2 Akolinto 13:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ Ikolekeelie uniinie kĩna muĩlĩ muusuĩĩli, mwĩgeme uniinie. Katia sika mwĩlĩngilene uniinie kĩna ũYesu Kilisito ukolĩ munsĩ yaani, isiititũla mulemue nuugemua.

2 Akolinto 13:5 ပူးပေါင်းရင်းမြစ်များ

Yohana 14:23

ũYesu nushookeelia numuĩĩla, “Wensi kanga wandoogue ukikendegeela ulukaani luane, nuTata waane ukakumuloogua, nindiishie kukiiiza kumuakue nukwitenda wikyalo kumuakue.

Yohana 15:4

Kyalĩ munsĩ yaane, nineene munsĩ yaani. Kĩna ulutambĩ nasika lusũũmile kwipĩa lwing'ene kanga lusiite kukikyala mumukali, iio niniinie kanga musiite kukikyala munsĩ yaane.

Yohana 17:23

Ĩne munsĩ yaao nunduue munsi yaane, koona atũle akamatĩkũ muumuĩ, uunkũmbigyulu umane kĩna uue alutumile, nualoogua ĩa kĩna alundoilue ĩne.

Yohana 17:26

Naamanilie ĩliina liako, kangĩ nĩkakuamania; itĩ uuloogua naalundoilue ĩne wĩĩ munsĩ yaao, nineene nĩĩ munsĩ yaao.”

Yohana 6:56

Nulĩĩle umuĩlĩ waane nukwikopa umugali waane ukikyalaa munsĩ yaane nineene munsĩ yaakue.

Yohana 6:6

Alutambuĩle itĩ wamugeme, kuitĩ umuene alumanile kĩna ukitenda.

Alumĩ 1:28

Kangĩ kĩna alĩ asiitile kukumugomba uNzua muulĩngi waao, uNzua nualeka atiate ishala liao nasikigyombigue, atende nasika zijĩpĩĩle.

Alumĩ 8:10

Kanga uKilisito ĩwĩĩlĩ munsĩ yaani, ĩmiĩlĩ yakiile kunsooko ya mulandu, ĩpa inkolo zaani zĩĩlĩ muupanga kunsooko ya kulukuuluu.

1 Akolinto 11:28

uMuntu wĩkolekeelie umuene, paapo wakĩlĩe ĩkĩgao nukukukĩkopela ĩkĩĩko.

1 Akolinto 11:31

Ĩpa kanga ĩaza kwĩkolekelĩĩlie, kĩĩsa sika aza kwijililamulua.

1 Akolinto 3:16

Sika mumanilene inie kĩna mualĩĩ Numba ya kĩNzua, kangĩ kĩna uMuau wa kĩNzua wikyalile munsĩ yaani?

1 Akolinto 6:15

Sika mumanilene kĩina ĩmiĩlĩ yaani ingĩ pitũmpĩ pya kĩKilisito? Iio gua, nipisholene ipitũmpĩ pya kĩKilisito nukukupitenda pitũmpĩ pya mugololia. Sika iio!

1 Akolinto 6:19

Sika mumanilene kĩna umuĩlĩ waani ingĩ Numba ya kiMuauMwelu nuili munsi yaani, naali mwapegue nu Nzua? Niniinie sika nsao yaani uniinie;

1 Akolinto 6:2

Sika mumanilene kĩna ĩeelu ijile kuulamula uunkũmbigyulu? Maalĩĩ uunkũmbigyulu wijililamulua niniinie, sika mũjĩpĩĩlene kwilamula ulamuli nauniino?

1 Akolinto 9:24

Sika mumanilene kĩna naitiganilile kwimanka, kuuza amankile tũlũ, ĩpa nukuanũnkulaa ĩkĩpeegua ingĩ umuĩ? Mankĩ koona mukĩligie.

1 Akolinto 9:27

ĩpa nukuwaagia umuĩlĩ waane nukuutontia; ilekitũla pĩna nakondia kukuatanantĩĩlia naĩngĩ, ĩne uneene ntũle wa kusiitua.

2 Akolinto 6:16

Ukoolĩne uumuĩ pakatĩ ya Numba ya kĩNzua nĩanzegamĩla. Kuitĩ ishie kwĩNumba ya kĩNzua namukola upanga, kĩna uNzua aluũgile, “Nĩkakikyala pakatĩ yaao, kangĩ nikigendela pakatĩ yaao; Nineene nikitũla Nzua waao, ndĩo ikitũla antu aane.

Agalatia 2:20

Nakonontelĩĩlue mumusalaba palumuĩ nuKilisito, ĩpa itĩ numupanga; kangĩ sika neene nanumupanga, ĩpa uKilisito muene mupanga munsĩ yaane; nuupanga nanuutĩĩte ĩpaino mumuili, nuutĩĩte kuusuĩĩli muMuana wa kĩNzua naalundoilue nwĩsuula umuene kunsooko yaane.

Agalatia 4:19

Aana aane, nanumuonĩĩle usungu wa kulela kangĩ, sunga uKilisito waumbĩke munsĩ yaani.

Agalatia 6:4

Wensi gua nwaulaaĩkie umulĩmo waakue umuene, paapo ukitũla nĩnsooko ya kĩkũmazukia umuene udũũ, ilekitũla kumuntu muua.

Aepeso 3:17

uKilisito wikyale munkolo zaani kunzĩla ya usuĩĩli; koona inie musĩmbĩlue ĩmĩlĩ, muzengue mumukũlĩla muuloogua.

Akolosai 1:23

Kanga mwikyale muusuĩlĩ, muzengue mumukũlĩla wa ngũlũ mulekileegeligua paulaaĩĩli wa Mpola na Nziiza naalĩ mũigilie, naalĩ ntanantigue kuiumbe tũlũ nayĩĩlĩ nsĩlĩlĩ igyulu Nineene Paulo nantũla mwĩtumi waakue.

Akolosai 1:27

uWaasio uNzua naalusiile kukuũgyelelia kĩna wĩĩlĩ ugolĩ wa ukulu wa unkũnkũ uu pakatĩ ya ndugu nazĩngĩ; nduyo ingĩ uKilisito munsĩ yaani, ulaaĩĩli wa ukulu.

Akolosai 2:19

sunga sikulityapile iTyũe, lĩĩlo kwa kĩuyo umuĩlĩ tũlũ ukulĩĩsagiguaa nukwikamantaniguaa kumpĩngĩlĩ nĩmĩlaaso, ukukulaa kuukuli naupũnile kwa kĩNzua.

Akolosai 2:7

musimatigue nikwijengua mumuakue, mwĩkamatĩkie muusuĩĩli kĩina alĩ muamanigue mwĩkakie kũshongelia.

1 Timoteo 2:15

Ĩpa itĩ ukigũnĩka kunzĩla ya wĩleli waakue, kanga ikyale muusuĩĩli nuuloogua nuweelu palumuĩ nukukĩtema ĩeene.

2 Timoteo 3:8

Kĩna ũYane nuYambele naalĩ akĩkunguma nuMusa, iio-iioo nĩndĩĩa akĩkungumaa nĩtai; ingĩ antu naoononekile ĩmasala maao, naasiitilue kumpola za usuĩĩli.

Tito 1:13

Ukuĩli uu ingĩ wa tai. Kunsooko yoĩ uasokie kuutaki atũle a kapanga muusuĩĩli;

Tito 1:16

Akukũmuulaa ya kina amuĩzĩ uNzua, ĩpa kuutendi waao akumukaanaa; ingĩ akola usuukua, aleki, sika ijĩpĩĩle kwitenda luensi naluuza.

Tito 2:2

ĩAnampala ĩĩ akola kĩgilia, akola kyulio, akola masala akapanga muusuĩĩli numuuloogua numuukamatĩkũ.

Aebulania 12:15

Mwĩlaaĩkie sunga kaumuĩ walekiulia uukende wa kĩNzua; itina lya usungu lĩleke kigyelela nukukumuagia, nukunzĩla ĩĩ antu iingĩ adobigue munkolo.

Aebulania 4:1

Luulo gua, naa kĩlĩ lĩkoolĩ ilyago lya kũingĩla muusũũpio waakue, nakoopooke sunga kaumuĩ mumiani waleke kigyela ya kĩna uulilie.

Aebulania 6:8

Ĩpa kanga ĩliisie iyĩnza nimbĩgĩlĩ kutilĩ kansaĩlo kangĩ, ĩpa zitũla piipĩ nuuzũmua; ĩmpelo yaakue ingĩ kwishoonsua.

Yakobo 4:4

Inie agololia, agoosia nĩakĩĩma, sika mumanilene kĩna ĩkĩsuakĩĩa kya unkũmbigyulu ingĩ ulugu kwa kĩNzua? Luulo gua, wensi nusiiile watũle musuamuua wa unkũmbigyulu ukĩtenda watũle mulugu wa kĩNzua.

1 Petelo 5:9

Musiitĩ; muĩ akamũ muusuĩĩli ĩmumanile kĩna injago zizo-ziizoo zikondeeleka muanũna aani naakoolĩ muna unkũmbigyulu.

Ukũnukulua 2:5

Juka gua kĩna aluguile, upele, uutende uutendi wa muandio. Ĩpa kanga usiititenda yaasio, nijile kumuako, nĩkakumĩleegia ĩntala yaako paluandĩ luakue kanga usiitipela