2 Akolinto 4:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ Kuitĩ sika kwĩtanantilie ishie undiishie, ĩpa uKilisito Yesu kĩna ingĩ Shekulu, nindiishie kuĩtumi aani kunsooko ya kĩYesu.

2 Akolinto 4:5 ပူးပေါင်းရင်းမြစ်များ

Matayo 23:8

Ĩpa inie mulekiĩĩtua nĩantu mumania namukulu, kuitĩ uMumania waani ingĩ umuĩ, niniinie tũlũ ensi mukĩnũna.

Matayo 3:11

“Ĩne nukumubadĩĩzagiaa kumaazĩ kunsooko ya upeli; ĩpa uzo nũjile kunũma yaane, utĩĩte uusũũmi kwinkĩla ĩne, sika nijĩpĩĩle sunga kwikenka iilaatu yaakue; uzo ukakumubadĩĩzia kuMuau Muelu nukumooto.

Yohana 7:18

Uyu nukĩtambulĩlagiaa wing'ene ukudũũmaa ulukũmo luakue umuene; ĩpa uzo nukudũumaa ulukũmo luakue naalumutumile, uuyo wa tai-taaii nuwoononi ukutilĩ mumuakue.

Utendi 10:36

Mulumanile ulukaani naalĩ waatualĩĩle ĩaana a Ĩsilaeli, nwitanantia impola nanziiza za matiliga kwa kĩYesu Kilisito, muene Shekulu wa antu ensi;

Utendi 2:36

“Luulo gua, ĩnumba tũlũ nya Ĩsilaeli amane kutai ya kĩna uNzua wamutendile ũYesu unuasio naalĩ mumukonontelĩĩle mumusalaba kwitũla Shekulu, kangĩ Kilisito.”

Utendi 5:31

uNzua wamukulilie kumukono waakue wa kĩgoosia, wĩĩ Mutongeeli nuMugũni, wamĩpeele ĩĨsilaeli uupeli nuuleegeligua wa mĩlandu.

1 Akolinto 1:23

Ĩpa ishie kukumutanantagiaa uKilisito naalĩ mukononteelue mumusalaba; kuAyahũdi nayĩĩ kĩnkũmpa, nukuAgiliki nawĩĩ ulu;

1 Akolinto 10:33

iio-iioo kĩna uneene nanĩaloelĩĩlie tũlũ mumpola zensi, ndekidũũma ĩnsaĩlo yaane uneene, ĩpa nsaĩlo yaao naiingĩ, koona agũnue.

1 Akolinto 12:3

Luulo gua numulĩngilie ya kĩna ukutilĩ nwitambula muMuau wa kĩNzua kwiũga, “Yesu wazũmilue!” Sunga ukutilĩ nusũũmile kwiũga, “ũYesu ingĩ Shekulu,” isiititũla muMuau Muelu.

1 Akolinto 15:47

uMuntu wa muandio upũnile mumasalu, ingĩ wa ulongo. uMuntu wa kabĩlĩupũnile kwigyulu.

1 Akolinto 2:2

Kuitĩ alĩ nsiiile nsiitimana kalukaani isiitũla ũYesu Kilisito, nduyo mukononteelue mumusalaba.

1 Akolinto 4:15

Kuitĩ kanga muĩ nĩalangi gyana lya nzogũ kyumi mwa kĩKilisito, muagila kaatata naiingĩ. Kuitĩ ĩne neene naalĩ numulelile mwa kĩKilisito Yesu kunzĩla ya Mpola na Nziiza.

1 Akolinto 8:6

ĩpa gua, kunsĩĩtu ishie ukoolĩ uNzua umuĩ, mueneTata. Kumuakue uyu intu tũlũ naigyelela, nindiishie kumuakue kukoolĩ; kangĩ ukoolĩ ũShekulu umuĩ YesuKilisito; yensi naitũla ikoolĩ kwa kĩuyo, sunga nindiishie kukoolĩ kwakĩ uuyo.

2 Akolinto 1:19

Kuitĩ uMuana wa kĩNzua, Yesu Kilisito naalĩ mutanantigue nindiishie pakatĩ yaani nineene nuSiluano nũTimoteo sika alĩ eeze nĩzũi, ĩpa mumuakue ingĩ eeze.

2 Akolinto 1:24

Sika kĩna kwademela uusuĩĩli waani, ĩpa ishie kwĩaalĩĩlia a ulumbi waani, kusoonko muĩmikile kuusuĩĩli waani.

Agalatia 5:13

Kuitĩ iinie anũna aane, alĩ muĩĩtue mutũle akolelua; ĩpa uukolelua waani ulekitũla nsooko ya kutiata kimwĩlĩ, ĩpa mwĩtumĩkĩle niinie kuniinie kunzĩla ya uloogua.

Apilipi 1:15

Ĩĩĩa itanantia impola za kĩKilisito kunsooko ya wĩĩlũ muumankinĩla; ĩĩĩa gua kunkolo nanziiza.

Apilipi 2:11

lulĩmĩ luensi lukũmuule ya kĩna ũYesu Kilisito ingĩ Shekulu, kuukulu wa kĩNzua Tata.

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

Tito 1:11

Ĩa naakugomolaa ĩantu a numba zensi naimania nasika zijĩpĩĩle kwimania koona aligie nsao, ziizo nsao za nsoni.

2 Petelo 2:3

Numukĩaya ĩkakĩligĩlia nsaĩlo kumiani kunkaani naalĩ ntungue, nuulamulua waao kwipũna ĩkalĩ sika utinilie, sunga uoononeki waao sika witindila.