2 Akolinto 7:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Iio gua aloogua, kunsooko kutĩĩte ĩmalago aya, kwĩeelie kwipũna muudobũ wensi wa muĩlĩ nĩnkolo; ĩkwikamĩnkĩĩlia uweeligua muooa wa kĩNzua.

2 Akolinto 7:1 ပူးပေါင်းရင်းမြစ်များ

Matayo 12:33

“Mulĩzĩpie ikyota liĩ liiza ninkali zĩĩ nziiza; katia mulĩzĩpie ikyota liĩ byĩĩ ninkali zĩĩ mbĩĩ, kunsooko kunkali zaakue ikyota lyukulĩngaguaa.

Matayo 5:48

Iio gua muĩ akamĩnkĩĩlũ niniinie zĩ uTata waani nwa kwigyulu namukamĩnkĩĩlũ.”

Matayo 5:8

Akembetue naeelu munkolo; kuitĩ ĩaasio ĩkakumuona uNzua.

Utendi 9:31

Iio gua, muUyahũdi wensi nĩGalĩlaya nĩSamalia, ikyanisa naliĩ nĩmatiliga, nalĩzengua, nalĩongeela, naliilongoleka muooa wa kĩShekulu nipyumbulio lya kĩMuau Muelu.

Alumĩ 5:20

uUlagĩĩlio alĩ wingĩĩle koona uutimu wĩĩ ukulu nangũlũ; numulandu pĩna naukula, uukende naukula kwikĩlĩkĩĩla.

1 Akolinto 6:20

kuitĩ alĩ muagulue kungele nkakũ. Mumukulie gua uNzua mumiĩlĩ yaani.

2 Akolinto 1:20

Kuitĩ ĩmalago tũlũ ĩma kĩNzua namakoolĩ mumuakue ingĩ eeze, mumuakue ingĩ Amini; uNzua wakũmazukigue nindiishie.

Aepeso 2:3

Pakatĩ yaao sunga nindiishie alĩ kukikyala ĩkalĩ munsula za miĩlĩ yĩĩtu, nakukondeelia uulooa wa kĩmuĩlĩ nuwa masĩĩgo, nakutũla kuwikyaalĩ wĩĩtu aana a utaki kĩna nĩndĩo naĩngĩ.

1 Atesaloniki 3:13

Itĩ yoi wazĩtende inkolo zaani zitũle nkamũ, ĩmuagila kishokio muweelu ntongela ya kĩNzua Tata wĩĩtu, pĩna ũjiliiiza ũShekulu wĩĩtu Yesu palumuĩ nieelu aakue tũlũ.

1 Atesaloniki 4:7

Kuitĩ uNzua sika alukuĩtile kuudobũ ĩpa muweeligua.

1 Atesaloniki 5:23

uNzua wa matiliga muene wamuelekie; niniinie, inkolo zaani nĩmioo yaani nĩmiĩlĩ yaani mulindĩĩlue muĩ akapanga, ĩkutilĩ kishokio pityũngo pĩna ukiiiza ũShekulu wĩĩtu Yesu Kilisito.

Aebulania 12:23

nukumulundo wa alelua a muandio naandĩkue kwigyulu nukwa kĩNzua, mulamuli wa tũlũ ensi, nukunkolo za antu a kulukuuluu naatũlile akamĩnkĩĩlũ,

Aebulania 12:28

Luulo gua, kuitĩ kukuwaanũnkulaa uutemi nasika usũũmile kwishũngũsigua, nakutũle nĩmasongelio, kangĩ kumupũnilie uNzua wĩtekeli wa kumuloeelia, palumuĩ nikyulio nuooa.

Aebulania 4:1

Luulo gua, naa kĩlĩ lĩkoolĩ ilyago lya kũingĩla muusũũpio waakue, nakoopooke sunga kaumuĩ mumiani waleke kigyela ya kĩna uulilie.

Aebulania 6:9

Ĩpa itĩ aloogua, kanga kutambule itĩ nakĩĩ, kumpola zaani kusuĩlĩĩle inkaani nanziiza nangũlũ, nazitĩĩte ugũnua.

Yakobo 4:8

Musũgamĩĩlĩ uNzua, ninduyo ukakumusũgamĩĩla inie. Eeliĩ ĩmĩkono yaani inie anamĩlandu, nukukuzoogia inkolo zaani inie namwa nkolo zibĩlĩ.

1 Petelo 1:15

Ĩpa kĩna uzo naalumuĩtile namuelu, niniinie gaa muĩ eelu mulugendo luani tũlũ.

1 Petelo 1:17

Kanga ĩmukumuĩta Tata uzo nulamuĩle wensi, kutilĩ kauloeelania, kwilika lya utendi waakue, gendelĩ muooa mwityũngo liani ĩlya kikyala ĩpa zĩ agenda;

1 Petelo 1:22

Pĩna namuzeelia inkolo zaani kukumĩgombia ĩtai, mwĩloogekigue nkankanaa mukĩnũna, ĩkutilĩ kaunamampĩlu; ĩkakiĩ gua kukĩloogua kunkolo nanzelu.

1 Petelo 2:11

Aloogua, numupeepilie zĩ agenda kangĩ anamusĩnzo, ĩnegĩ ninshula za kĩmuĩlĩ nazĩkĩkuaa nĩnkolo.

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

1 Yohana 1:7

Ĩpa kanga kugendele muweelu, kĩna umuene nuĩlĩ muweelu, kukamantanile ndiishie kundiishie, numugali wa kĩYesu uMuana waakue ukukoogia umulandu tũlũ wensi.

1 Yohana 1:9

Kanga kukũmuule ĩmĩlandu yĩĩtu, uzo ingĩ wa usuĩĩli kangĩ munakulukuuluu wakuleegelie ĩmĩlandu yĩĩtu, nukukukoogia ubĩĩ tũlũ wensi.

1 Yohana 3:3

Kangĩ wensi nutĩĩte uulaaĩĩli uu kumuakue ukĩeelagiaa, kĩna umuene namuelu.