2 Akolinto 10:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Kuitĩ sunga pĩna kuĩlĩ mukĩmuĩlĩ sika kukĩlaasa kunzĩla ya kĩmuĩlĩ,

2 Akolinto 10:3 ပူးပေါင်းရင်းမြစ်များ

Alumĩ 7:5

Kuitĩ pĩna ulugendo luĩtu alĩ lua kĩuntu, inshula za mulandu naalĩ zikoolĩ kunzĩla ya Ulagĩĩlio nazĩtuma umulĩmo mupitũmpĩ piĩtu pya muĩlĩ, sunga nakuupĩĩsĩlia uukiu inkali.

Alumĩ 8:13

Kuitĩ kanga mwikyale kukuzitiata impola za kĩmuĩlĩ mukikia; ĩpa kanga muulage uutendi wa muĩlĩ kunzĩla ya kĩMuau, mukitũla upanga.

Alumĩ 8:4

koona ĩkulukuuluu nandagĩĩligue nuUlagĩĩlio ĩtimĩĩligue munsĩ yĩĩtu nasika kukugendelaa kwitiata ĩza kĩmuĩlĩ ĩpa ĩza kĩMuau.

2 Akolinto 1:17

Kuitĩ nishĩĩga izi, niunguĩla masĩĩgone? Katia nizishĩĩgile kunzĩla ya kĩmuĩlĩ koona yĩĩ ilika lĩmuine kumuane kwiũga, eeze nĩ zũi?

2 Akolinto 10:4

kuitĩ ĩmata mĩĩtu ma ulugu sika ma kĩmuĩlĩ ĩpa matĩĩte ngũlũ za kĩNzua namasũũmile kwitaula inkĩlĩ.

Agalatia 2:20

Nakonontelĩĩlue mumusalaba palumuĩ nuKilisito, ĩpa itĩ numupanga; kangĩ sika neene nanumupanga, ĩpa uKilisito muene mupanga munsĩ yaane; nuupanga nanuutĩĩte ĩpaino mumuili, nuutĩĩte kuusuĩĩli muMuana wa kĩNzua naalundoilue nwĩsuula umuene kunsooko yaane.

1 Timoteo 1:18

iLyagĩĩlio ĩlĩ nĩlĩlagĩlĩĩlie kumuako, muanuane Timoteo, kwilika lya nkaani za unakĩdagu naalĩ zitongĩĩle kumuako, itĩ muzaasio wĩkue uulugu nauuza.

2 Timoteo 4:7

Nĩsinkile ulugu nauuza, umusĩnzo naumalĩĩlagiaa, uusuĩĩli naukendegeelaa.

Aebulania 12:1

Luulo gua, nindiishie gaa kunsooko kuapilimĩkĩĩligue nilyũnde kyulu lya akuĩli nalyĩkĩna itĩ, nakuujiule umuligo wensi numulandu naukukũtyapikagiaa, nakumankĩkie kuukamatĩkũ muwĩtiganĩĩli waasio nauĩĩkue ntongela yĩĩtu,