Aebulania 11:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Ĩpa pĩna kutilĩ kausuĩĩli sika ishũũmĩkile kukumuloeelia. Kuitĩ wensi nukumusũgamĩlaa uNzua yumũjĩpĩĩle wasuĩĩle ya kĩna ukoolĩ, kangĩ ya kĩna ukuapeelaa uupeegua nauuza ĩaasio naakumudũũmaa.

Aebulania 11:6 ပူးပေါင်းရင်းမြစ်များ

Matayo 11:26

Eeze Tata, kuitĩ iio alĩ iloelĩĩlie ntongela yaako.”

Matayo 5:12

Lumbĩ nukwilumbĩĩlia; kuitĩ ĩkĩpeegua kiani ĩngĩ kĩkulu kwigyulu; kuitĩ iio aliaaagilie ĩanakĩdagu naalĩ amutongelĩĩle.

Matayo 6:16

“Pĩna mulaalĩĩle gua, mulekishuununala zĩ anamampĩlu, kuitĩ akoonoonaa uusiu waao itĩ igyelele kuantu kĩna alaalĩĩle. Tai namuĩĩla. Aligilie ĩkĩpeegua kiao.

Matayo 6:33

Ĩpa udũũmi tangua uutemi waakue nĩkulukuuluu yaakue, nindizi tũlũ zensi mukiongeeligua.

Matayo 6:5

“Pĩna mwilompa, mulekitũla zĩ anamampĩlu; kunsooko aloe kwilompa nukwiĩĩmĩka mumasũnagogi numumĩsambĩ ya nzĩla, koona aonue nĩantu. Tai namuĩĩla. Aligilie ĩkĩpeegua kiao.

Maliko 16:17

Niilĩngasĩĩlio ii yĩkakĩtiata nĩaasio naasũĩlĩĩle, kuliina liane ikiĩnga ĩmasĩĩmuĩ; ikitambula ntambo mpia

Luka 12:31

Ĩpa udũũmĩ uutemi waakue, nĩzaasio mukiongeeligua.

Luka 6:35

Ĩpa alooguĩ ĩanaulugu aani, atendelĩ naiiza, nukukualĩĩsia ĩmpaa mulekitũngĩla kakĩntu, nuupeegua waani ukitũla wingĩ, niniinie mukitũla aana aakue Nwa kukiania, kunsooko uyo ingĩ muuza kumuao naagila kausongelio, nĩalaku.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 8:24

Aza namuĩĩla mukikia mumĩlandu yani kuitĩ kanga musiitishuĩĩla kĩna ingĩ neene, mukikia mumĩlandu yaani.”

Alumĩ 10:14

Iio gua, amuĩte mbii uyo nasika amusuĩlĩĩle. Kangĩ amusuĩĩle mbii uyo nasika amũigilie. Kangĩ amũigie mbii pĩna kutilĩ kamutanantia.

Agalatia 5:6

Kuitĩ mwa kĩKilisito Yesu, kwiaalamigua katia kwisiiitiaalamigua igila kangũlũ; ĩpa uusuĩĩli naukĩtumaa umulĩmo kunzĩla ya uloogua.

Aebulania 11:26

Nusĩĩga kĩna kwitukĩlua kunsooko ya kĩKilisito ingĩ ugolĩ ukulu kwikĩla imbĩĩka za Mĩsili, kuitĩ nalaaĩkia uupeegua wa pembele.

Aebulania 3:12

Ĩkendegeelĩ, anũna aane, ilekitũla mumiani kaumuĩ nutĩĩte ĩnkolo nambĩĩ nya kusiitishuĩĩla, nya kumuleka uNzua namupanga.

Aebulania 4:2

Kuitĩ tai, ishie nindiishie kwatanantĩĩligue impola nanziiza zĩ aao. Ĩpa itĩ ulukaani luasio naalĩ alũigilie sika naluasaĩpĩla ĩaasio, kunsooko sika nalusaalĩnkana nuusuĩĩli munsĩ yaao naalĩ iigilie.

Aebulania 4:6

Iio gua, kunsooko lusaagile ulukaani ya kĩna akoolĩ naikiingĩla muasio, nĩaasio naalĩ atanantĩligue impola nanziiza ĩzaasio pakalĩ sika naingĩla kunsooko ya uleki waao,

Aebulania 7:19

(kuitĩ uUlagĩĩlio sika ukutimĩĩlagiaa kakĩntu); paluandĩ luua, nawingĩligwa uulaaĩĩli nauuza nangũlũ, nukuwaasio kukumusũgamĩĩla uNzua.

Aebulania 7:25

Iio gua, usũũmile kukuagũna sunga kumpelo ĩaasio naakumusũgamĩĩla uNzua kwa kĩuyo, kunsooko ukoolĩ mupanga intondo tũlũ, koona waalompeele.

2 Petelo 1:10

Luulo gua, anũna aane, ĩkamatĩkiĩ kwikamĩnkĩĩlia uwĩĩtua waani nuusaagulua waani; kuitĩ kanga mutende iio, sika mukĩkũmpia kainiino.

2 Petelo 1:5

Kunsooko yoĩ-yooĩĩ mwĩkakie muusuĩĩli waani mupeegue uuuza, nuuuza nduo umupeele uulĩngi,

2 Petelo 3:14

Luulo gua aloogua, kunsooko mulaaĩlĩĩle ĩzaasio, ĩkamatĩkiĩ koona mwigyelele kĩna muagila kakĩlema sunga kibyado ntongela yaakue mumatiliga.

Ukũnukulua 21:8

Ĩpa ĩooa, nĩasiitishuĩĩla nĩasuukĩlia, nĩaulagi, nĩagololia, nĩalaguli, nĩnaakĩtekelaa ĩanzegamĩla, nĩalongo ensi, ityũmpĩ liao liĩlĩ munanza ĩyoo nyukuakĩlaa umooto nĩkĩbiliti-biliti. Ĩĩ yoĩ nkia ya kabĩlĩ.”