2 Akolinto 11:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Namuluĩla wĩĩlũ nauuza wa kĩNzua kuitĩ numuligĩĩlie inie umugoosia umuĩ, ingĩ uKilisito, koona numutualĩle umunanso namueligue.

2 Akolinto 11:2 ပူးပေါင်းရင်းမြစ်များ

Yohana 3:29

Nutĩĩte umutoolua ingĩ mutooli, ĩpa umusuamuua wa mutooli nuĩmĩkile nukukumũigia ukulumbĩkagiaa kunsooko ya luli lwa mutooli.

Alumĩ 7:4

Iio gua anũna aane, mwaukiĩlĩĩle uUlagĩĩlio kunzĩla ya muĩlĩ wa kĩYesu Kilisito; mutũle a muntu wĩngĩ, unuasio naalĩ wiiukile muakiu koona kumupĩĩsĩlie uNzua inkali.

1 Akolinto 4:15

Kuitĩ kanga muĩ nĩalangi gyana lya nzogũ kyumi mwa kĩKilisito, muagila kaatata naiingĩ. Kuitĩ ĩne neene naalĩ numulelile mwa kĩKilisito Yesu kunzĩla ya Mpola na Nziiza.

2 Akolinto 4:14

kumanile kĩna naalumũiukilie ũShekulu Yesu ukakukũiukia sunga nindiishie palumuĩ nũYesu, nukukukutuala palumuĩ niniinie ntongela yaakue.

Agalatia 4:11

Noopokile kunsooko yaani, kĩna katia nĩaagilie nakanda mumpola zaani.

Apilipi 1:8

Kuitĩ uNzua ingĩ mukuĩlĩ waane kĩna numutĩĩtĩĩle inie nsula kĩna ĩnsula nya kĩKilisito Yesu umuene.

Akolosai 1:28

Wayuuyu kukumutanantia impola zaakue, nakukumusugula muntu wensi, nukukumumania muntu wensi mumasala tũlũ, koona kumuleete muntu wensi mukamĩnkĩĩlũ mwa kĩKilisito.

1 Atesaloniki 2:11

Iio-iioo mumanile, ilika kĩna utata nukuasugulaa ĩaana akue, alĩ nukumusugulaa umuĩ umuĩ kumiani nukukumukamĩnkĩĩlia nukukumulagĩĩlia,

Ukũnukulua 14:4

Ĩa awa sika aĩĩkĩlue udobũ wensi palumuĩ nĩakĩĩma kunsooko alĩ eeligue; ĩa awa akumutiatĩĩlaa uMuana-nkolo tũlũ kwensi kĩna ulunjie, ĩa alĩ agulue kwipũna muantu, nduĩ-nduĩ kwa kĩNzua nukwa kĩMuana-nkolo,