2 Timoteo 2:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Sangĩla injago palumuĩ nineene zĩ mwĩlaasi namuuza nwa kĩKilisito Yesu.

2 Timoteo 2:3 ပူးပေါင်းရင်းမြစ်များ

Utendi 23:31

Iio gua, ĩĩlaasi naamusola uPaulo kĩna alĩ alagĩĩligue, naamutuala sunga kuAntipatili muutiku.

1 Akolinto 13:7

Ukĩtuĩkaa tũlũ, ukusuĩĩlaaa tũlũ ukulaaĩĩlaa tũlũ ukugigimĩlagiaa tũlũ.

1 Akolinto 9:7

Mwĩlaasi kĩ nukuendaa kuulugu tyũngo tũlũ liensi kũlyĩpo liakue umuene? Waani nukupandĩlaa ĩmakota ma mĩzabiibu nasikukulĩaa inkali zaakue. Waani nukudĩĩma idyale, nasikukukopaa ĩmasunsu midyale?

2 Akolinto 1:6

Ĩpa gua, malĩĩ ishie ĩkuĩlĩ munzago, ingĩ kunsooko ipyumbulio liani nuugũnua waani; kanga yĩĩ kuapumbuligue, ingĩ kuunsooko ipyumubulio liani nalikĩtumaa umulĩmo waakue kuugigimĩlia wa waagii uo-uuoo nakukuagagigua nindiishie.

1 Timoteo 1:18

iLyagĩĩlio ĩlĩ nĩlĩlagĩlĩĩlie kumuako, muanuane Timoteo, kwilika lya nkaani za unakĩdagu naalĩ zitongĩĩle kumuako, itĩ muzaasio wĩkue uulugu nauuza.

2 Timoteo 1:1

Paulo, mutumua wa kĩKilisito Yesu kuulooa wa kĩNzua; kunsooko ilyago lya upanga naukoolĩ mwa kĩKilisito Yesu;

2 Timoteo 1:8

Luulo gua, uleke kuukolelua inshooni uukuĩli wa kumukuĩla ũshekulu wĩĩtu, katia kunsooko yaane nanumu tũngua waakue; ĩpa kamantana munzago kunsooko ya Mpola na Nziiza, kwilika lya ngũlũ za kĩNzua.

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

2 Timoteo 2:9

Kunsooko yaakue niaagigua sunga kwitũngua zĩ mutimuli, ĩpa ulukaani lwa kĩNzua sika lukutũngaguaa.

2 Timoteo 3:11

sunga mpatĩ nuwaagi waane naalĩ ndigilie uko kuAntiokia niIkonia nĩLisitĩla. Mpatĩ zensi naalĩ ngigimĩĩlie; nduyo ũShekulu nungũna muzensi.

2 Timoteo 4:5

Ue gua, sukuka munkaani zensi, gigimĩlia injago, ĩtume mulĩmo wa mutamantia, kondeelia uwĩtumi waako.

Pilimoni 1:2

numugũlĩ wĩĩtu uApĩa, nuAlikipo mwĩlaasi palumuĩ nindiishie nikyanisa naliĩlĩ munumba yaako,

Aebulania 10:32

Ĩpa itĩ zijukĩkiĩ intondo za muandio pĩna namukoonda kwipeegua uweelu munkolo, namugigimĩlia uwĩsinki naukulu wa kuagigua;

Aebulania 11:27

Kuusuĩĩli nulega kuMĩsili, sika noopooka uutaki wa mutemi, kuitĩ alugigimĩlĩĩlie zĩ umuoonie uzo nasika ukigyelaa.

Aebulania 6:15

Iio gua, uIbũlahimu pĩna nugigimĩlia nuona kĩna ilyago nalĩtimĩĩlĩka.

Yakobo 1:12

Mulyuku umuntu nugigimĩlie muugemua, kunsooko pĩna udulile ukiaanũnkula ĩngala ya upanga, ũShekulu nualagĩĩle naamuloilue.