2 Akolinto 4:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ Ĩpa kutĩĩte ĩkĩuto ĩkĩ mũisheme ya ulongo, koona ingũlũ nazikĩlĩkĩlĩĩle zitũle za kĩNzua, zilekitũla zipũnile kunsĩĩtu ishie.

2 Akolinto 4:7 ပူးပေါင်းရင်းမြစ်များ

Matayo 13:44

“Kangĩ uutemi wa kwigyulu wĩpianile nĩkĩuto kya ngele nkakũ naalĩ kĩpisigue mumugunda; umuntu pĩna nukĩona nukĩtinĩĩla, nuuenda kuulumbi, nũigulia yensi naaluitĩĩte, nuugula umugunda nuasio.

Matayo 13:52

Nuaĩĩla, “Kunsooko ĩĩ mulangi wensi namumanigue uutemi wa kwigyulu, wĩpianile numukola numba nukupũnagiaa mukĩuto kiakue naipia niya kalĩ.”

Yohana 16:33

Izi alĩ numuĩĩlĩĩle muĩ nĩmatiliga mumuane. Muna unkũmbigyulu mutĩĩte luago ĩpa kamiĩ nkolo; ĩne naudulile uunkũmbigyulu.”

1 Akolinto 1:28

kangĩ uNzua nũishaagula nainiekũ ya unkũmbigyulu nĩnaimeleeligue, sunga nasika igyelĩĩle, koona naigyelĩĩle itũle nakanda;

2 Akolinto 10:10

Kuitĩ akuũgaa, “iMbalua zaakue ingĩ nkakũ kangĩ za usũũmi, ĩpa pĩna ukoolĩ kukĩmuĩlĩ ingĩ muneketũ, ninkani zaakue za kumelua.”

2 Akolinto 13:4

Kuitĩ nukononteelwa mumusalaba muuneketũ, ĩpa ukoolĩ mupanga kungũlũ za kĩNzua, kuitĩ nindiishie kwaniekũ mumuakue, ĩpa kumiani kukitũla apanga palumuĩ ninduyo kungũlũ za kĩNzua.

2 Akolinto 4:1

Iio kunsooko kuapeegue uwĩtumi uu kĩna kuakolelue kĩnishungu, sika kwitia kansula.

2 Akolinto 5:1

Kuitĩ kumanile ya kĩna igyũnda liĩtu muna kukikyala kanga lĩtaulue, kutĩĩte ĩnumba kwa kĩNzua, ingĩ numba na sika nzengue kumĩkono, ndĩo ĩkoolĩ ĩkalĩ na kalĩkwigyulu.

2 Akolinto 6:10

zĩ akola usungu ĩpa kulumbile intondo tũlũ; zĩ atũka ĩpa kukuagolĩpia iingĩ; zĩ naagila kakĩintu ĩpa tũlũ yensi kutĩĩte.

Aepeso 2:5

sunga paapo pĩna alĩ kuakiu kunsooko ya utimu wĩĩtu, nukupangatia palumuĩ nuKilisito (muagũnue kuukende).

Aepeso 3:8

Ĩne nanumuniino kwikĩla unuasio naalĩ muniino wa eelu tũlũ, alĩ numupeegue uukende uu, kukuatanantĩlia ĩa ndugu nazĩngĩ iMpola na Nziiza za ugolĩ wa kĩKilisito nasika usũũmile kwilĩngĩka;

Akolosai 1:27

uWaasio uNzua naalusiile kukuũgyelelia kĩna wĩĩlĩ ugolĩ wa ukulu wa unkũnkũ uu pakatĩ ya ndugu nazĩngĩ; nduyo ingĩ uKilisito munsĩ yaani, ulaaĩĩli wa ukulu.

Akolosai 2:12

Alĩ muaĩĩkue palumuĩ ninduyo muubadĩĩzo, muwaasio gaa namũiukigua palumuĩ ninduyo kunzĩla ya usuĩĩli muusũmi wa kĩNzua,

Akolosai 2:3

Munsĩ yaakue inshao tũlũ zensi za masala nuumani nazĩpisile.

1 Atesaloniki 1:5

Kunsooko iMpola naNziiza nakutanatilie sika nazumupikĩĩla kunkaani udũũ, ĩpa nukungũlũ, nukuMuau Mwelu, nukuukamatĩkũ wingĩ. Mumanile kĩna alĩ kwĩantu kĩ pakatĩ yaani kunsooko yaani.

1 Atesaloniki 4:4

wensi mumiani wamane kukĩligĩlia umusungu umuene muweelu nikyulio;

2 Timoteo 2:20

Mwijumba nikyulu sika ikoolĩ isheme ya zahabũ nimpiia udũũ, ĩpa ikoolĩ niya makota niya ulongo, nayĩngĩ itĩĩte kyulio, nĩnayĩngĩ igila kikyulio.