Aebulania 10:39 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁹ Ĩpa ishie kukutilĩ mumiao naakushookaa kĩnsengeluma nukwilimĩĩla, ĩpa kukoolĩ pakatĩ yaao naatĩĩte uusuĩĩli nukwikendegeela inkolo zaao.

Aebulania 10:39 ပူးပေါင်းရင်းမြစ်များ

Maliko 16:16

Nusuĩlĩĩle nukwibadĩĩzigua ukigũnĩka; nasikusuĩlĩĩle ukilamulua.

Luka 11:26

Paapo ukulongola nusola nĩmĩĩa masĩĩmuĩ mupũngatĩ namabĩĩ kwikĩla ĩlo ĩliene, namingĩla nukukikyala muumo; numumalĩĩlio wa muntu nuasio kuuzaa ubĩĩ kwikĩlĩkĩĩla uwa muandio.”

Yohana 17:12

Pĩna alĩ kwĩensi ĩne alĩ nĩakendegelĩĩle muliina liako; aao naalumpĩĩle alĩ nĩalindĩlĩĩle, ukutilĩ nunumuĩ mumuao naalulimĩlĩĩle ĩpa umuana wa ulimĩĩli, uwandĩkua utimĩĩligue.

Yohana 20:31

ĩpa izi nandĩkue koona musuĩĩle kĩna ũYesu ingĩ Kilisito Muana wa kĩNzua, numuusuĩĩli muĩ nuupanga muliina liakue.

Yohana 5:24

Tai-taaii namuĩĩla, “Nukũigagiaa ulukaani luane nukukumusuĩĩla naaluntumile utĩĩte uupanga wa kalĩ nakalĩ, sunga sika wipika muulamuli, ĩpa walegile muukiu, wingĩĩle muupanga.

Yohana 6:40

Kuitĩ uu wau uulooa wa kĩtata waane, tũlũ wensi nukumulaaa uMuana nukwishuĩĩla mumuakue, wĩĩ nuupanga wa kalĩ nakalĩ; nineene nĩkakumũiukia palutondo lwa mpelo.”

1 Atesaloniki 5:9

Kunsooko uNzua sika alukuĩĩkile kuutaki, ĩpa kuligie uugũnua kunzĩla ya kĩShekulu wĩĩtu Yesu Kilisito,

2 Atesaloniki 2:3

Kaumuĩ waleke kumupembeelia inie kunzĩla yensi kunsooko sika lukitũla isiititũla wĩĩze tangua uuleki, wakũnukulue umuntu wa mulandu, muana wa oononeki,

1 Timoteo 6:9

ĩAasio gua naasiiile kwitũla agolĩ akuguaa muugemua nĩmĩtego, ninshula ningĩ nangila kansaĩlo, kangĩ za kualemaalia, nazĩkuaseketelia ĩantu, nukukuagumĩla muoononeki numuulimĩĩli.

Aebulania 10:26

Kuitĩ kanga kwĩkakie kutenda imĩlandu pĩna kwakondile kwiaanũnkula uulĩngi wa tai, lyukutilĩ kipyolia nalĩsaagile kangĩ kunsooko ya mĩlandu,

Aebulania 10:38

Ĩpa umunakulukuuluu waane ukitũla muumĩ kuusuĩĩli, Kanga washooke kĩnsengelũma, ĩnkolo yaane sika iloeeligua nduyo.

Aebulania 11:1

uUsuĩĩli gua, ingĩ kwitũla nuukamĩnkĩĩlũ wa mpola nakuzilaaĩlĩĩle; ingĩ kwimana kutai impola nasika zigyelĩĩle.

1 Petelo 1:5

Kangĩ mualindĩĩlue kungũlũ za kĩNzua kunzĩla ya usuĩĩli sunga muligie uugũnua namuaĩĩkĩligue naukikũnukulua kwityũngo lya mpelo.

2 Petelo 3:7

Ĩpa igyulu lya nzuauu nĩnsĩĩ mbĩĩkue kĩuto kumooto kulukaani lulo-luuloo, mbĩĩkue sunga kulutondo lwa ulamulua nulwa koonoonua kumuao ĩantu nasika akumukulagiaa uNzua.

1 Yohana 5:16

Wensi kanga wamuone umunũna waakue witenda umulandu nasika wa ukiu, ukilompa, nuNzua ukakumupeela upanga kunsooko ya aasio naatendile umulandu nasika wa ukiu. Ukoolĩ mulandu wa ukiu, sika mbũgile walompe kunsooko ya waasio.

1 Yohana 5:5

Waani mukola kuudula uunkũmbigyulu, isiititũla uuyo nukusuĩĩlaa kĩna ũYesu ingĩ Muana wa kĩNzua.

Ukũnukulua 17:11

Nĩnimu naalĩ ĩkoolĩ ndĩo ĩkutilĩ, ndĩo ĩĩo ya munaana, ndĩo ĩmuĩ ya zaasio nazĩmupũngatĩ, ndĩo ĩlunziĩ kuoononeki.

Ukũnukulua 17:8

ĩNimu naalumĩoonie alĩ ikoolĩ, ndĩo ĩkutilĩ, ndĩo yĩzĩpĩĩlagiaa kwipũna mululungu nalusimu lwa kuulungu nukwienda kuoononeki; ndĩo naĩkikyalaa munansĩĩ, nasika andĩkue ĩmiina maao mukĩtabũ kya upanga kwipũna kwiĩĩka ĩmĩkũkĩla ya unkũmbigyulu, ĩkikulĩĩlua pĩna ĩkakumĩona ĩnimu, ya kĩna alĩ ĩkoolĩ, ndĩo ĩkutilĩ, ndĩo ĩkaa ĩkoolĩ.