Aebulania 1:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Uzo ingĩ weelu wa ukulu wa kĩNzua. kangĩ kĩna uNzua wĩĩlĩ, iio ninduyo wĩĩlĩ; nuikenka iintu tũlũ yensi kulukaani luakue lwa ngũlũ. Pĩna alutendile uweeligua wamĩilandu, alĩ wikyalansile pamukono wa kĩgoosia nwa ukulu kukiania,

Aebulania 1:3 ပူးပေါင်းရင်းမြစ်များ

Matayo 22:24

naaũga, “Mumania, uMusa aluũgile, ‘kanga umuntu wakie ĩmugila kaaana, umunũna waakue wamutoole umusungu waakue, wamulelelie umunũna waakue ĩaana.’

Maliko 16:19

ũShekulu Yesu pĩna nukondia kukĩtambuĩla nĩndĩo, nutualua kwigyulu, nwikyalansa pamukono wa kĩgoosia wa kĩNzua.

Yohana 1:14

NuLukaani nutũla muĩlĩ, nwikyala kumuĩtu, nakuulaaa uukulu waakue, ukulu zĩ wa Muana wing'ene kwa kĩTata, wijuile uukende nĩtai. (

Yohana 1:29

Mudaau yakue numuona ũYesu wijile kumuakue nuũga, “Laaĩ uMuana-nkolo wa kĩNzua nuukenkile umulandu wa unkũmbigyulu!

Yohana 1:4

Mumuakue uupanga alĩ ukoolĩ, nduo upanga alĩ weelu wa antu;

Utendi 2:33

Iio gua, pĩna nunankĩligua sunga kumukono nwa kĩgoosia nwa kĩNzua nukwiligia kwa kĩTata ilyago lya Muau Muelu, ukiitile ĩkĩntu ĩkĩ namukĩoonie nukukukiigia.

Utendi 7:56

Nuũga, “Laaĩ naona igyulu lyakũnukuka, nuMuana-muntu wĩĩmĩkile pamukono wa kĩgoosia wa kĩNzua.”

Alumĩ 1:16

Kuitĩ ĩne numugila kansoni kuMpola na Nziiza, kunsooko ingĩ ngũlũ za kĩNzua nazukuleetaa uugũnua kuwensi nusuĩlĩle, kuMuyahũdi tangua, nukuMugiliki gaa.

Alumĩ 8:34

Waani ukilamula kukaasigue. uKilisito Yesu ingĩ muene naalukiile, eeze naikulu nangũlũ naalĩ mũiukigue, nukoolĩ kumukono wa kĩgoosia nwa kĩNzua, kangĩ muene ukukulompeelaa.

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

Akolosai 3:1

Luulo gua, naa mũiukile palumuĩ nuKilisito, zidũũmĩ za kukiania, uKilisito kĩna wĩĩlĩ pamukono wa kĩgoosia nwa kĩNzua wikyalansile.

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Aebulania 1:13

Ĩpa gua, wamuĩĩlĩĩle malaĩka kĩ tyũngo liensi, “Kyalansa pamukono waane nwa kĩgoosia Sunga pĩna nĩkakuaĩĩka ĩanaulugu aako nsĩlĩlĩ ya mĩgulu yaako?”

Aebulania 10:12

Ĩpa uKilisito pĩna alupũnilie kunsooko ya mĩlandu ipyolia kamuĩ nalĩkoolĩ ĩkalĩ nakalĩ, paapo nwikyalansa pamukono wa kĩgoosia wa kĩNzua.

Aebulania 12:2

ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

Aebulania 7:27

Uyo sikusiile lutondo luensi, kĩna ĩapolia naakulu naĩngĩ, tangua kwipũnia ĩmapolia kunsooko ya mĩlandu yaakue umuene, pembele kunsooko ya mĩlandu ya antu; kuitĩ uyo alutendile itĩ kamuĩ dũũ, pĩna alĩ wĩpũnilie umuene.

Aebulania 8:1

uLukaani nalukulu muizi nakwitambula ntuulu, kutĩĩte umupolia namukulu nwĩkĩna itĩ, nwikalansile pamukono wa kĩgoosia wityengu lya kĩtemi lya Ukulu mwigyulu,

Aebulania 9:16

Kuitĩ pĩna ilyago lya usaalĩ lĩkoolĩ, yukutilĩ kawĩnegelo lĩkoolĩ sunga unuasio naalulĩĩĩkile wakie.

Aebulania 9:26

kanga alĩĩ iio, alĩ yumujĩpĩĩle kwiaagigua nkua ningĩ kwipũna kwiĩĩkua umukũlĩla wa unkũmbigyulu. Ĩpaino, nwigyelela nkua kamuĩ dũũ pampelo ya unkũmbigyulu, waleegie umulandu kunzĩla ya kĩpũnia wĩĩ pyolia.

1 Petelo 1:21

Kwa kĩuyo mukusuĩĩlaa mwa kĩNzua naalumũiukilie kwipũna muakiu, numupeela ukulu; sunga uusuĩĩli waani nuulaaĩĩli waani wĩĩ kwa kĩNzua.

1 Petelo 3:22

Nunduyo ukoolĩ kumukono wa kĩgoosia nwa kĩNzua, wendile kwigyulu, pĩina ĩamalaĩka nĩnaakola usũũmi, ningũlũ, naakumugombagiaa, aĩĩkilue nsĩlĩlĩ yaakue.

2 Petelo 1:16

Kuitĩ sika alĩ kutiatile inshimu naalĩ ntungue kuusugũ pĩna alĩ kumuĩĩlĩĩle inie impola za ngũlũ za kĩShekulu wĩĩtu Yesu Kilisito nukwiiiza kumuakue, ĩpa alĩ kuuoonie ishie namiiso mĩĩtu uukulu waakue.

2 Petelo 1:17

Kuitĩ alĩ mupeegue nuNzua Tata lukũmo nuukulu pĩna alĩ muleetelue ululi nalupũnile muukulu naukĩlĩkĩlĩĩle, “Uyu wayu Muana waane muloogua, nanumuloeeligue ninduyo.”

1 Yohana 1:7

Ĩpa kanga kugendele muweelu, kĩna umuene nuĩlĩ muweelu, kukamantanile ndiishie kundiishie, numugali wa kĩYesu uMuana waakue ukukoogia umulandu tũlũ wensi.

1 Yohana 3:5

Mumanile kĩna uzo alũgyelĩĩle waĩleegie ĩmĩlandu, numulandu ukutilĩ munsĩ yaakue.

Yuda 1:25

muene Nzua wing'ene Mugũni wĩĩtu mwa kĩYesu Kilisito ũShekulu wĩĩtu ukulu wĩĩ kumuakue, nuutemi ningũlũ, nuusũũmi kwipũna ĩkalĩ, nunzuauu, sunga ĩkalĩ nakalĩ. Amini.

Ukũnukulua 3:21

Uyo nudulile, nĩkakumupeela kukikyalansa palumuĩ nineene mwityengu liane lya kĩtemi, zĩ uneene naalĩ ndulĩle nanikyalansa palumuĩ nuTata waane mwityengu liakue lya kĩtemi.

Ukũnukulua 4:11

“Wijĩpĩĩle ue, Shekulu Nzua wĩĩtu, kukuwaanũnkula uukulu nikyulio nuusũũmi; kuitĩ ue naaluiumbile iintu tũlũ yensi nukunsooko ya ulooa waako naikoolĩ nukwiumbua.”