1 Yohana 5:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Kangĩ akoolĩ atatu naakukuĩlaa muna nsĩĩ, uMuau nĩmaazi numugali; nĩndĩĩa naatatu akukamantanaa muumuĩ. Kanga kuwaanũnkule uukuĩli wa aana antu, uukuĩli wa kĩNzua ingĩ ukulu nangũlũ, kunsooko uu wau uukuĩli wa kĩNzua naalumukwĩlĩĩle uMuau waakue.

1 Yohana 5:9 ပူးပေါင်းရင်းမြစ်များ

Matayo 17:5

Pĩna alĩ kĩlĩ witambula, ilyũnde lielu nalĩakũnĩkĩla; laaa, luli nalupũna mwilyũnde naluũga, “Uyu wayu Muana waane muloogua, nanumuloeeligue ninduyo; mũigiĩ umuene.”

Yohana 10:38

Kanga ĩnukuĩtendaa, anga musitinshuĩĩla ĩne noo, muĩsuĩĩle ĩmĩlĩmo, koona mumane nukwilĩnga kĩna uTata umoolĩ mumuane nineene moolĩ mwa kĩTata.”

Yohana 5:39

Mukuukeesekagiaa uwandĩkua, kuitĩ inie mukusĩĩgaa kĩna muumo mutĩĩte uupanga wa kalĩ nakalĩ; uwaasio uuo unkuĩlĩĩle ĩne.

Utendi 17:31

Kunsooko uĩĩkile ulutondo lwa kulamula uunkũmbigyulu mukulukuuluu kumuntu naalumusaaguĩle; ninduyo nuapĩĩle ĩantu ensi ukamĩnkĩĩlia wa mpola izi kunzĩla ya kumũiukia kwipũna muakiu.”

Utendi 5:32

Ishie kuakuĩli ampola izi, nuMuau Muelu gaa, uNzua nukuapeelaa ĩaasio naakumugombagiaa.”

Aebulania 2:4

uNzua nduyo nukuĩla kukilĩngasĩĩlio nĩmakula nuutendi wingĩ wa ngũlũ, nukuipeegua ya kĩMuau Muelu kĩna alĩ muloelue umuene.

Aebulania 6:18

koona kunzĩla ya intu ibĩlĩ nasika ishũũmile kwikaĩlĩka, mũyaasio uNzua sikusũũmile kwitambula uulongo, kuligie ipyumbulio nalya ukamatĩkũ, ishie naalĩ kumankĩlĩĩle kwiamba uulaaĩĩli waasio nauĩĩkue ntongela yĩĩtu,

1 Yohana 5:10

uNuasio nusuĩlĩĩle muMuana wa kĩNzua utĩĩte ukuĩli waasio munsĩ yaakue. uNuasio nasikumusuĩlĩĩle uNzua umutendile watũle mulongo, kunsooko sikuusuĩlĩĩle uukuĩli, naalumukuĩlĩĩle uMuana waakue.

1 Yohana 5:8

Kunsooko akoolĩ akuĩli atatu mwigyulu, uTata, nuLukaani, nuMuau Muelu; nĩndiia naatatu umuĩ.