2 Akolinto 12:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Numbuĩla, “uUkende waane ukuendile muumo, kuitĩ muuneketũ, muumo ingũlũ zaane zukukondeelekaa.” Iio gua, nĩkakĩkũmazukĩlia uuneketũ waane kuulumbi wingĩ kwikĩlĩkĩĩla, koona ingũlũ za kĩKilisito zikyale mumuane.

2 Akolinto 12:9 ပူးပေါင်းရင်းမြစ်များ

Apilipi 4:13

Nĩzishũũmile tũlũ kwa kĩuyo nukumpeela ingũlũ.

2 Akolinto 12:10

Kunsooko ĩĩ numuloeeligue nuuneketũ, nuugaalĩlua, nuwaagigua, nuupaatigua, nuukoigua kunsooko ya kĩKilisito, kuitĩ pĩna numuneketũ, paapo ntĩĩte ingũlũ.

Aepeso 3:16

Wamupeele inie kwilika lya ugolĩ wa ukulu waakue, kwitendua akamũ kungũlũ, kunzĩla ya kĩMuau waakue muuntu wa munsĩ.

1 Akolinto 10:13

uUgemua sika alĩ umuligilie inie isiititũla alĩ umuendile muumo mukĩuntu, nuNzua ingĩ wa usuĩĩli, sikukakumuleka mugemue kwikĩlĩkĩĩla muna musũũmĩĩle; ĩpa palumuĩ nuugemua ukuzĩpagiaa ĩnzila ya kutalamĩla musũũme kwigigimĩlia.

Aebulania 4:16

Luulo gua, nakulĩsũgamĩĩle ityegu lya ukende kuukamatĩkũ koona kuanũnkule ĩkĩnishungu nukwiona ukende wa kukualĩĩlia pityũngo lya usilĩlua.

2 Akolinto 12:5

Mumpola za muntu kĩna uyo nĩkakĩkũmazukia, ĩpa sika nĩkakĩkũmazukia uneene isiititũla mumpola zauneketũ waane.

1 Akolinto 15:10

Ĩpa kuukende wa kĩNzua ntũlile kĩna nĩĩlĩ; nuukende waakue kumuane sika nakanda, ĩpa nanĩkamatĩkia kukĩtuma umulĩmo kwikĩla io tũlũ, ĩpa sika neene, ingĩ ukende wakĩ Nzua nawĩpalumuĩ nineene.

1 Akolinto 2:5

koona uusuĩĩli waani ulekitũla mumasala ma antu, ĩpa mungũlũ za kĩNzua.

Akolosai 1:11

Kangĩ musũũmigue kungũlũ, kwilika lya usũũmi wa ukulu waakue, kuukamatĩkũ tũlũ nuugigimĩlia palumuĩ nilyumbi.

Luka 21:15

Kunsooko ĩne nĩkakumupeela ĩmĩlomo nĩmasala, ĩalugu aani nasika ikishũũma kukumadula nukukumupĩnga-pĩnga.

2 Akolinto 11:30

Kanga ĩinjĩpĩĩle kukĩkũmazukia, nĩkakĩkũmazukĩlia uuneketũ waane.

1 Timoteo 1:14

Ĩpa itĩ uukende wa kĩShekulu wĩĩtu nawĩongeelekia palumuĩ nuusuĩĩli nuuloogua nawĩĩlĩ mwa kĩKilisito Yesu.

Aebulania 11:34

alĩ azidibilie ingũlũ za mooto, alĩ agũnĩkile muuugĩ wa maũmba. Alĩ asũũmigue pĩna alĩ aneketũ, alĩ akamatĩkũ muulugu, alĩ amaĩngile ĩmaũmbĩ ma ulugu ĩma agenda

Matayo 28:20

ĩmukuamania aziambe tũlũ zensi naalĩ numulagĩlĩĩlie inie. Laaa ĩne nkoolĩ palumuĩ niniinie intondo tũlũ zensi, sunga kumpelo ya unkũmbigyulu.”

Matayo 28:18

ũYesu nuaagaana, nuĩ kuatambuĩla, nuũga, “Napeegaguaa uusũũmi tũlũ wensi kwigyulu numuna nsĩĩ.

2 Akolinto 12:15

Kuulumbi wingĩ nikipũnia iyaane, sunga nikipũnigua kunsooko ya nkolo zaani. Malĩĩ nĩkakilie kukumuloogua, numukeepeeluene kwiloogua niniinie.

1 Akolinto 2:3

Nineene alĩ nkoolĩ kunsiani muuneketũ numuooa ukulu numuukĩkĩmĩkia.

2 Akolinto 12:1

Injĩpĩĩle Kukĩkũmazukia kanga ĩkutilĩ kansaĩlo no, ĩpa nikilongoleka nimaoni nukuukũnukuĩlua nũShekulu.