2 Akolinto 6:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ Tũlũ pensi kwĩpũnilie ishie zĩ ĩtumi a kĩNzua, muugigimĩlia wiingĩ, mumpatĩ, muwaagi, muukoi;

2 Akolinto 6:4 ပူးပေါင်းရင်းမြစ်များ

2 Akolinto 12:10

Kunsooko ĩĩ numuloeeligue nuuneketũ, nuugaalĩlua, nuwaagigua, nuupaatigua, nuukoigua kunsooko ya kĩKilisito, kuitĩ pĩna numuneketũ, paapo ntĩĩte ingũlũ.

2 Akolinto 4:8

Tũlũ pensi kwialaaligua, ĩpa sika kualemeeligue; Kwiona nkankani, ĩpa sika kwitia kansula;

2 Akolinto 11:27

mumĩlĩmo namĩkakũ, munzago, muuumia ndoolo, nkua kunkua munzala nĩnoota, nkua ningĩ muulia ndia, mumpeepo pĩna numugila kantiila.

2 Akolinto 12:12

Tai iilĩngasĩĩlio ya mutumua alĩ itendue pakatĩ yaani muugigimĩlia tũlũ, kuilĩngasĩĩio nĩmakula, nuutendi wa ngũlũ.

2 Akolinto 3:6

nukũsũũmilie kwitũla ĩtumi ilyago nĩpia, nasika lya wandĩkua, ĩpa lya kĩMuau; kuitĩ uwandĩkua ukuulagaa ĩpa uMuau ukupangatagiaa.

1 Akolinto 3:5

uApolo gua waani? NuPaulo gua waani? Ingĩ ĩtumi nukuwĩtumi waao namusuĩĩla, muntu wensi muna ũShekulu alumupeelĩĩle.

Ukũnukulua 3:10

Kuitĩ alulukendegelĩĩle ulukaani lwa ugigimĩlia waane, nineene nĩkakukulindĩĩla mwityũngo lya kugemua nalĩpiipĩ kukuwaagaana uunkũmbigyulu tũlũ kukuagema naakikyalaa muna nsĩĩ.

Ukũnukulua 1:9

Neene Yohana, umunũna waani, mukamantani palumuĩ niniinie munzago numuutemi numuugigimĩlia wa kĩYesu, alĩ nĩĩlĩ mukĩsiwa nakyukuĩtagua Paatimo kunsooko ya Lukaani lwa kĩNzua, nukunsooko ya ukuĩli wa kĩYesu.

1 Akolinto 4:1

Muntu nwakusĩĩgĩle itĩ, kĩna kwĩĩtumi a KĩKilisito nĩalindĩĩli a unkũnkũ wa kĩNzua,

Aebulania 12:1

Luulo gua, nindiishie gaa kunsooko kuapilimĩkĩĩligue nilyũnde kyulu lya akuĩli nalyĩkĩna itĩ, nakuujiule umuligo wensi numulandu naukukũtyapikagiaa, nakumankĩkie kuukamatĩkũ muwĩtiganĩĩli waasio nauĩĩkue ntongela yĩĩtu,

2 Timoteo 4:5

Ue gua, sukuka munkaani zensi, gigimĩlia injago, ĩtume mulĩmo wa mutamantia, kondeelia uwĩtumi waako.

2 Timoteo 2:24

Kangĩ sika yumũjĩpĩĩle umwĩtumi kwitũla mwĩleei, ĩpa wĩĩ mupolo kuantu tũlũ, nusũũmile kwimania, mugigimĩlia kuabĩĩ,

2 Timoteo 1:8

Luulo gua, uleke kuukolelua inshooni uukuĩli wa kumukuĩla ũshekulu wĩĩtu, katia kunsooko yaane nanumu tũngua waakue; ĩpa kamantana munzago kunsooko ya Mpola na Nziiza, kwilika lya ngũlũ za kĩNzua.

1 Timoteo 6:11

Ĩpa ue, nwĩmuntu wa kĩNzua, uzitalame ĩzaasio; utiate ĩkulukuuluu nuukulia uNzua, usuĩĩli, uloogua, ukamatĩkũ nuupolo.

1 Timoteo 4:6

Ijukĩlie ĩanũna impola izi, nunduue ukitũla mwĩtumi namuuza nwa kĩKilisito Yesu, nukukĩlĩĩsia nukulukaani lwa usuĩĩli nuumanigua nauuza nuutiatile kĩĩsa.

1 Timoteo 2:15

Ĩpa itĩ ukigũnĩka kunzĩla ya wĩleli waakue, kanga ikyale muusuĩĩli nuuloogua nuweelu palumuĩ nukukĩtema ĩeene.

1 Atesaloniki 5:14

Kukumulompa anũna ĩĩtu, asugulĩ ĩaasio naĩ kiaka, akamiĩ nkolo naalemue, akamĩnkĩĩliĩ naaneketũ, ĩgigimĩliĩ nĩantu ensi.

1 Atesaloniki 3:7

kunsooko ĩi, anũna ĩĩtu, mumpatĩ nuwaagi wĩĩtu tũlũ kwapumbuligua mumpola zaani kunzĩla ya usuĩĩli waani;

Akolosai 1:24

Ĩpaino nilumbĩĩlia uwaagi nanuutĩĩte kunsooko yaani, kangĩ nikijulĩĩlia waasio naukeepukile muwaagi wa kĩKilisito mumuĩlĩ waane, kunsooko ya muĩlĩ waakue nduo ikyanisa liakue.

Akolosai 1:11

Kangĩ musũũmigue kungũlũ, kwilika lya usũũmi wa ukulu waakue, kuukamatĩkũ tũlũ nuugigimĩlia palumuĩ nilyumbi.

2 Akolinto 11:23

Ĩtumi a kĩKilisitone ĩo? Ĩne nangũlũ (nitambula zĩ numusali) muukoi wa mulĩmo kwikĩlĩkĩĩla, mũitũngo kwikĩlĩkĩĩla, muukuua kwikĩlĩkĩĩla nkankanaa, nkua ningĩ piipĩ kwikia.

2 Akolinto 11:9

Pĩna alĩ nkoolĩ kunsiani nukwisilĩlua, sika alĩ ntũlile muligo kumuntu wensi, kuitĩ ĩanũna naalĩ ijile kwipũnĩĩla kuMakedonia naampela naalĩ numusilĩlue. Munkaani tũlũ alĩ nĩgililie, kangĩ nĩkakĩgilia, ndekitũla muligo kumiani.

2 Akolinto 7:11

Kuitĩ laaĩ usungu uu munzĩla ya kĩNzua, ya kĩna ukuleetaa ukamatĩkũ kĩ munsĩ yaani, nuwĩkuĩli, nuusuukua, nuooa, nukũshũũmua ninshula nanziiza, nuukamũ, nuukaasigua. Muzaasio tũlũ zensi alĩ mwĩkamĩnkĩlĩĩlie inie uniinie, kĩna muagila kautimu mulukaani luasio.

2 Akolinto 4:17

Kuitĩ injago zĩĩtu nampeepeele ĩzityũngo niino zukukuligĩlagiaa uukulu naukĩlĩkĩlĩĩle, naugila kiyalo, uwa kalĩ nakalĩ,

2 Akolinto 4:2

Ĩpa kuzishiitile impola za kĩmpĩsĩmpĩsĩ naza nsoni; sika kukugendelaa muwĩsukukia katia sika kusaalĩnkĩĩnie ukulaani lwa kĩNzua nuulongo, ĩpa kuwigyelelio wa tai, kukĩpũnĩlia kualiĩ kumioo ya antu tũlũ ntongela ya kĩNzua.

1 Akolinto 9:11

Malĩĩ ishie ĩalĩĩ kumupandĩlĩĩlie iintu ya kĩnkoolo, lukaani lukulune kwiogola iintu yaani ya kĩmuĩlĩ?

Alumĩ 16:10

Mumulamukie nuApele namugombigue mwa kĩKilisito. Mualamukie nĩantu a numba ya kĩAlisitobulo.

Alumĩ 14:18

Kuitĩ uyo nukumutumĩla uKilisito munkani izi, ukumuloeelagia uNzua, kangĩ ukugombagiguaa nĩantu.

Alumĩ 5:8

ĩpa uNzua ulagĩlĩĩle uuloogua waakue umuene kunsĩĩtu pĩna alĩ kĩlĩ kwĩanamĩlandu, uKilisito alukiile kunsooko yĩĩtu.

Utendi 20:34

Inie uniinie mumanile ya kĩna ĩmĩkono yaane ĩĩ yĩtumile kuusilĩlua waane sunga kuaasio naalĩ kwĩpalumuĩ nineene.

Utendi 9:16

Kuitĩ nĩkakumulagĩĩla mingĩ namĩkakumũjĩpĩla kwiaagigua kunsooko ya liina liane.

Utendi 2:22

“Agoosia a Ĩsilaeli, tegeelĩ inkaani izi; ũYesu Munazaleti, muntu naalĩ mũgyeleligue kumiani nuNzua kuutendi kwa kĩuyo pakatĩ yaani, kĩna uniinie akola namumanile;

Luka 21:19

Niniinie kuugigimĩlia waani mukiligia inkolo zaani.

2 Akolinto 2:17

Kuitĩ ishie sika kwĩkĩna aasio naiingĩ naakulugulagiaa ulukaani lwakĩNzua; Ĩpa kuugolokũ wa moo, kĩna kwipũna kwa kĩNzua kukutambulaa mwa kĩKilisito ntongela ya kĩNzua.

Yohana 16:33

Izi alĩ numuĩĩlĩĩle muĩ nĩmatiliga mumuane. Muna unkũmbigyulu mutĩĩte luago ĩpa kamiĩ nkolo; ĩne naudulile uunkũmbigyulu.”

Alumĩ 3:5

Ĩpa gua, kanga uutimu wĩĩtu ulagĩĩle ĩkulukuuluu ya kĩNzua, kuũge mbii; kĩna uNzua sika munakulukuuluune nuleetile utaki. (Nitambula kĩuntu.)