2 Akolinto 3:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ mbii gua uwĩtumi wa kĩMuau sika ukitũla nuukulune kwikĩla uwaasio?

2 Akolinto 3:8 ပူးပေါင်းရင်းမြစ်များ

Yohana 1:17

Kuitĩ uUlagĩĩlio nauleetua kumukono wa kĩMusa; uukende nĩtai alĩ zijile mwa kĩYesu Kilisito.

Yohana 7:39

Alutambuĩle itĩ mumpola za kĩMuau naĩkakumuanũnkula naasuĩlĩĩle mumuakue, kuitĩ uMuau alĩ wikĩĩlĩ kalakigyelela, kunsooko ũYesu alĩ wikĩĩlĩĩ wakuligue.

1 Akolinto 3:16

Sika mumanilene inie kĩna mualĩĩ Numba ya kĩNzua, kangĩ kĩna uMuau wa kĩNzua wikyalile munsĩ yaani?

2 Akolinto 11:4

Kuitĩ kanga muntu waaze nukukumutanantia ũYesu wĩngĩ nasika kumutanantilie ishie, katia mwiaanũnkula ĩnkolo yĩngĩ nyĩsia nĩndĩo naalĩ mumianũnkuĩle, katia mwiaanũnkula iMpola na Nziiza nazĩngĩ nasikaalĩ muzigombile, mwigigimĩlia iiza yoo!

2 Akolinto 3:17

Ninduyo ũShekulu muene Muau, nĩpaasio uMuau wa kĩShekulu pĩna wĩĩlĩ, uukolelua ukoolĩ.

2 Akolinto 3:6

nukũsũũmilie kwitũla ĩtumi ilyago nĩpia, nasika lya wandĩkua, ĩpa lya kĩMuau; kuitĩ uwandĩkua ukuulagaa ĩpa uMuau ukupangatagiaa.

2 Akolinto 3:7

Ĩpa kanga uwĩtumi nautĩĩte uukiu naalĩwandĩkue nukwioolua mumagũe ĩalĩĩ wijile muukulu, sunga ĩaana a Ĩsilaeli sika alĩ asũũmile kukuulaaa uusiu wa kĩMusa kunsooko ya ukulu muusiu waakue, nduo ukulu nauleegigua;

2 Akolinto 3:9

Kuitĩ uwĩtumi naukuleetaa uulamulua wa ukaasigua malĩĩ utĩĩte ukulu, uwĩtumi wa kulukuuluu utĩĩte ukulu nangũlũ kwikĩla uwaasio.

Agalatia 3:14

luulo uukembetua wa kĩIbũlahimu waapikĩlĩĩle ĩa ndugu nazĩngĩ mwa kĩKilisito Yesu, koona kuanũnkule ilyago lya kĩMuau kunzĩla ya usuĩĩli.

Agalatia 5:5

Kuitĩ ishie kungũlũ za kĩ Muau kutũngĩĩle uulaaĩĩli wa kulukuuluu kuunzĩla ya usuĩĩli.

Aepeso 2:18

Luulo gua, kunzĩla yaakue ishie nakuabĩlĩ kwaligagiaa nzĩla ya kumusũgamĩĩla uTata kwa kĩMuau umuĩ.

2 Atesaloniki 2:13

Ishie gua, yukũjĩpĩĩle kukumusongelia uNzua intondo tũlũ kunsooko yaani anũna ĩĩtu namualoogue nũShekulu, kunsooko uNzua wamusaaguĩle kwipũna umuandio kuugũnua muweeligua kwa kĩMuau, nukukumĩsuĩĩla ĩtai.

1 Petelo 1:2

Kĩna iio uNzua Tata alumumanile kwipũna ĩkalĩ alumuelilie inie kwa kĩMuau, mumugombie ũYesu Kilisito nukwimĩnzĩlua umugali waakue. Uukende nĩmatiliga mongeeligue kunsiani.