2 Akolinto 6:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Kutilĩ kaumuĩ nakumukũmpilie mulukaani tũlũ luensi, uwĩtumi wĩĩtu ulekishokigua.

2 Akolinto 6:3 ပူးပေါင်းရင်းမြစ်များ

Matayo 17:27

Ĩpa koona kuleke kuakũmpia, lenda kunanza ugumĩle ĩndoana, umĩsole ĩnsiĩ nĩkakigyelela umuandio, nĩpĩna wamĩansamula umulomo waakue, ukiona shekeli muumo; mĩsole, uapeele kunsooko yaane nukunsooko yaako.”

Matayo 18:6

Ĩpa wensi nwakumutimulia umuĩ wa ĩa naaniino naasuĩlĩĩle mumuane, taazu watũngĩĩligue lĩluala lya kushiela munkingo yaakue, wakapĩligue munsĩ ya nanza.

Utendi 19:27

Ĩpa sika iio udũũ kĩna umulĩmo wĩĩtu ikimelua, sunga ĩnumba ya kumutekela nzua-musungu namukulu uAlitema likialĩĩligua zĩ sika kĩntu, kangĩ uukulu waakue ukileegigua, uuzo ĩAsia nuunkũmbigyulu wensi naakumutekelaa.”

Alumĩ 14:13

Luulo gua kuleke kĩlamula kangĩ, Ĩpa taazu kuupũnie uulamuli uu, kulekiĩĩka kĩntu kya kumukũmpia umunũna, katia kya kumuguusia.

1 Akolinto 9:12

Malĩĩ naĩngĩ akamantĩĩne muusũũmi uu mumiani, ishie sika nangũlũne? Ĩpa sika kuutumĩĩle uusũũmi uu; ĩpa nakugigimĩlia mumpola tũlũ koona kuleke kuzigilia iMpola na Nziiza za kĩKilisito.

1 Akolinto 9:22

Kuaneketũ nantũla zĩ numuneketũ koona nĩaligie naaneketũ. Kuaasio tũlũ nantũla iio kĩnaĩili koona nĩagũne ĩantu kunzĩla tũlũ.

2 Akolinto 1:12

Kuitĩ kukĩkũmazukia kumuĩtu nsuuku, uukuĩli wa mioo yĩĩtu ingĩ kuweelu nuugolokũ naupũnile kwa kĩNzua, sika kumasala ma kĩmuĩlĩ, ĩpa kuukende wa kĩNzua alĩ kwikyalile muna unkũmbigyulu, nangũlũ gua kunsiani inie.

2 Akolinto 8:20

iYaasio kwĩgidĩlĩle, wensi waleke kukusokia kunsooko ya nsangĩ ĩĩ naningĩ nakukumĩtumĩla ishie,