Aebulania 10:29 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁹ Mwaona mbii gua, sika yumũjĩpĩĩlene uukaasigua naukulu nangũlũ unuasio naalĩ umutilatile uMuana wa kĩNzua, nukukuusĩĩgĩla umugali wilyago naalĩ mueligue ninduyo, kĩna ingĩ sika kĩntu, nukukumumela uMuau wa ukende?

Aebulania 10:29 ပူးပေါင်းရင်းမြစ်များ

Matayo 26:28

Uu wau mugali waane wilyago nĩPia, nawiitĩkile kunsooko yaiingĩ kuuleegeligua wa mĩlandu.

Matayo 7:6

“Muleke kuzipeela imbua nakielu, sunga muleke kuzigumĩla ingũlũĩ inshanga zaani za lũũlũ koona zileke kuzitilangĩla kumĩgulu yaao, nukukumugomokeela zumulume.”

Maliko 7:2

Naaona tyũmpĩ lya amanigua nailĩa india kumĩkono namĩdobũ, ĩndogolelio yaakue, nasika alĩ mĩkalaligue.

Luka 12:10

Nuwensi nukitambula ulukaani lwa kumusiita uMuana-muntu ukilekelua, ĩpa nukumutukĩla uMuau Muelu sikakaukilekelua.

Yohana 10:36

ĩne uTata naalunzelilie, nuntuma muna unkũmbigyulu, inie mwiũgaaii kĩna natuka, kunsooko aza mbũgile, Ĩne nĩMuanawa kĩNzua?

Yohana 17:19

Nukunsooko yaao nĩeelagiaa, koona nĩndĩo eeligue mutai.

Utendi 7:51

“Inie namwa nkingo nankakũ, namutĩĩte inkolo nĩakutuĩ nasika aalamigue, upiupii mukĩkuaa nuMuau Muelu; kĩna ĩatata aani naalĩ atendile, niniinie iio mukutendaa.

Alumĩ 16:20

NuNzua nwa matiliga, ukakumutilatĩlia ũShetani nsĩlĩlĩ ya mĩgulu yaani kuukaaũ. uUkende wa kĩShekulu wĩĩtu Yesu Kilisito wĩĩ niniinie.

1 Akolinto 11:27

Luulo gua, wensi nwilĩa ĩkĩgao ĩkĩ nukwikopela ĩkĩĩko ĩkĩ ĩkya kĩShekulu pĩna sika wijĩpĩĩle ukaa wĩligĩĩlie utimu wa muĩlĩ numugali wa kĩShekulu.

1 Akolinto 11:29

Kuitĩ nwilĩa nukwikopa pĩnasika wijĩpĩĩle, wilĩa nukwikopa uulamulua kumuakue, kunsooko sikuulekanuĩle.

1 Akolinto 15:25

“Kuitĩ yĩmũjĩpĩĩle muene wateme sunga waaĩĩke ĩalugu tũlũ ensi nsĩlĩlĩ ya mĩgulu yaakue.”

1 Akolinto 15:27

“Kuitĩ uNzua nuiiĩka iintu tũlũ yensi nsĩlĩlĩ ya mĩgulu yakue.” Pĩna itambulue, “Tũlũ yaĩĩkilue nsĩlĩlĩ yaakue,” ingĩ kualiĩ kĩna uyo naalumuĩĩkĩĩlie tũlũ yensi nsĩlĩlĩ yaakue ukutilĩ muasio.

1 Akolinto 6:11

Nĩĩĩa kunsiani alĩ ĩkĩna awa. Ĩpa namoogigua, ĩpa namueligua, ĩpa namualĩĩligua ĩkulukuuluu muliina lya kĩShekulu Yesu Kilisito, nuMuau wa kĩNzua wĩĩtu.

Aepeso 4:30

Kangĩ muleke kumupeela usungu uMuau Muelu wa kĩNzua, nakumuakue alĩ muaĩĩkĩlue umuhũli sunga kulutondo lwa ukomolua.

Aepeso 5:26

koona walielie pĩna alulĩogilie kumaazĩ nukuLukaani.

Aebulania 10:10

Kuulooa uu alĩ kwĩeeligue kunzĩla ya upũnigua wa muĩlĩ wa kĩYesu Kilisito nkua ĩmuĩ dũũ.

Aebulania 12:25

Mwĩkendegeele muleke kumusiita uzo nukutambulaa. Kuitĩ iaasio naalĩ amusiitile uyo naalĩ waasuguĩle muna nsĩĩ, sika naasũũma kwitalama, nangũlũ gua ishie sika kukishũũma kwitalama kanga kumusiite uyo nukukusugulaa kwipũna kwigyulu.

Aebulania 13:20

Ĩpa itĩ uNzua wa matiliga naalumupũnilie kwipũna muakiu uMudĩĩmi namukulu nwa nkolo, Shekulu wĩĩtu Yesu, kungũlũ ya mugali wilyago lya kalĩ nakalĩ,

Aebulania 2:11

Kuitĩ uyo nukuelagiaa nĩndĩo naeeligue tũlũ gaa apũnile kumuĩ. Kunsooko ĩĩ sikukukolaguaa kansoni kukuĩĩta anũna,

Aebulania 2:3

aishie gua, kukitalama mbii kanga kulekikeela uugũnua naukulu kĩna uu? Naalĩ utambulue kumuandio nũShekulu, pembele naukamĩnkĩĩligua kumiĩtu kunzĩla ya aasio naalĩ iigilie;

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

Aebulania 6:4

Kuitĩ ĩaasio naakondile kwipeegua uweelu munkolo, nukwitomia uupeegua wa kwigyulu, nukwitũla akamantani a kĩMuau Muelu,

Aebulania 6:6

ĩaasio kanga atũle aleki, sika ishũũmĩkile kukuatenda ĩĩ apia kangĩ sunga apele. Kunsooko akumukononteela mumusalaba uMuana wa kĩNzua ĩeene nkua ya kabĩlĩ, nukukumumela kualie.

Aebulania 9:13

Kuitĩ malĩĩ ĩmĩgali ya mbuli ning'ombe, nĩmaũ mamuzagamba naalĩ akuminzangĩlaguaa ĩakola udobũ ĩyukuelagiaa sunga uudobũ wa miĩlĩ ulegele,

Aebulania 9:20

nwiũga, “Uu wau mugali wilyago nilyagĩĩligue nuNzua kumiani.”

Ukũnukulua 1:5

kangĩ nukũpũna kwa kĩYesu Kilisito, mukuĩili namusuĩĩli, mulelua wa muandio wa aasio naalĩ akiile, kangĩ mukulu wa atemi a nsĩĩ. Kumuakue muene nukuloilue nukukukoogia ĩmĩlandu yĩĩtu kumugali waakue