munzago, ĩmugigimĩĩlie; muulompi, ĩmusikitĩĩle.

Alumĩ 2:7

ĩaasio naakudũũmaa uukulu nikyulio nuusiitioononeka kuugigimĩlia wa kutenda namaaza, ikipeegua upanga wa kalĩ nakalĩ;

2 Akolinto 7:1

Iio gua aloogua, kunsooko kutĩĩte ĩmalago aya, kwĩeelie kwipũna muudobũ wensi wa muĩlĩ nĩnkolo; ĩkwikamĩnkĩĩlia uweeligua muooa wa kĩNzua.

Agalatia 2:2

Nineene nanongola kunzĩla ya kukũnukuĩlua; nanĩalondoselia ĩasio ĩngene naatĩĩte ulukũmo, Impola na Nziza nanikuzitanantagiaa pakatĩ ya ndugu nazĩngĩ, ugendi waane ulekitũla nakanda, katia alĩ nge'ndile nakanda.

Agalatia 5:7

Alĩ mwĩtiganĩlĩĩle naiiza; waani numugilia muleke kumĩgombia ĩtai?

Aepeso 4:25

Luulo gua, ujiulĩ ulongo, mutambule ĩtai, wensi numunakaa waakue, kunsooko kupitũmpi, wensi katũmpĩ ka muua.

Apilipi 1:30

Sunga niniinie mukoolĩ nuwĩsinki wau namuoonie kumuane, nukwiigia ya kĩna ĩne kĩlĩ nkoolĩ muumo.

Apilipi 2:16

pĩna mũtyapile uLukaani lwa upanga, ntũle nĩnsooko ya kĩkũmazukia paLutondo lwa kĩKilisito, ya kĩna uugendi wane sika alĩ nakanda, kangĩ kĩna sika alĩ nĩkĩtumaa kamulĩmo nakanda.

2 Timoteo 2:4

Kutilĩ nukĩtumaa umulĩmo wa wĩlaasi nukĩĩĩka muwĩnzi wa muna nsĩĩ, koona wamuloeelie naalumuandĩkile wĩĩ mwĩlaasi.

2 Timoteo 4:7

Nĩsinkile ulugu nauuza, umusĩnzo naumalĩĩlagiaa, uusuĩĩli naukendegeelaa.

Aebulania 6:15

Iio gua, uIbũlahimu pĩna nugigimĩlia nuona kĩna ilyago nalĩtimĩĩlĩka.

Yakobo 1:3

ĩmulĩngile ya kĩna uugemua wa usuĩĩli waani ukuleeta ugigimĩlia,

1 Petelo 2:1

Luulo gua, muuĩĩke kulĩ uubĩĩ tũlũ nuwĩsukukia tũlũ, nuunamampĩlu, nuwĩĩlũ nĩmatekete tũlũ.

1 Petelo 4:2

itĩ pantondo nazishaagile za kikyala muna nsĩĩ, walekigendela munsula a kĩuntu, ĩpa muulooa wa kĩNzua.

1 Petelo 5:1

Naapeepia ĩAnampala naĩĩlĩ kunsiani, ĩne nanuMunampala mĩaao numukuĩli wa waagi wa kĩKilisito numukamantani wa ukulu naukikũnukulua pembele;

1 Petelo 5:12

Kumukono wa kĩSiluano, munũna namusuĩĩli kĩna moonie, numuandĩkĩĩle kunkaani nkeei, nishugula nukwikuĩla yakĩna uu wau ukende wa tai wa kĩNzua. Ĩĩmĩkĩ kee muwaasio.

2 Petelo 1:6

nuulĩngi umupeele kukĩtema uniinie, nukukĩtema yumupeele uugigimĩlia, nuugigimĩlia umupeele kukumukulia uNzua,

Ukũnukulua 1:9

Neene Yohana, umunũna waani, mukamantani palumuĩ niniinie munzago numuutemi numuugigimĩlia wa kĩYesu, alĩ nĩĩlĩ mukĩsiwa nakyukuĩtagua Paatimo kunsooko ya Lukaani lwa kĩNzua, nukunsooko ya ukuĩli wa kĩYesu.

Ukũnukulua 13:10

Uyo kanga wasole ĩmatepo, ukisholua matepo. Wensi kanga waulage kuyũmba, yumũjĩpĩĩle kwiulagua kuyũmba. Ĩpa papa ugigimĩlia nuusuĩĩli wa eelu.

Ukũnukulua 22:16

“Ĩne neene Yesu namutumaa umalaĩka waane kukumukuĩla inie impola izi mumakanisa. Ĩne neene tina nuwĩleli wa kĩDaudi; ĩnsonda nya daau nyukumĩlĩmĩntaa.”

Ukũnukulua 3:10

Kuitĩ alulukendegelĩĩle ulukaani lwa ugigimĩlia waane, nineene nĩkakukulindĩĩla mwityũngo lya kugemua nalĩpiipĩ kukuwaagaana uunkũmbigyulu tũlũ kukuagema naakikyalaa muna nsĩĩ.